今日同个朋友去咗湾仔一间黄店食lunch，呢间餐厅个名真系唔识读，但系装修格局有型有格，颇有格调。由入口，用餐区域以至去洗手间途中的走廊均以白色墙身黑色线条为主，而且地方寛敞阔落，座位也是用白色梳化，成个环境感觉舒适明亮。餐厅有好多打卡位，非常适合爱打卡人士和三五知已聊天聊天！

午市时段有午市套餐供应，几十蚊至百几蚊都有，选择算多，另加$15也可以吃到甜品，非常吾错。面包、餐汤、主菜、饮品和甜品样样齐，整体食物质素达标，但略嫌面包太细片，甜品味道恰如其份，而且好好味？

限聚令关系，只可以二人一枱，所以即使是午餐时段也不是人头涌涌，加上环境嘅白澈明亮，喺度食午餐不经不觉都原来已经消磨咗两个几钟，感觉好舒服，好relax。朋友好介绍！

#cassiegowanchai
-
今年因为疫情无得去旅行，留系香港除左去staycation之外，瘦编都会同下朋友high tea解下闷。除左去酒店下午茶，湾仔嘅「ULURU Cuisine」都系一个唔错嘅选择，纯白欧陆风格嘅餐厅，墙上画满黑白色嘅手绘，就好似置身童话绘本世界一样，当中嘅橱柜、书柜、梳妆台等，配合真实嘅纯白色家俱，打卡一流！
-
ULURU 嘅High Tea Set (彩花之里．温室下午茶)，份量都几够，咸点及甜点都有齐，价钱只需要$338 两位，掂过酒店好多。每件食物造型都好精致，仲有片片玫瑰花瓣装饰，好豪华。瘦编同朋友都无食午餐，但依个下午茶set已经完成足够两个女生吃到饱饱，本身仲谂过另外叫少少小食，好彩无叫到，饱到晚餐都唔系好食到，哈哈！
-
除左好多件精致嘅咸点甜点，仲有个好靓嘅玻璃迷你朱古力糖果温室，里面系朱古力脆脆及朱古力慕丝，享受两种朱古力不同的甜度和口感。饮品方面包两杯特饮，可以选择花茶或咖啡。我地拣左两杯花茶，造型好漂亮，打卡一流。第一杯系Rose Tea，混合左士多啤梨同Rosemary 草香嘅花茶，味道香甜。第二杯系Lavender Dream，薰衣草花香混入荔枝味花茶。
-
味道评分▶️🌕🌕🌕🌕🌑 (4)
抵食评分▶️🌕🌕🌕🌕🌑 (4)
回购评分▶️🌕🌕🌕🌕🌑 (4)
-
➡️ ULURU (湾仔)📍 湾仔春园街1-11号春晖大厦1楼
-
IG: @cassiecwy/ @cassiegetfat
FB: @cassiegotravel
OP: cuisine_revolution

呢间一直都好想试，成日会喺ig见到好多人去打卡，穿过楼梯直上就到了，门口已有多个打卡位
餐厅装潢以黑白做主题，每幅墙身都画满不用图案，环境都好大好舒适
再行入啲有另一边一样好靓，仲有个小小窗口2人位
先点个彩花之里·温室下午茶set，成个set都好靓，可用墙身做背景影
先来咸点泰式炸鱼蛋及吉列炸虾，咸咸香口又脆身，都不错喔
之后就三层架甜点上场了，最上层有马卡龙，另外仲有uluru chocolate，入口劲浓朱古力味啊
中层系蛋糕仔，有林明顿蛋糕，Mocha及柚子味，每款都走清新路线，唔会甜到好腻
下层系迷你苹果金宝，好似牛角包口感又有果肉喺入面，仲有好奶滑嘅蓝莓乳酪
另一个用玻璃球器皿装住嘅系迷你朱古力糖果温室，入面好似泥嘅系朱古力饼碎，都几好味
餐饮我叫咗玫瑰花茶，好清香又可解一点甜腻，最后走时可影相打下卡

疫情关系冇得离开香港，天气又热唔想去outdoor，就揾咗呢间ULURU嚟打下卡影吓相再hea返几个钟。

门口有少少隐蔽不过都唔算难揾，环境方面初头睇相，以为只有几幅墙可以俾人打卡，通常呢啲Cafe都系细细间嘅，谁不知原来超大啊！估计都有二三千尺，座位唔会坐得好迫，仲超多影相位📸️

四围都系黑白色嘅2D漫画风背景墙，原来话呢啲壁画系有三间大学嘅艺术学生画嘅。尤其门口嘅位置，有一个梳妆台同埋吧枱，𠮶度系最好影嘅，仲有入面个猫露台位都唔好错过，佢仲会摆咗小道具喺侧边，可以拎住影相。

我哋平日午餐时间去，人不多，店员服务好殷勤，非常欢迎大家随便影相，仲会帮手合照影九万几张😂一边食一边狂影都唔会尴尬。仲介绍我哋另外一边有其他影相位，帮我哋搬埋啲嘢饮过去，仲话帮我哋看住啲手袋添～简直系五星级嘅服务！

讲吓啲食物，我哋叫咗两个lunch set，蒲烧鳗鱼啡菇意大利粉$108+香煎鲈鱼配西班牙茄酱$118，个餐包左面包、汤同埋饮品。

蒲烧鳗鱼啡菇意大利粉原来系成条鳗鱼配炒意粉🍝味道来讲就正正常常，略嫌有啲唔够咸。鲈鱼🐟煎得几香，都唔错。

不知不觉由lunch玩到下午茶时间，再叫咗两杯嘢饮同埋甜品🍮原来佢啲特点同埋甜品先系最优秀～

Rose tea $52入面有士多啤梨🍓仲有玫瑰花，散发着玫瑰清香～

Lavender dream卖相一样咁靓，系荔枝味嘅，入面散发住薰衣草嘅清香，唔会太甜，推荐！

甜品方面推荐「花见」$78
系玫瑰啫喱+柠檬cheese cake再加埋杏仁金宝，味道清爽又唔会太甜～

粉蝶花之丘$88
就系最适合用嚟打卡影相嘅，外面有一层半透明嘅糖，之后可以打碎佢捞埋啲好似泥土嘅朱古力金宝一齐食，入边仲有朱古力Brownie🍫

环境又靓又特别，食物质素又好，唔怪得知咁多好评！钟意打卡影相嘅真系好啱玩！

餐厅：ULURU (湾仔)
地址：湾仔春园街1-11号春晖大厦1楼

最近帮朋友庆祝生日🎂，咁啱佢又钟意食甜品，所以就去咗呢间黄店餐厅请佢食个下午茶☕️

一入到去就好似进入咗童话故事世界咁，四围都系黑白梦幻嘅壁画⚫️⚪️，睇得出系自己人手画嘅，傢俬、餐具都精心挑选过😍。唔单止环境优美，劲多人周围打卡📸，食物都好精美👍🏻

叫咗个彩花之里．温室下午茶（$188/one $338/two），里面有各种各样唔周款式嘅甜品🍮，除咗有Mocha、柚子丶蓝莓乳酷等口味嘅蛋糕之外🍰，仲有马卡龙丶玫瑰奶冻同朱古力牛角包🥐等，一定吸引到钟意食甜点既你地😏

我最钟意嘅系迷你朱古力糖果温室，系dark chocolate brownie再加咗Tiramisu木槺！最重要系设计到成个小王子花园咁🌹，同后面嘅背景相映成趣，唔系唔影相呀😆？

另外仲有savories，有泰式炸鱼蛋同吉列炸虾🍤，吸引想试吓咸点既你哋👅，不过我就觉得有啲油腻🙈

饮品方面就有ULURU rose tea同lavender dream，外貌精美绝伦，不过提提你拎果阵要小心，因为个杯出面都有碎花装饰架🌸，饮落有淡淡花香，食完甜品再饮就可以中和到油腻嘅感觉✨，唔知你地又会吾会想黎叹返个靓靓下午茶呢🤩