平时呢间野系lunch 时间系超多人排队，今日过左lunch 时间黎食。唔洗等位，哈！

本来系想食常餐，但见到有下午茶就心思思想食其他，今次一次叫左3个餐

1.牛油果炒蛋配农夫包沙律菜$58
系茶记冰室内"牛油果"已经少见，佢仲配意大利甜醋同农夫包，个包小麦味好重，又有沙津菜，令我一度怀疑我入左一间西餐厅而唔系一间冰室。

2.吉列龙脷柳配沙律$48
呢碟最后最后先到，仲出紧烟，证明系即叫即制。
首先个龙脷柳比其他店鲜同冇腥味同「雪味」，配左他他酱，呢个他他酱有少少洋葱(希望我冇错)，好特别!
呢个酱绝对做到平衡作用，中和油腻感。碟上的柠檬都唔洗用。
好食!而且份量足，成只手掌咁大。推荐!

3.鲜茄火腿汤通粉$36
好浓蕃茄汤底，好多茄蓉。

总体呢间冰室一流，绝对可以再黎！

躲懒唔返工，瞓到自然醒，同老公两个去食下午茶。唔想行太远，拣咗呢间离屋企只需 10 分钟路程嘅「味力冰室」。

其实呢间餐厅都开咗有一段日子，不过一直未帮衬过。门面以粉蓝色系为主调，既清新又不失利落感。

至于店内装潢亦充满魅力，设计融入了怀旧元素，墙身上挂了不少香港的旧照片和海报，另外还有旧式转盘电话，给人慢活休闲的感觉。

先看餐牌，食物主打港式美食，有常餐、午市套餐、下午茶餐，另外亦有几款新出嘅食品：橙茶、火腿芝士奄列、雪糕西多士等供应。我哋拣咗一个午餐同两个下午茶餐， 一于齐齐开心 Share。

餐牌上标明店内所有食品都是即叫即制，所以要耐心等候。先吃珍宝猪扒饭配秘制咖喱汁 ($58)，猪扒炸得啱啱好，既松脆又不油腻，肉质够晒软熟，鲜嫩有肉汁。咖喱汁充满椰香，入口浓郁惹味。

另外加咗餐肉 (+$10)、煎蛋 (+$6) 同鲜油奶多 (+$10)。餐肉两大块、厚切、煎得够香脆、有咬口。煎蛋是荷包蛋，半熟流心，入口有蛋香，用来捞饭一流。

鲜油奶多烘得好香脆，拿上手时仍热辣辣，中间夹着半溶的牛油同炼奶，美味又邪恶！

生炸鸡髀配薯条 ($36) 鸡髀非常大只，重而烫手，外皮炸至色泽金黄，咬下有沙沙声的脆口感。鸡肉嫩滑不韧，入口啖啖肉，肉汁极丰富，既油润又带有油脂香，而且完全无雪味，加上沙律菜伴粗薯条，简直是最佳美食享受。

至于另一客茶餐法兰西多士 ($32) 亦很值得推介，西多极厚身，外脆内松软，蛋味很香浓，食落完全没有半点油腻感。中间的花生馅涂得甚慷慨，配上清纯的糖浆，美味又不甜滞。

跟餐饮品点咗椰汁雪糕红豆冰 (+$15)、黑牛 (+$15) 同冻柠茶 (+$3)，红豆冰味道不俗，椰味重又不掩红豆味，配埋雪糕，简直透心凉。黑牛唔系间间餐厅都有得饮，可乐加上朱古力雪糕，绝对是完美的邪恶配搭。

两餐夹埋一餐食，埋单唔使 $200，两个人都吃得很满足。

最近经常到柴湾演岀，可以顺道发掘港岛东美食在鲗鱼涌转车时发现这家味力冰室，是家新式茶餐厅，比一般茶餐厅更干净、装修精致。

食物:4.3/5
全部食物份量多，极有饱肚感

▪️炸鸡脾
超级大只 极有满足感！即叫即炸，鸡皮香脆、肉质嫩滑有肉汁

▪️黑松露炒蛋多士
炒蛋嫩滑，黑松露份量多，但味道不会过重，与蛋香均衡 多士厚身，烘得香脆！

▪️牛油果炒蛋配农夫包、沙律菜
没想过茶餐厅都有这种如All day breakfast 般的茶餐 牛油果熟度刚好、口感软滑，炒蛋嫩滑，农夫包非常特别，有一粒粒藜麦，健康之选☺️

▪️雪糕红豆冰
大大杯，云呢拿雪糕配红豆冰，解暑之选，夏天饮一流！

系鲗鱼涌有事要处理，先食个早餐吧! 叫左肉丁煎蛋一丁，由于本人爱好华田，见到有华田爆脆就即刻加钱试，另外加左份黑松露炒蛋厚多士。
丁蛋面比一般茶记有诚意，肉丁比一般重味，相信来货不错，煎蛋一望就已经好吸引，好少茶记冰室会煎得咁靓，仲要流心的。
期待既华田爆脆也合我口味，原来爆脆系面头既华田脆脆，浸得耐都唔会淋，味道也够，很怕冲得淡茂茂的!
多士也不错，牛油味很香下得足够，炒蛋也很滑，吃前先把松露酱查开，但包身偏淋应该算面包吧，炒蛋也偏粒状，所以吃起来有点儿狼狈，整体也值得再次到访

成个月,出街食饭日子大减
唔食晚餐,转为食下午茶
一来人数比午餐少,也不用排队
价钱又抵食好多!
味力冰室下午茶有13款都系30几蚊起
即点即做,水准高,味道好
肉燥煎蛋捞意粉 $45 冻柠茶加$3
炸鸡脾薯条 $36, 黑松露炒蛋多士 $36
雪糕红豆冰 跟餐加$15

肉燥煎蛋捞意粉 $45

下午茶餐牌有一款捞意粉,想食饱少少
所以试呢款,一只太阳蛋加卤肉燥
味道出奇地夹,蛋黄既汁捞埋肉燥汁
浓郁既肉燥汁拌匀意粉~非常好吃!
仲有半份沙律菜食,可以平衡一下~

黑松露炒蛋厚多士
烘过焗脆既厚多士

加上芝士,牛油,炒滑蛋,黑松露酱
食之前唔知底有芝士片同牛油
一咬开有浓香既牛油香味同松露酱香
味道好丰富,有层次,炒蛋好鲜嫩滑

另外真心推介呢款红豆冰
甜香既椰汁底,加多一球雪糕！
粒粒红豆口感丰富，好饮到想追加！

鸡脾薯条，即时炸，１０分钟左右上菜
上碟都好有美感
有炸鸡脾，薯条，同沙律菜

炸得外皮脆香，肉汁丰富
薯条无洒盐，可以自己调味或加茄汁食
鸡脾啖啖肉，无醃得太过咸味
食落无咁油腻～