话说上年住过一次St Regis，整体印象唔错，所以今年情人节约咗另一半再去St Regis Staycation，今次book package - Exquisite Rendezvous，顺便想体验吓套房同butler service嘅「贴心服务」。 事先已经联络过酒店方面会预计三点钟check in，然后三点钟上到大堂，已经要排队等做check in手续，重点系柜枱同事话房间仲清洁紧，可能要45分钟后先交到房𠮶吓真系呆咗，不过好彩坐咗15分钟左右就话有另一间房啱啱清洁完可以比我，如果唔系喺个lobby度等45分钟可能会等到灰咗。 上一次柜枱嘅Butler会主动问使唔使带上房顺便介绍房间，不过可能今次情人节实在太多客太忙，Butler service明显失色不少除咗件房间介绍无咗之外，仲冇提到butler可以为住客准备一杯咖啡或茶，俾人感觉好似想悭皮咁，有啲失望。 一上到套房其实系几大几干净，客厅够大又有划分一个饭枱嘅角落，个浴室就简直系冇得顶！浴缸非常打卡able！房间硬件配套一流 不过成日喺IG见到人地会收到butler嘅手写卡，但系我住过两次就...话说上年住过一次St Regis，整体印象唔错，所以今年情人节约咗另一半再去St Regis Staycation，今次book package - Exquisite Rendezvous，顺便想体验吓套房同butler service嘅「贴心服务」。

事先已经联络过酒店方面会预计三点钟check in，然后三点钟上到大堂，已经要排队等做check in手续，重点系柜枱同事话房间仲清洁紧，可能要45分钟后先交到房吓真系呆咗，不过好彩坐咗15分钟左右就话有另一间房啱啱清洁完可以比我，如果唔系喺个lobby度等45分钟可能会等到灰咗。

上一次柜枱嘅Butler会主动问使唔使带上房顺便介绍房间，不过可能今次情人节实在太多客太忙，Butler service明显失色不少除咗件房间介绍无咗之外，仲冇提到butler可以为住客准备一杯咖啡或茶，俾人感觉好似想悭皮咁，有啲失望。

一上到套房其实系几大几干净，客厅够大又有划分一个饭枱嘅角落，个浴室就简直系冇得顶！浴缸非常打卡able！房间硬件配套一流

不过成日喺IG见到人地会收到butler嘅手写卡，但系我住过两次就影都唔见张唔知点先会有㗎呢

但系今次间房令到我心脏受到最大刺激嘅系，佢支source玻璃水变咗做COOL胶樽水呀oh my god 成件事就高级酒店降格到超市货仔，好大打击呀救命，好好睇睇一系就整返张酒店label啦，一樽樽COOL水真系一啲都唔cool️

跟住因为夜晚都仲系禁堂食嘅关系，都系叫room service，要等耐少少都正常嘅，话晒入住率都唔低。啲嘢食送到上嚟都仲系暖嘅，味道都算唔错，虽然我唔知点解个龙虾汁意粉要用个汤碗装，成个卖相唔系好match（可能系太多人叫room service唔够碟用），整体上餐饮嘅水准同之前差不多。

然后因为package包咗个bubble bath，打电话问Butler 原来系要约时间等butler帮你放水准备，有趣嘅系其实butler 用嚟开泡泡浴嘅potion，turndown service嘅时候姐姐已经派左好几支比我哋，所以唔系好明两者有咩分别，反正都系加落啲水度就会有泡泡。（重点系正常butler开个bubble bath仲系要收费的）

第二朝早餐因为润已经满座，所以就被安排到drawing room食早餐。招牌嘅早餐鲍鱼继续依然系冇得顶，然后另一半拣咗个 soufflé pancake，个pancake劲细，当做早餐主食真系太强差人意。

有趣嘅事情又发生喇，因为早餐系semi buffet形式，所以我哋食完个主食之后就再去拎啲甜点生果食，一返到位就发现成张枱俾人清咗，真系清到连粒尘都冇然后啲侍应发现收错枱，成件事劲尴尬无奈不过好好佢哋都好快就set返座位比我哋，同埋冲返未饮哂就被倒咗嘅嘅咖啡比我哋。

总括而言，对比上一次non peak season嚟住，明显感觉到今次butler service未够贴心，以服务做招牌难免因为人流太多而失色，亦都体验唔到专属管家嘅服务特色同贴心。好在酒店整体上硬件配套弥补得到（除咗支COOL水之外）。所以如果peak season嚟住的话就要考虑吓比贵左嘅价钱值唔值喇更多