—
之前听友人讲几经辛苦先订到afternoon tea
整个体验唔错 甜点同咸点都有水准

大溪地云呢拿千层酥($78)
3点去到 啱啱有批放入柜
返到屋企个酥皮仲系好酥脆松化
切开唔会散晒 带点焦糖嘅香甜
忌廉几挺身绵滑 淡淡云呢拿味
食完完全唔觉甜腻 物有所值
——————————————————————
Butterfly Patisserie
尖沙咀梳士巴利道18号香港瑰丽酒店2楼

一年一度茶脚相聚一刻，要知道食下午茶要预早一个月约定，所以夹到日子真开心

地方唔系好大，食既时间已经下午四点半，加上当日天阴，有点可惜。

我们坐正大堂中央位置，三个女人一个墟，一齐丧影相都好正，侍应好合作推架车俾我们影个够。

咸点四人份量，三个人分，savory dishes有中式及西式,造型细致，甚有内涵，用料唔洗讲都知贵气，黑毛猪叉烧酥，鹅肝多士简直正呀

仲有杂菜三文治加他他酱，每种颜色代表不同蔬菜，我居然食晒。

甜品有scone 同 Madeline,唉，scone 有点失望，Madeline 暖暖地，又好好食，好香，有糖粒食落微脆口

甜品任食时间，其实认真食完以上三道都够饱，只是有架车黎到，唔食又好蚀，我们每样叫少少，一定要叫千层酥，坚松脆同埋吉士酱冻冻地，好美味。因为圣诞节关系，所以部份甜品都以圣诞做主题，圣诞面包，姜饼人，试过都唔错

Confectionery trolley 有好多朱古力，试左signature,对我而言甜左少少，但其他细细粒朱古力又几好食wor

最后6.15pm 走人，临走前侍应都会问仲食唔食，如果几百蚊而言，其实都抵食，如果你是甜品控的话

位于尖沙咀新开酒店内附设的咖啡室，与朋友购物后找个地方稍作休息，西饼精致可口，味道不太甜，难得仲有中国茶选择，休闲地叹一杯咖啡与西饼，绝对可以再来。

天气非常好的星期日，　知道呢间新酒店开业了。　同老公决定去行吓，　食吓野。　

发现呢间Butterfly, 设计华丽但又不失舒服感觉。　我们坐下见到每张枱用上新鲜花衬托。　可供影相之用。　老公点了龙虾意粉，　我点了和牛ＢＵＲＧＥＲ。　及少油菜芯，　好好味。　

当天亦不多人。　服务好好。　

一定会再去。　

想食好耐嘅Rosewood下午茶，谢谢妹妹早咗一个月订位同我庆祝生日！

同一般酒店下午茶唔同，呢度分五个 courses：Savory canapes、Elegant surprise、Freshly Baked Scone、Pastry Trolley以及Confectionery Trolley朱古力（$720/2位，3位份量需另加$380)。另外每人都包一杯饮品。

咸点样样都好精致，我最钟意食红菜头鹅肝珍宝珠，外面甜酸，入面是软滑香浓嘅鹅肝酱！烟三文鱼鱼子卷非常馅鲜，我本人都几钟意食中式叉烧酥，个皮做得好松化，不过松露蛋挞个皮就偏腍，口感一般。

值得一提嘅系，因为酒店想摆碟靓D，所以我哋3位都会照上4人咸点份量，即刻觉得好抵，哈哈！

Elegant surprise隔一段时间就会转，今次系七彩蔬菜三文治，味道丰富，配上sour cream，都几清新。

第三道 Scone每人有一个，有原味同提子味两款。
开头职员送漏咗一个scone略为扣分，如果可以问埋我哋想要边款会比较好。
Scones质素还好，唔会焗到过乾，但始终无文华东方咁重牛油香，果酱甜度稍高，clotted cream亦唔够软滑奶香。
反而Madeleine 就可有水准，外脆内软，入口仍然系微暖，一粒一啖，好食！

之后就系甜品车啦！
职员会推车逐一介绍，每人可以拣两款，如果仲有想试嘅，之后都可以refill。
每款都好吸引，我哋3个人属性点齐6款蛋糕share，最推荐覆盆子挞，酸甜有致，挞皮够脆！杏桃挞都果香十足，质感湿润。Cupcake我本身一般般，估唔到都ok，蛋糕湿润，忌廉香滑之余又唔会太甜。反而开心果Eclairs就太甜，唔太建议。
最后嘅Chocolate Trolley真系非常邪恶！
原先都想样样试下，但实在眼阔肚窄，只系食咗黑森林蛋糕、Butterfly kiss及手工朱古力。
黑森林蛋糕好出色，奶油绵密香滑，蛋糕湿润带酒香，我竟然忍唔住食咗大半件！反而招牌Butterfly Kiss内里夹住棉花糖及果酱，食起来就比较甜漏，唔系我杯茶。

整体嚟讲，而Rosewood嘅名气，食下午茶可以食到咁饱，我觉得都抵，哈哈。