平时好少会过嚟将军澳呢头，
今日一场嚟到梗系要揾吓有啲乜嘢好嘢食，
见到呢间餐厅门口咁多人排队，
我谂一定唔差所以拣咗食呢间。
加上佢星期日都有下午茶餐，
真系好吸引！

我几钟意佢个装修，
有啲书、小语录同花花嘅装饰咁，
几适合打咭。

讲返正题嘅食物先，
我钟意佢啲加配小食细细碟，
份量唔多可以试多几款。
但佢主食嘅份量都几大，
男仔食牛肉面一碗都已经够晒饱。

加配小食8蚊一款，15蚊两款。
我拣咗上汤浸时蔬， 凉拌黑醋茄子同埋卤水豆腐。
黑醋茄子酸酸地咁好开胃

麻辣猪肚好够麻，
但如果可以辣多少少就更加正。
不过有大量芫荽搭救，
整体嚟讲都唔错。

啲牛腩好淋，
入口即溶，
好味！

我个茶餐有蕃茄通粉配肉松蛋饼，
茶餐嚟讲都算好大份。

饮品拣咗蜂蜜柠檬芦荟同仙草冻奶茶，
劲大杯！
一杯已经够两个人饮

甜品试埋个紫薯薏米黑糖仙草，
好足料，
如果唔系咁肚饿，
我觉得可以食呢个糖水当一餐。

由于第一次帮衬，
无谂过大部分食物嘅份量都算大，
所以本来想食个下午茶，
结果饱到晚餐都应该唔驶食
我叫咗咁多嘢都系二百四十蚊咋！
唔怪得之门口咁多人排队啦！

下午茶餐真心抵呀[色]

红烧腱心牛肉面 $59
有别于一般牛肉面，汤底系比较清甜，重口味人士可能会唔满足，但食到尾都唔会有腻嘅感觉。腱心牛肉超有惊喜，好软腍又有牛味
.
塔香。三杯鸡定食 $88
定食包汤同菜，汤几清甜足料，唔太浓味。菜就几好食嘅娃娃菜。三杯鸡都几滑，但略嫌不够热同香辣，饭系日本米，值得一赞
.
台南手工馅饼定食 $28/2
等得唔算耐，热辣辣，外脆内多汁，包皮又薄又脆，馅系猪肉碎同椰菜，最好食系佢！
.
夏日水漾鲜果茶 $25
有多种生果，有鲜果清甜味，唔会死甜，好fresh!
.
脆脆阿华田 $23
表面有Oreo脆脆同忌廉，令成杯浓厚左

行行吓街忽然心血来潮想食台湾野，见到呢间餐厅装修几文青，嘢食价钱都合理，于是就入去试吓。因为太夜去嘅关系，套餐炖汤只剩下最后一个，所以就叫左一个晚市套餐，其他散叫。
.
卤水鸡翼卤肉饭配炖汤和上汤浸时菜(套餐)
卤水鸡翼就无咩特别，不过都卤得几入味。卤肉饭嘅卤肉肥瘦适中，而且好多肉汁，捞饭食一流。炖汤几浓味，用好多猪骨熬制，好足料。另外，有个上汤时菜跟餐，感觉上健康啲。
.
酥炸排骨卤肉饭
排骨份量几多，而且炸得外脆，入面又不会太乾，几好味。
.
椒盐花枝丸
虽然得三粒，但粒粒都成个乒乓波咁大，外皮炸得香脆，花枝味几重，而且好有口。
.
台湾烤香肠
每片厚薄度适中，煎得很香，如果有埋蒜片就更好。
.
热铁观音珍珠鲜奶茶
奶味较重，珍珠量都多，而且好Q弹。
.
冻 芝士奶盖桂花乌龙茶
个芝士奶盖几香同滑，桂花乌龙清新解渴，刚刚好中和左奶盖，感觉上无甘肥。

我今日又同朋友嚟食宝琳呢一间台湾野，虽然已经食咗几次但都keep到水准，仲有做下午茶优惠添！

红烧半筋半腩牛肉面$64 必食
牛腩牛筋都好准
面嘅份量都好够
牛腩好淋，入口即溶
完全唔会出现苏味


红烧牛筋三宝牛肉面$68
同样系超大碗
牛筋 牛肚 牛腩都系好充料
牛筋真系好好食 好淋好入味

桂花鸡翼 $32
新鲜炸起，鸡翼脆皮
鸡肉够滑 唔会好鞋好厚皮

古早味卤水拼盘
卤水拼盘份量都劲多！
有好多牛肚


台南手工馅饼
呢个真系必食！超好食
入边有好足料，煎到个皮啱啱好
系超有台湾嘅味道


芝士奶盖阿华田
好重华田味 唔会话好甜 夹奶盖真系一流

总括而言，环境十分舒适，真系做到台湾嘅味道，亦都令人有去咗台湾嘅感觉。

评分时间～5只最高

味道：
服务：
价钱：
环境：
地理位置：
回头机会：

#人总有一饱今餐我最饱！

四季良晨 (新都城中心)
宝琳站A3出口
将军澳贸业路8号新都城中心2期UG楼UG051F号舖

去唔到台湾旅行，
饮番两杯台式饮品，加碗牛肉面解解瘾
就系呢段时间最大的安慰。四季良晨就在宝琳站新都城，地点方便，台湾菜也做得不错，家人指定要食，那就外卖回家吧。
三拼牛肉饭定食腱心牛肉牛腩牛丸配上汤浸时菜及白饭
呢碗三拼牛肉面饭抵食夹大件， 牛腩都两大件， 腱心牛肉卤得入味，牛丸爽弹。跟餐配埋上汤浸时菜，加埋烟韧q软的台湾米的确唔错吃。
红烧半筋半南腩肉面64
个面底劲多不在话下， 牛腩肉味浓， 牛筋有嚼劲 ，卤得软硬适中。有埋萝卜唔会怕净系食肉。最重要系 拎走汤同面会分开装， 唔怕返到屋企啲汤浸淋晒啲面。
凉拌猫耳朵 紫菜鱼丸汤 15
小食方面我觉得都几抵，15蚊就有两款，凉拌猫耳朵带辣劲而又凉爽，让人不知不觉 一只接一只耳朵放入口。
紫菜鱼丸汤暖胃之余，鱼丸爽弹好味，开场暖胃超一流。
309煲仔塔香三杯鸡58
一杯麻油，一杯酒，一杯酱油做就了香味满满的三杯鸡，鸡肉走过油，外香内嫰。金不换更有画龙点睛的作用，香气和味道都更上一层楼。
铁观音珍珠鲜奶茶
茶香明显，甘香易入喉。 珍珠烟韧有咬口。
黑白珍珠配豆乳
豆乳香甜味浓，珍珠份量多，唔想饮茶改饮豆乳都非常ok