今日去阿布泰买野,宝林有一间大分店
排完队买完野就系附近同一层揾食
呢度有间四季良晨,系食台湾野就入去啦
$88 炖汤餐,包汤+菜+主食+饭
另外叫左两杯台式茶饮

叫左杯火龙果特饮,另一杯系水果茶
另外套餐加钱要多杯桂圆菊花茶
茶饮先上,饮住等,顺便填埋个手写资料
茶味偏轻,甜味自然,饮完唔会口干

三杯鸡,一开盖已经闻得阵阵香气散出黎
炖汤够清甜,少油,料多,有鸡肉有粟米萝卜
上汤菜,无咩特别啦,味道淡
讲返三杯鸡肉,肉多骨少,啖啖肉,爆得香口
三杯 麻油米酒加酱油,麻油味淡,酒味不浓
整体上味道唔抢,合格有余既三杯菜式

再黎就系另一款定食,应该叫卤牛肉三宝
牛展片两片,牛肋条两件,两粒弹牙牛丸
卤得够透够入味,但加返少少辣应该会更好食

整体上抵食,份量丰富
免加一,落单去收银讲台号,最后会送餐
将军澳贸业路8号
新都城中心2期UG楼UG051F号舖
Shop UG051F, UG/F, MCP Central, 8 Mau Yip Road, Tseung Kwan O

继续将军澳系列， 趁著假期， 终于得到家人的批准 ， 传统过了初十五才可以剪头发 ，早上来到新都城， 唔经唔觉已经到了下午茶时段， 在发型屋 停留了几个钟头已经非常肚饿， 喺商场入面揾到间食台湾菜的餐厅， 价钱非常合理而且有下午茶。

香酥排骨辛辣面
超值推荐之选， 38蚊 超大块香酥排骨， 外酥内软 ，又保持到肉汁唔会干唔会鞋 ，辛辣面煮得啱啱好，烟烟靭靭唔会太淋。

台式蛋饼肉松 +地瓜薯条
另一超值之选， 蛋饼煎至金黄烟韧， 卷住劲多肉松， 下次可以试下加埋芝士应该会更加好食， 地瓜薯条 非常香甜， 份量十足。

红烧牛肉面
仲嗌咗个正价嘅红烧牛肉面， 相比起下午茶就贵少少， 拉面烟烟韧韧汤底香浓， 牛肉够晒松软。

来到台式餐厅， 当然要嗌台式特饮，
水漾鲜果茶+黑糖珍珠鲜奶
量杯饮品都好足料， 黑糖珍珠鲜奶 够香醇， 珍珠烟韧
水果茶 清甜够冻， 如果可以再多啲生果就更加好。

奉行台湾文青主义，无时无刻享受时光，系呢度带出嚟嘅讯息。
餐厅里面，木系嘅摆设，到处都系书架同书本，书卷味满满，食嘢不忘随手拎一本书阅读。
台式食物例如粉面同埋饮品出名好味大家都知道，味道方面嘅多元化例如麻辣或者养生都可以满足到不同需要。
地狱三盛牛肉面，$73。钟意食辣嘅我，毫不犹豫选择咗呢一味菜。材料系腱心牛肉，牛肚同埋牛丸。佢嘅麻辣亦都冇令我失望，劲道十足嘅麻辣里面仲会食得出一股红烧牛肉嘅味道，汤底简直令人一食上瘾，配合有咬口嘅面质，唔需要花费太多光阴就成碗落肚。
另外叫咗杯芝士奶盖阿华田，浓厚嘅芝士奶盖下面系充满港式风情嘅阿华田，呢个比较似台湾同香港嘅fusion，味道几好唔错，但比较起平时台式嘅芝士奶盖饮品来得饱济。

煲仔塔香三杯鸡
鸡肉充满酒香，也有九层塔嘅独有香味， 小食来说份量很足。

红烧半筋半腩米线$64
不喜欢药材味汤底也可选择红烧汤底， 汤底好浓味如果再辣多一点更perfect。 半筋半腩分量好足，大大件， 配菜还有银芽， 非常爽口 ，萝卜白萝卜也很入味 ，碗嘅size系大过块面好夸张～

红烧牛筋三宝台湾面（ 养生汤底 ）牛肚，牛筋，牛腩）$69
佢嘅台湾面汤底做得唔错， 喜欢带少少药材味嘅可以拣养生汤底。
台湾面面质较粗，有咬囗。 养生汤底清甜而不会过于浓味， 淡淡的药材香味， 配衬的牛筋软棉腍滑，牛腩带筋部位 也够入味够淋， 牛肚又爽又香。 还配有白萝卜，红萝卜， 清甜滋润。

猫耳朵好爽口， 陈醋味道非常浓郁， 酸酸地好开胃！

紫菜鱼丸汤
紫菜汤清甜， 鱼丸变成潮州鱼蛋好特别。

仙气火龙果茶
这里饮品非常抵饮， 相当大杯。 少冰少甜嘅火龙果茶非常天然清甜， 冇糖浆，香精嘅味道， 非常解渴。

超浓郁可可
可可味浓郁而且唔会太甜～

食物整体相当满意！

晚市重新，终于可以同朋友放工食餐饭吹下水
今晚到新都城食饭，我同朋友想食台湾野，就去咗四季良辰食晚饭

我哋未入座已睇定饮品，好想试试
入座后睇menu, 好多选择同配搭，可单点、加小食、饮品，又可选择套餐，面类饭类都好吸引！我哋都心大心细，终于决定叫一饭一面share，再加小食，好丰富咁！
选好后到收银处点餐付款，顺便点埋饮品：鲜果茶 & 宇治抹茶拿铁
落完单，唔使等好耐，食物好快就到

虫草花杞子鸡汤饭：感觉很滋补，不觉有味精，除咗有杞子，亦有云耳、娃娃菜，鸡肉味鲜甜

三盛牛肉面：有三款配料（牛丸、牛腩、牛展）配上养生汤底，原来味道都好夹，好味

盐酥花枝丸：三粒大大粒，外层新鲜脆口，甜甜的，内里弹牙

桂花鸡翼：有3只，十分香脆，鸡肉嫩滑

凉拌黑醋茄子：酸酸甜甜好开胃，好香浓的醋味道，喜欢

鲜果茶：好多款水果，有蓝莓、火龙果、士多啤梨、奇异果、西柚，果味鲜甜，茶味香，很清新，赞！

呢度店舖虽小，座位唔算多，但装饰布置都好有心思，环境令人有置身于台湾的感觉，真的好想到台湾旅行