我们不支持您使用的这种浏览器。TripAdvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“山林道西餐🍸”
Nathanhouse的点评

Nathanhouse
香港排名第332 (共13,628家美食)
价格区间: US$13 - US$102
餐厅详细资料
4周前点评 通过移动设备发表

|| 山林道西餐 ||

山林道永远都系充满住我中学回忆既一条食街,不过好多以前成日食既餐厅都已经执左,连个地盘位都终于建成一栋商业大厦,多左唔少餐厅或者酒吧呢日同朋友系呢度既一间西餐厅食晚饭,餐厅系走黑红路线,型格得黎带点浪漫气氛
·
店员首先端上一盘面包,每人可以从中挑选两款,我偷埋友人既过黎一拼影相我拣左两旧细既,都系外脆内软,橙色旧原来系蕃茄烟肉包,阵味比想像中要突出,另一旧就有加上坚果,食落带点口感再配上橄榄油、黑醋、牛油
·
▪️ 海龙皇汤(6.5/10)268
·
饮落有住香浓既龙虾味,最为欣赏佢既金雕鱼,外皮既鱼鳞炸得脆身,底层既鱼肉入口滑身,而且鱼味唔错,仲有爽弹既鱿鱼,不过鲜虾就略带雪味较为逊色饮既时候一直感觉差咁啲野,后尾才醒起系比漏左青口当个汤同主菜系定价到一样之际,个人会觉得主菜性价比更高呢
·
▪️ 蟹肉凯萨沙律(7.5/10)138
·
沙律摆盘吸睛,面头洒上左芝士粉同埋黑椒, 有大量绵绵既蟹肉丝,鲜味唔错,加上脆身面包糠粒同埋爽脆沙律菜,就算沙律酱汁落得唔多,都唔会话觉得干身
·
▪️ 慢煮三十六小时牛小排 烤焗牛骨髓 洋薏米(8.5/10)268
·
店员建议先食牛骨髓,面头系有炸蒜,会有微微脆身效果,下面系牛骨髓,入口会有少少滑身骨胶啫喱既感觉,而且有住香浓既牛油味☺️牛小排慢煮过后,依然保持粉嫩,口感非常软腍,肉味十足,蘸上底下既酱汁份外惹味仲有就系忌廉洋薏米,整到有少少似意大利饭烟韧感,整体颇有惊喜
·
▪️ 漂浮岛(7.5/10)138
·
中间类似蛋黄既物体系载住满满既芒果酱汁,微微烧过既蛋白霜,有住梳乎厘既松软口感,带有少许甜丝丝既感觉伴碟既三粒芭菲味道各有特色,分别系紫色既黑加仑子、粉色既红桑子、杏色既玫瑰荔枝,个人最钟意清幽既玫瑰荔枝,另外仲有较为酸既黑桑子、红桑子叫得乳酪冻汤,出到黎会系比较流质,无话好稠身种,唔会腻既甜品作结几好
·
整体评分(7.5/10)

Nathanhouse (尖沙咀)
地址:尖沙咀山林道38号地舖 (佐敦站D出口)
营业时间:
星期一至日 12:00-14:00;15:00-17:00;18:00-22:00
#FoodieTWY尖沙咀
#FoodieTWY香港
.
#hkig #hkfoodie #foodie #foodblogger #foodporn #foodlover #foodaholic #foodpics #foodstagram #instafood #topcitybiteshk #topcitybites #uhkfood #ufoodphoto #presslogicholiday #香港美食 #吃货 #相机食先 #一路食一路post

感谢 foodietwy
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.co.uk 查看原文
撰写点评点评 (40)
旅行者评分
旅行者类型
时节
语言

16 - 20 条点评,共 40 条

2019年7月16日点评

尖沙咀山林道 …… 一条小巷中却隐藏着各式各样的餐厅。今次同另一半特意走到山林道更深入处,一尝由前四季酒店总厨亲自主理的西餐厅 - Nathanhouse。

餐厅门面以红色为主调,配上落地大玻璃设计,甚有气派亦充满时代感,相当eye-catching。入到去,餐厅楼底好高,空间感十足,而且座位隔距洽宜,感觉舒适。
内里装潢同样以红/黑色为主调,天花垂吊著两盏水晶吊灯,跟餐枱上放置的小灯饰互相呼应,整体气氛颇浪漫。

⭐自家制餐包 (*Free)
点餐后,侍应随即奉上面包篮 及 岩盐牛油/黑醋/橄榄油前来,【重点】面包全是自家制!今次我挑选咗坚果法包 及 烟肉法包。两款面包均微暖,表面烘得香脆,做咁食都已经好香好好味!再搽上自家岩盐牛油~ 味道好夹!好想再Encore!

⭐蟹肉凯萨沙律 $138
凯萨沙律平时就食得多,但配上新鲜蟹肉及鳀鱼鱼籽,味道口感大大提升!
一丝丝蟹肉密铺整个表面,份量十足,味道非常鲜甜!鳀鱼鱼籽则味带咸香,咬落爽口卜卜脆。沙律菜亦好新鲜,加上酸酸甜甜沙律汁,非常清新醒胃!甚有惊喜嘅一道前菜!

⭐海龙皇汤 $268
卖相非常吸引!一上枱,巳闻到非常浓郁嘅鲜虾香味!汤身呈橙红色偏浓稠,口感滑而不腻,海鲜精华尽在汤中,鲜甜味道一直喺口腔中回旋。汤内材料亦相当丰富(包括:金调鱼、鱿鱼、鲜虾、青口),而当中最为欣赏金调鱼!鱼鳞以高温炸过,使其呈蜂巢状,咬落非常酥脆,而鱼身却非常细嫩松化,交织出不一样嘅口感。
整体非常高质,一试难忘!

⭐慢煮36小时牛小排‧烤焗牛骨髓.洋薏米 $ 268
牛小排以低温36小时慢煮,肉身呈漂亮嘅粉红色,油脂分布均匀。肉汁紧紧锁住在内,好JUICY! 牛味浓郁~ 口感非常软腍!而牛骨髓都系亮点之一,第一次食牛骨髓,初初都有啲惊会否接受唔到当中嘅「内脏味」。点知,一试就爱上了!厨师巧妙地喺表面加上大量蒜茸及牛油一齐烤焗,刚好中和当中微腥嘅「内脏味」,
令人更易接受~ 食落口感有啲似啫喱~充满胶质,入口即融,牛味好出~有惊喜‌!YUMMY!而洋薏米口感弹牙,以浓郁忌廉汁烹调~ 整体味道不错。

⭐漂浮岛 $138
卖相好精致又特别,非常梦幻嘅一道甜品!中间嘅「小岛」以蛋白霜造成,漂浮喺香草乳酪冻汤上面。蛋白霜空气感十足,口感松软绵密,甜甜的味道跟酸甜乳酪非常夹。
而旁边仲有3个「小岛」,分别系 玫瑰荔枝、黑加仑子、红桑子芭菲 。味道好清新~果味香浓,整体配塔得宜又新颖!感受得出厨师设计这道甜品时,定必花了不少心思!

总括而言,不论环境、食物都甚有水准! 菜色既精致又新颖,食材用料高质,
以 fine dinning来说,价位颇算亲民~ 另外值得一赞:侍应服务态度亦非常良好。
日后定必会再来Encore!

感谢 Ferdinard_yum
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月11日点评

吃一顿精致的Fine Dining,也不一定是酒店或米芝莲星级餐厅的专利,上星期六我就来到位于尖沙咀、由前五星级酒店总厨主理的Nathanhouse, 细味欧陆Fine Dining。

虽然餐厅面积不大,不过胜在楼底够高,不觉侷促,天花垂吊水晶灯饰,配上黑红主色的型格装潢,透著简约奢华的浪漫气息。

餐牌选择不多,但因为如酒店般对选用食材自有一套严格标准,宁可贵精不贵多。

点菜后,侍应就会奉上自家制餐包,面包篮内有好几款面包,每人可选两款。

面包烘得外脆内软,吃起来带有淡淡的面粉香,可点上海盐牛油、黑醋及橄榄油。

蟹肉凯萨沙律 $138

即叫即制的沙律才可令菜叶不会发黄 ,嫩口之余水分亦充足。

蟹肉雪白细腻,加上咸香的鳀鱼鱼籽,锁住原始鲜甜海味,轻盈无负担。

沙律爽杂了脆口的面包粒,蔬菜新鲜爽脆,配合沙律酱汁尤其清爽醒胃。

海龙皇汤 $268

用料十足,用上大量海鲜所熬制,内有甘鲷鱼、鱿鱼、鲜虾及青口。

海鲜食材新鲜爽弹,隐隐为汤头渗入海水味,使味道升华至另一层次。

汤色红润油亮,浓郁鲜甜而又带点黏口,喝起来浓浓滑滑的,鲜味浓得化不开。

香煎甘鲷鱼‧烧椰菜花‧南瓜海胆汁 $238

摆盘姿态优雅,鲷鱼肉质丰厚细嫩,鱼脂与肉比例均衡,富有白身鱼的爽甜。

以高温煮过的鱼鳞,直挺挺的立了起来,层层交叠犹如蜂巢立面,吃的是鱼鳞的酥香脆,与鱼肉的软嫩形成强烈对比。

甘腴鲜味的南瓜海胆汁,唤醒味蕾,牵引出鲷鱼独有的甘甜鲜味。

漂浮岛‧香草乳酪冻汤‧玫瑰荔枝‧黑加仑子‧红桑子芭菲 $138

乍听名字便知道这道甜品极尽梦幻,将蛋白漂浮在乳酪冻汤上,如同茫茫大海中的一座孤岛,卖相精致而又色彩缤纷。

三款芭菲包括玫瑰荔枝、黑加仑子、红桑子口味,由淡至浓逐一品尝,融合天然清新的酸甜果香。

以芒果酱制成的蛋黄外型几可乱真,蛋白霜满是空气感的松软绵柔,入口即化,加上甜度低于其他的甜点,可以吃出一种安静的甜美。

感谢 Eunicep4
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com 查看原文
2019年7月7日点评

又去到拍拖纪念日,今次揾左间位于山林道好有情调既餐厅。店内装潢有酒店餐厅感觉,但价钱同一般西餐厅差唔多,都好合理。

一坐底店员已经拓出一大盘新鲜面包,全部都系师傅焗制,而且亦有好多选择传来阵阵面包香气。我地拣左法包,薄脆包,同埋番茄干包,三样完全唔同口感同味道,但系全部都好好味。配合新鲜牛油,黑醋,橄榄油,好享受。

前菜我哋首先要左个凯撒沙律,几特别嘅系佢将一个罗马生菜开半就咁放喺度,上面铺满大量拆成丝既珍宝蟹肉,10分鲜甜。再加埋提鱼鱼子酱做酱汁,更加提鲜。

然后再要咗一个海龙王汤,呢个汤可以系话我暂时饮过最龙最好味嘅海鲜汤。首先讲个汤底超级香浓虾味,但又唔会腥。

再值得一赞就系上面嘅配料,非常之用心制作,除咗有好新鲜嘅鱿鱼,青口,虾,之外,仲有比较特别嘅甘鲷鱼。师傅连鳞咁炸到好香脆,下面既鱼肉亦好有质感,真系好好食。

主菜就要左个慢煮牛小排,烤焗牛骨髓配洋薏米。牛小排经过36小时低温慢煮,肉质非常嫩,而表面亦有再煎香过。

牛骨髓经过烤焗之后表面非常香脆,入面嘅口感亦好得意。而更加值得一赞嘅系个洋薏米,睇落以为系risotto,但薏米食落更加有口感,而且用白汁忌廉煮过非常creamy。

甜品我哋要咗个floating island,呢个甜品睇得又食得10分推介。其实系一个蛋白疏乎厘放咗喺yogurt上面 ,再加上好多唔同嘅莓果,同埋唔同味道嘅雪芭,酸酸甜甜,男女都应该好钟意食。

呢度除咗食物质素好高,环境又舒服,服务亦非常好!店员会好细心留意你所需,又会好详细介绍每一道菜,好快会再嚟!

感谢 wingching360
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文
2019年7月7日点评 通过移动设备发表


米米前几日就同男朋友去左位于山林道嘅Nathanhouse享受高级料理
————————
餐厅装修别致,不论外墙还是内里嘅装修都好有格调,菜式亦同样极别树一帜,用左好多意想不到嘅材料做组合,非常amazing!
.
由于前四季总厨坐阵,所以料理不但卖相精致,味道特别得黎又好味
————————
餐包
一般作为前菜嘅餐包都系指定咗款式,而呢度就提供一篮几款唔同味道嘅面包,每人可选2款。
.
蟹肉凯萨沙律 $138
鸡肉凯萨沙律就食得多,蟹肉就第一次食,估唔到同沙律可以咁match!味道鲜甜,而且撕得够碎,所以口感非常好❤️
.
海龙皇汤 $268
龙虾汤味浓又creamy,仲好多海鲜!有鲜虾、鱿鱼,仲有大大块甘鲷鱼肉
.
自家制烟燻三文鱼藜麦鱼波、吞拿鱼青芥末他他鱼波 $138
又一款好surprise嘅菜色!卖相好可爱,系用鱼肉包著嘅一粒波
三文鱼包著嘅波波入面嘅系非常软身嘅藜麦。平时有食开藜麦嘅人都知藜麦好健康又口感好,不过味道就会青青地,但呢间餐厅嘅藜麦系完全无青味,非常好味!
吞拿鱼波波包著嘅系平鱼蓉,口感好smooth好软
配埋牛油果酱同三文鱼子,味道又再次升华!
.
慢煮36小时牛小排、烤焗牛骨髓、洋薏米 $268
非常吸晴嘅卖相慢煮牛小排不但味道香浓,仲好腍好juicy,同普通嘅煎牛排完全唔同feel。肉质仲非常鲜嫩!牛骨髓无谂过可以做成配菜,焗完之后好脆口,配埋软软嘅洋意米一齐食,口感会非常丰富
.
飘浮岛 $138
乳酪冻汤配上焗蛋白,再加上酸味味嘅黑加伦子、红桑子芭菲,非常解腻!
————————
作为高级餐厅,装修精致、料理出色之外,服务态度仲非常好!
————————
味道:9.5/10
抵食:7/10
回头度:7/10

感谢 meminfood
此点评为TripAdvisor会员个人反馈,不代表TripAdvisor的意见。原文语言为中文,源自www.tripadvisor.com.hk 查看原文

去过Nathanhouse吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页