欢迎大家踏进Teddy Bear World，一间充满童真同泰迪熊嘅餐厅，餐厅入面有大量熊熊，不过最特别嘅一定系坐喺门口嘅X店之宝，有半个人嘅身高嫁，啱晒打卡。
.
芝士酱油鱼柳鲜蛋焗饭（$50）
焗饭配2件龙利柳，冇雪藏味鱼肉都算滑，不过表面就炸得唔够脆。另外仲加咗只太阳蛋、芝士、豉油同少少饭素做，食落甜甜地，芝士份量略少，多啲应该会更好，整体上味道正常但未话好突出。
.
猪扒配牛油酥皮吐司（$44）
猪扒多士只有一件，考虑到个饭都只系$50 ，多士价钱唔抵食。多士面加咗牛油烘过，中间嘅猪扒有厚度，带有少量香茅味，未算好Juicy，整体上味道有啲单调，加块芝士或者沙律酱应该会好好多，整体不过不失咁啦。
.
橙汁（+$3）
热好立克
橙汁都还可以，但好立克真系非常淡，饮品真系要改善。
.
整体来讲，食物质素不过不失，不过有Teddy Bear陪住大家食饭一定唔会怕寂寞啦❤️。
.
熊小馆 (将军澳)
将军澳贸业路8号新都城中心二期2楼2086-2087号舖
2 - 6 条点评，共 14 条
放左工同想同朋友系附近餐厅食下野、倾下计，拣左坐得舒服的【熊小馆】，之前食Lunch多人到爆棚，今次夜晚黎系另一番体验。
凯撒沙律 $64
先叫个开胃Caesar Salad，生菜新鲜爽口，大量脆口面包粒，加上Parmesan Cheese碎，香浓又清新口感。
啤酒脆浆炸洋葱圈 $48
见到隔离枱叫左呢个炸洋葱圈，虽然好热气又邪恶，但都系忍唔住叫左黎试。洋葱做得好好食，去除左原有的辛辣味，保留左其香甜。脆浆混合啤酒，做出超香脆口感，无论热食定冻左仍然好酥脆，而且油腻感不重，唔会食到成手都系油，沾少许柠檬汁和沙律酱可以减低罪恶感:P
蜂蜜味BBQ猪仔骨 $140
呢个价钱会唔会太抵食唔理咁多，即刻试左薯条先，每条香脆内软，有少许烟韧口感，薯香超浓郁，有点喜出望外。猪仔骨腍滑入味好多肉，味道甜甜地，亦有香浓的烧烤酱味，陪衬薯条一齐食真系好夹。
蒜片辣椒烟肉芫荽扁意粉 $69
蒜片扁意粉系我其中一个最爱的意粉口味，蒜片经过煎炸至金黄色，香脆重蒜香。辣椒和芫荽的味道好突出，有少少抢味，建议可以咸少少，味道会更丰富，呢个Pasta胜在份量够多，价钱较平。
心太软 $42
最后以心太软作结尾，如果跟餐加$28就食到，朱古力浓郁得黎唔会偏甜，加埋Whipped Cream食都唔觉得漏。
上年来过觉得几好味，今次带亚妈来据下扒。餐厅以熊仔为主题，熊公仔处处，小朋友望见实好开心，好合适一家大细来食。环境确实唔错非常阔落，仲可望到人溜冰。价钱经济上年至今无加过价，水准依旧好味。
蘑菇忌廉汤配蒜蓉包 (跟餐)
忌廉汤味浓郁，滑溜好饮。
白酒忌廉煮蓝青口 $68
廿只蓝青口份量劲多，食极都仲有几抵食，个汁偏重白酒味好香但就无咁奶油，作为小食前菜都唔错。
软壳蟹牛肝菌意粉$95
软壳蟹炸得香脆，意粉份量唔少好饱肚，味道好够，每啖都咬到弹牙菇菌，好足料下。
铁板肉眼扒 $148
粗薯条外脆内软口感味道极佳，配料鲜艳栗米粒、蕃茄、露笋、洋葱皆见。主角肉眼扒厚切有十六安士相当大份，七成熟肉质软腍，肉汁丰富，淋左黑椒汁非常惹味。
红豆POP-POP +$18
不一样的红豆冰，饮到爆谷焦糖味，味道非常特别，甜美可口。
热情玫瑰
有玫瑰花香，淡淡的热情果味，适合少甜朋友选择。
自家制心太软
心太软层次分明，外层微脆内软，㓥开朱古力浆流出甜度适中，水准不俗，作饭后甜品非常满足。
玫瑰法式炖蛋白 $25
炖蛋面有层焦糖脆面，蛋白不算好滑，清清地的甜品。
男朋友在九龙湾附近上班
由于他常常要被逼OT的关系，今日特登为他准备了一个惊喜
接他收工，兼且book咗间好有趣嘅餐厅
系熊仔主题餐厅
成间餐厅都系熊仔，好适合打卡
啱晒用嚟庆祝我哋嘅每月记念日❤️
。
去到现场先发现，原来佢嘅座位可以望到成个溜冰场
而且仲可以望到出去MegaBox外面嘅景色
呢个位置无敌
店舖嘅熊仔真系超级可爱
小朋友见到真系会尖叫，我呢啲港女见到都不停打卡
我到嘅时间系5:30左右
仲赶得切叫下午茶，非常之抵食此刻觉得自己好精明
我order咗芝士烟三文鱼吐司$50
因为喜欢芝士，所以必点
烤美国安格斯汉堡半炸薯条$78
安格斯汉堡冇得顶！上到嚟嘅时候热辣辣，牛肉够牛味而且弹牙！
跟餐+10几蚊可以转特饮
蔷薇之恋（热饮）$28玫瑰花柚子茶
呢个超级推介，玫瑰花养颜，而且茶味浓郁！
草子莓莓 （冻饮）$28士多啤梨橙汁，唔算太甜呢！
甜品
烤棉花糖吐司$44
简直系邪恶代表，将一粒粒大棉花糖烧香
有少少焦趣嘅感觉
玫瑰法式炖蛋$28，趁热食！
自家制生日版心太软$48，呢个真系整得好靓
最想讲嘅喺呢度老板好好倾
虽然我暂时未有小朋友，但系见到呢度有好多得意嘅公仔同埋playground
小朋友有得玩有得食 一定好开心
由于好近我公司
我谂我听日都会再嚟食㗎啦哈哈！
