Layback Cafe & Bar 尖沙咀黄店
-
尖沙咀闹市入面，揾到个轻松休闲嘅小角 - 系间高质黄店cafe 入到去已经见到有得意嘅连猪 见今日唔算太冻，所以坐出面，空间感大啲，感觉好舒服
-
黑松露杂菌忌廉芝士意大利饭 $128
大力推介超级邪恶嘅意大利饭 超多芝士！黑松露味都好香，食落超级creamy 啖啖芝士，罪恶感up up ⬆️ 不过咁好食，绝对值得呢！
-
千岛酱烟三文鱼薄饼 $128
每块薄饼都有烟三文鱼仲有菠萝，仲有千岛酱配搭
-
Chill小食拼盘 $118
好丰富嘅小食拼盘 有好多唔同嘅炸物，超级邪恶 包括左紫薯、一口芝士、炸天妇罗虾、鸡块...
-
饮品跟餐-$10
Oreo 朱古力沙冰
邪恶嘅朱古力沙冰 上面仲有cream同Oreo做装饰
-
Happy soul
踏入冬天梗系要饮番啲暖身嘅嘢 呢杯花茶饮落清新得来，仲要好relax 听讲仲有去肿消化嘅功能
-
Layback Cafe & Bar (尖沙咀)
尖沙咀加连威老道41号C-D嘉威大厦4楼B室

尖沙咀楼上cafe Layback Cafe & Bar
设有室内室外位置 特别钟意室外类似榻榻米既位置 难得系繁嚣闹市之中 都有到个相当chill既位置 夜晚黎到 灯光昏暗好有feel 好啱同朋友静静地吹吓水

▪️牛油果软壳蟹汉堡配薯条 $138
汉堡包望落十足bagel 外层脆身 质地扎实 带咬口
软壳蟹炸得非常脆身 略嫌炸皮偏厚
汉堡中夹有 番茄 生菜 牛油果 味道清新 口感丰富 加上千岛酱 整体食落唔会太干
薯条脆身 饱满足料 调味十足

▪️香蒜白洒露荀日本和牛粒烩扁意粉 $138
每条扁意粉都裹满酱汁 调味十足 质地有小小似乌冬 一口size既和牛粒 充满肉汁 无筋有咬口 份量都唔算少 睇上去平平无奇 但食落比想像中岀色得多

▪️CHILL小食拼盆 $118
每一款炸物都香口脆身 食落唔太油腻 无论放左几耐都咁脆！
炸一口芝士 炸皮薄身 流心芝士入口即化 味道浓郁
紫薯饼 紫薯蓉绵密 带天然甜味
菠萝酿鸡翼 无骨鸡翼完全系懒人之选 肉汁完美被锁住 不过菠萝既存在感较低
炸天妇罗虾 金黄酥脆 略嫌炸皮偏厚左小小

▪️抹茶牛奶 $44
抹茶味道同我饮开既有啲唔同 亦唔算太浓 但胜在唔甜腻

▪️焦糖朱古力沙冰 $56
打卡唔错既一杯
沙冰冰感较重 偶尔会啜到比较大粒既冰
略嫌朱古力味有啲奇怪

整体而言 室外矮枱位置相当chill 食物质素比想像中高 (不过饮品唔系我杯茶) 系难得想回头既楼上cafe！

朋友一聚上左依间尖咀就脚cafe 晚饭，环境宁静，倾计食饭唔错，食物好味价钱OK。

CHILL 小食拼盘 $118
小食大堆头，炸物炸得干脆唔油。沙律菜新鲜，紫薯饼甜美，炸天妇罗虾炸粉薄香口，炸蠔鲜甜多汁，菠萝酿鸡翼大大粒鸡肉嫩，炸一口芝士外脆内软好香芝士味。

蒜蓉芝士焗纽西兰青口 $108
青口大粒肥美，芝士加蒜蓉有少少咸，但仍不失美味。

自家制南瓜汁天妇罗虾什菌意大利饭 $128
南瓜汁好creamy，饭粒索晒汁口感黏而不软硬中带稔。加了什菌爽弹口感。炸天妇罗虾炸粉薄香口。

薄荷朱古力咖啡 $52
甜美可口，薄荷味突出，好饮。

OREO 朱古力沙冰 $58
卖相靓仔可惜多冰，朱古力不浓。

尖沙咀有间有露台嘅cafe店里细细的满满花花装饰，环境十分宁静，倾计倾生意都好适合唔洗排队，晏就喺1点开门我地就1点上到去嘢食都几快上齐
.
黑松露忌廉芝士意大利饭 $128
拉得起丝超creamy嘅意大利饭意大利饭湿润粒粒分明，仲有什菌沙律菜同车厘茄作配料，
.
牛油果软壳蟹汉堡配薯条 $138
超大只软壳蟹面头有旧厚厚牛油果呢个喺可以安全地切开一半嘅burger!一人一半，个半只软壳蟹脆卜卜，里面好多膏蕃茄同菜都好大份够哂fresh，切开仲可以完完整整，唔会溶晒
.
Chill小食拼盘 $118
炸一口芝士，入口即溶
炸紫薯饼，淡淡天然紫薯味
天妇罗虾，都几大份，超哂脆卜卜
炸蠔，唔腥够炸！
菠萝酿鸡翼呢个不得了‼️喺鸡翼仔入面放菠萝，啖啖肉之余又有菠萝啲清新甜味
.
☕️幸灵茶 $58
有苹果、柑橘、柠檬草、金盏花
效果去肿增消化，呢款花茶黄色，味道较淡，饮完口腔会有少少甘味
.
☕️加勒比微风 $58
洛神花，草莓，山莓，葡萄干
效果改善睡眠，呢款花茶红色较靓味道都较香甜甜哋

餐厅：Layback Cafe & Bar (尖沙咀)
地址：尖沙咀加连威老道41号C-D嘉威大厦4楼B室

周末去咗尖沙咀嘉威大厦4楼呢间楼上黄店Cafe @laybackcafe 食lunch聚旧，下昼1点开门，所以趁一开门就去食野，咁就唔洗等位，过咗两点半打后直头坐爆哂成场

自家制南瓜汁天妇罗虾什菌意大利饭 $128
先将甜蜜蜜嘅南瓜蓉整成汁，加上什菌捞匀到意大利饭，creamy嘅质感食落唔腻，有淡淡南瓜同忌廉香，加上酥脆嘅天妇罗虾，摆放系饭上好靓，打卡一流

CHILL小食拼盘 $118
呢个小食拼盘有3件紫薯饼、2件炸天妇罗虾、2串菠萝酿鸡翼、4件炸一口芝士，同2件吉列生蠔，我想讲呢度嘅炸物真系顶晒班！就算影完相再食都依然咁松脆，最重要系唔油腻，生蠔外脆内多汁、芝士入面依然流心、紫薯好足料，认真下次一定会再叫

日本极上和牛粒配喜马拉雅山岩盐 $128
呢度嘅和牛粒就相对普通，份量亦唔算太多，不过煎香咗再加上喜马拉雅山岩盐，咸香、肥瘦适中，食下一旧又一旧

抹茶红豆千层蛋糕
虽然抹茶就唔系流心，不过抹茶味都算突出，除咗面头有抹茶粉之外，每一层之间都有抹茶酱，中间亦夹杂住红豆，再洒上花碎真系好靓

玫瑰朱古力咖啡 Rose Mocha $52
个杯几别致，清楚见到朱古力、咖啡同牛奶嘅渐变层次，唔影相就哂晒

蜜糖牛奶咖啡 Honey Latte $44
每一啖都有蜜糖甜甜嘅香味，加上我最钟意嘅Latte，呢个配搭真系好match