呢间餐厅除咗主打海鲜及和牛烧肉放题外，仲有得拣午市定食套餐，依家仲做紧二人同行一人半价优惠，咁就梗系拣定食套餐啦😆

定食选择都几多，刺身或烧肉类定食都有，认真花多眼乱😆而且所有定食都包括沙律、白饭、味噌汤、蒸蛋、甜品及饮品，非常丰富👍🏻沙律有菜丝、粟米及车厘茄，加入芝麻酱后几开胃😋白饭就选用珍珠米，但味噌汤就咸咗啲😀蒸蛋混入冬菇一齐蒸，并系蛋面淋上蟹柳丝制成嘅芡汁，口感好滑，味道几好😋饮品有十几款可拣，选择都几多😃甜品系朱古力泡芙，味道不过不失😆

🍲岩手产黑毛和牛寿起烧佐时令刺身三点（$168）
半熟嘅黑毛和牛及生鸡蛋睇见都流口水，卖相真系好吸引🤤和牛入口非常软嫩，将生鸡蛋拌匀一齐食，口感就更加滑溜，味道一流😋另锅底有娃娃菜、金菇及冬菇等，菜及菇类吸收咗充满牛香及甜甜地嘅汤汁后，好味之余又好下饭👍🏻最后成锅清晒，一啲都无剩😆
刺身有油甘鱼、三文鱼及甜虾，三款刺身都几新鲜，油甘鱼仲几肥美😋刺身质素好过其他日式放题餐厅👍🏻

🥩岩手产照烧黑毛和牛扒（$278）
黑毛和牛扒烤至medium rare，不但油脂分布均匀，口感又腍又juicy🤤而且更切成条状，真系好啱我呢啲唔钟意揸刀叉嘅烂鬼😆另照烧汁味道甜甜地，超好下饭😋

定食丰富又好味，仲能以实惠价钱食到高质鱼生及和牛，真系唔错😋

有人问人生既意义究竟系咩？其实人生
意义就系你系人生里面不断寻找意义，
咁姐系话，无论结果系点，都只系一
个个过程。计我话，能够系醉生梦死既
「尚鲜日式烧肉渔市场」，毫无顾忌
咁尽情任食烧蠔、刺身寿司、
炸物小食，呢种极上既快感，
就系我觉得最有意义既人生！👇
-
📌120分钟A5和牛放题 - $398/Head
▪ 和 牛 任 食 -
▫ 由我入座果刻开始，我就知道呢个
半钟我要好清楚自己想食d咩，因为
系美食当前下，时间过得特别快。
要把握落单既节奏，所以今次我重点
摆左系呢个和牛身上。首先一埋位，
Staff好细心送上一盘集合哂今次和牛
任食既A4鹿儿岛黑毛一口牛、
肩颈肉、牛三角、牛肩胛、A5鹿儿岛
黑毛和牛牛小排、贝身肉、外腹肉、
薄裙肉既拼盘，而完哂后仲可以不断
encore返你钟意既和牛部位。
-
说时迟那时快，即刻挞着火就开波啦喂，
和牛既纹理大部份都好鲜明，而比较
少食到既A5黑毛和牛贝身肉、外腹肉、
薄裙肉脂肪分布均匀。大概每边烧分半钟，
油脂特别丰腴，入口即化，好好食；
而肉质最爽弹鲜甜既A4黑毛和
牛牛小排，加上肉味香浓，完全
无得输呀，净系和牛都翻左几转！
-
▪ 海 鲜 拼 盘 -
▫ 而每枱食客都有一盘海鲜拼盘，
一次过食匀鲍鱼、扇贝、虎虾、甲罗烧、
烧蠔。而整体质素唔错，卖相够新鲜，
而Staff亦会系你烧之前细心指导应该
点样烧，呢点相当抵赞。
-
而最出色系个扇贝，虽然自己烧
但味道一样高质，虎虾肉质爽弹；
鲍鱼烟韧弹牙；重点个甲罗烧蟹膏
味浓，咸鲜味十足。而成个放题
仲有以呢个价钱黎讲，认真抵食！
-
📎 尚 鲜 日 式 烧 肉 渔 市 场
📍铜锣湾谢斐道496号金利文广场3楼

餐厅：尚鲜日式烧肉渔市场 (铜锣湾)
地址：铜锣湾谢斐道496号金利文广场3楼

我妈咪一直都好想食和牛🐂，佢成日话我食好野都唔带佢去食😂，所以今次带咗佢去铜锣湾嘅尚鲜日式烧肉渔市场，食个高级和牛放题塞住佢把口😆

今次同妈咪食呢个120分钟嘅A5和牛放题，星期一至日任何时间都系$398一个人，另有加一。所有和牛都系日本直送🇯🇵

日本和牛贵为世界之冠🏆，系由日本肉品等级鉴定协会JMGA分级，系世上最严格嘅牛肉等级分法🔱，以品种(字母)同肉质(数字)去分，而A5就代表15个级别入面最高级嘅牛肉，誉为「霜降牛肉」

一开始就黎咗一份8款A4-A5级鹿儿岛黑毛和牛🥩，连比较少见嘅牛贝身肉、牛三角同牛薄裙都有，未食之前紧系要好好欣赏一下佢地嘅纹理先啦😍。和牛味道真系无与伦比，虽然我唔系专家🙈，但都能略略食得出佢地嘅分别，无论脂肪比例、肉质厚薄、爽口或者软腍，都各有各优点，但统一嘅系佢地都好嫩口，脂肪入口即溶，细腻一番仲会食到轻微独特嘅奶香味🥛

食完呢盘和牛，就试下送赠嘅海鲜拼盘🦞，有甲罗烧(将蟹膏同蟹肉放上蟹盖烧嚟食🦀)、生蠔🦪、鲍鱼、海虾🦐同带子😋；店员仲好好帮手烧同处理每一款海鲜😎，同时讲解点样烧先最好食，好专业呀😆！净系睇唔洗食都知呢到嘅海鲜有几咁新鲜👏

食完头轮嘅和牛，紧系唔够喉啦😏，仲有接近30款牛肉比你拣，除咗和牛之外，仲有霜降牛、牛舌、安格斯牛、伊比利亚黑豚肉等🐷，亦有原味、炭烧、岩烧同韩式四款口味比你拣🤩；唔少得嘅紧系刺身、寿司🍣、炸物、烧烤食材、冷盘等等👻

整体嚟讲，上菜都算几快，而且服务周到；虽然食物选择对比起其他放题店黎讲唔算多，但牛肉款式相对几多，而且食物品质确实系比较高👍🏼；餐厅座位仲有卡位、bar枱同榻榻米，啱晒唔同人嘅口味⛩，而最后仲送Mövenpick雪糕一人一杯🍨，今晚真系超满足🥰