Name: #cassiegomk
Item: Any Moment Cafe
Rating: 5
Author: cwycassie

餐厅：AnyMomentCafé (旺角)
地址：旺角登打士街36号恒威商业中心9楼全层

除咗旺角登打士广场，其实登打士街嘅恒威商业中心都有好多楼上Cafe，而比较独特嘅一间一定唔可以唔提9楼嘅AnyMomentCafe，因为原来呢间Cafe拥有天主教背景嘅，身为基督徒嘅我，一上到9楼就已经闻到好熟悉「家」嘅味道☺️

呢间Cafe除咗有天主教为主题嘅装饰、经文同报道等，呢到亦都带比人真.家的感觉，因为佢地提倡无烟、无酒、无粗口😂岩哂我呢啲乖乖嘅学生哥🤪加上店内有好多油画同蓝色嘅嘢，感觉好舒服，就好似上咗天堂下咗海洋咁🤩

经过推荐，叫咗几款食物同花茶：
1️⃣地中海香蒜鸡柳螺丝粉$102
以香蒜同埋姜配搭，令成碟螺丝粉充满咗香蒜嘅脆脆口感同埋天然配料-姜嘅味道，姜味唔重，加上新鲜鸡柳同酱汁，令每一条嘅螺丝粉都充满咗色同香味🤓

2️⃣卡邦尼碎烟肉三文鱼螺丝粉$105
两块长长嘅三文鱼稍微燻过，但系放入口依然会食到有鲜味同埋唔会有霉嘅感觉👍🏾卡邦尼螺丝粉唔会有好重好腻嘅卡邦尼汁铺左系上面，但系每一条嘅螺丝粉都系混合左烟肉咸咸嘅味道同埋卡邦尼果种少少creamy嘅感觉，正🤩

3️⃣瑞士鸡翼$57
一客鸡翼有6只，鸡翼系非常之「林」身！一咬落去就好容易齿得开鸡肉，而且唔会太咸，亦都系啱啱好熟透唔会有血水，食一只就忍唔住即刻食第二只第三只，就算系我平时唔系太钟意食鸡翼嘅都食到舔舔脷😋

4️⃣蓝莓芝士饼$77
钟意食cream同芝士嘅人有口福啦！呢个芝士饼虽然唔算大件，但系食落口就非常之足料同够份量，非常香嘅芝士味加上浓厚嘅cream(但系又唔腻😂👍🏾)，放入口真系即刻溶化☺️呢个芝士饼一上枱嘅时候就已经靓到忍唔落手食一定要帮佢影返几张「写真」先📸

5️⃣保健消脂花草茶[苦瓜牛蒡茶]($57，跟餐+$18)
听讲饮完一个星期会去水仲会减磅！一开始以为苦瓜加牛蒡系好难接受，但系点知系咁易入口，有少少似我哋平时饮嘅淡茶，唔会好浓好苦涩，需要去水肿又养生嘅就要试试喇

6️⃣士多啤梨玫瑰花茶($50，跟餐+$18)
玫瑰花冲水泡茶可以疏肝解郁、活血止痛，亦都可以帮助抗压、纾解身心郁结，啱晒我哋呢啲成日要面对考试压力同埋因为经常要温书做嘢而少做运动嘅人饮，淡淡玫瑰花茶香加上草原鲜香嘅士多啤梨，的确唔多唔少可以减压宁神😴

花茶仲可以添饮3次👍🏾而且系用一个比较新式嘅茶壶去装，几好玩，而且又隔渣，完全唔会饮到成口都系花或者草😂😂😂唔错唔错，一大班friends黎hea返几个钟慢慢叹都仲得！

呢度除咗饮饮食食之外，另一个卖点就系呢度有超级齐全嘅broad games😂基本上讲得出嘅都会有，无论系棋类、牌类、侦探类、益智类等都应有尽有，我同朋友都因为一副童年成日玩嘅波子棋而令我哋揾返唔少嘅童真👼🏻

询问关于 Any Moment Cafe 的问题

感谢 hinsonfoodhk

此点评为 Tripadvisor 会员所写的主观评论，并不代表 Tripadvisor LLC 的观点。 Tripadvisor 对点评进行检查。原文语言为中文，源自www.tripadvisor.co.uk 查看原文

#cassiegomk - Any Moment Cafe

“#cassiegomk”

Any Moment Cafe的点评

查看过Any Moment Cafe的旅行者还看了

去过Any Moment Cafe吗? 请分享你的经验!

业主：有什么想要和我们分享的吗？

浏览过的餐厅_

浏览附近