大旧约咗朋友食饭 妈咪daddy又去咗打牌 一个人收工无野食 但又的逢星期五唔想食得太颓 所以最后就一个人嚟咗呢间wingman食dinner ~~~ 其实之所以会拣呢一间 系之前同事话佢啲嘢好食 而我又未食过 就过嚟试下 睇完餐牌之后发现佢哋系主要以食鸡翼为主 而且鸡翼通常一叫就叫一大碟 或者直接可以叫鸡翼放题 对于我呢啲一个人嘅食客来讲 似乎又唔系太适合 所以我最后就决定食清新啲 叫咗橙香填鸭卷 黑椒麻油香炒毛豆 同一杯啤酒 ~~~ 橙香填鸭卷 :铺内个个都系食紧鸡翼 我就决定反其道而行 叫个填鸭卷 睇吓佢味道如何 点知竟然好有惊喜 里面有一粒粒切细嘅橙粒 大量嘅蔬菜 一丝丝香浓鸭肉 加埋红萝卜味嘅外皮 整体都令人好有惊喜啊 ~~~ 黑椒麻油香炒毛豆:毛都系我最爱 麻油又系我喜欢嘅口味 见到有那个组合嘅配搭 真系惊喜万分 当然要试试佢 食落毛豆少咗平时嘅菜青味 更添麻油香气 同黑椒嘅滋味 整体变得比平时更适合配搭啤酒 好正 一啖毛豆一啖啤酒 完全系一个人的浪漫 ~~~ 推荐度:
拥有或管理这家酒店? 免费获取您的详情页以便回复点评、更新资料或者进行其他操作。