法式甜点喺香港未咁普遍时，湾仔已经开左呢间小店，一直好评不断，朋友订过佢嘅马德莲同费南雪做散水饼都话质素高。近日佢地推出左抹茶雪球曲奇，难得阿妹肯买埋返黎畀我，我就唔客气咁试埋镇店之宝达克瓦兹。

超浓抹茶榛果雪球饼干
呢款曲奇真系近期最爱，唔好睇佢细细粒，结构相当复杂，以Valrhona白朱古力加小山园抹茶粉制成，内有榛果碎增加口感，外壳洒左一层带点苦嘅抹茶粉，食到最尾则由盐之花带来咸味。一盒八粒好快就食完，但用料同手工绝对对得住个价钱。
 
抹茶麻糬达克瓦兹
达克瓦兹嘅口感无可挑剔，外层酥脆，但内层柔软烟韧，奶油霜用上带甘嘅青岚抹茶，嘅麻糬偏软身细细粒，唔会抢左抹茶嘅风头。
 
焙茶夏威夷豆达克瓦兹
达克瓦兹面头撒上糖粉所以会甜少少，我觉得配浓香嘅焙茶奶油霜更夹，夏威夷豆嘅存在感唔系好高，但成个配搭好好食。

甜点质素甚高，但pick-up时阿妹想帮同事买现货，问某一款仲有无，年纪较大嘅店员就有啲不耐烦。明白佢地好忙，但希望改善一下服务态度。

—
嗜甜嘅我 真系好钟意食甜品
有次经过买咗个凤梨达克瓦兹 深深爱上了它

店员介绍其实系同整马卡龙差唔多材料
但其质感松软酥脆 一点儿黏腻都冇
忌廉馅料幼滑浓稠 仲有凤梨粒喺中间

放工买咗几个返屋企开心share

抹茶麻糬达克瓦兹($36)
焦糖奶油盐之花达克瓦兹($36)
抹茶浓郁回甘 有埋qq嘅糯米糍
焦糖奶油甜而不腻 同抹茶甘涩形成对比
两款都深得我心

伯爵茶可丽露($32)
外表焦啡色唔吸引 但其实好好食
微脆焦糖硬壳 入面绵密湿润
要用较贵嘅法国铜模烘焗 外层口感先会做得咁好
—————————————————
Lovever Patisserie
湾仔大王东街2至4号安兴大厦地下3C号舖

第一次食法式经典甜点❣️达克瓦兹 (Dacquoise)❣️
饼皮外层甜甜地又酥脆▫️包住软绵绵充满空气感嘅内层
馅料用上唔同口味嘅buttercream▫️食落又滑又rich
我就拣左3️⃣款不同嘅口味试下~~
-
☕️伯爵茶
喺抹茶麻糬同伯爵茶之间挣扎左一轮, 结果决定试伯爵茶味先
好好味 伯爵茶味buttercream味浓唔会甜, 幼滑口感➕独特茶香➕微甜 层次分明嘅饼皮, 幸福感level
-
兰姆葡萄
食雪糕我好钟意食Rum & Raisin口味, 见到有依款口味拣, 即刻要‍♀️‍♀️‍♀️
佢含有小量酒精, 所以食落有阵阵酒香
仲有粒粒提子干, 口感有层次
-
凤梨
凤梨口味走清新路线, 甜度适中~~
凤梨buttercream夹杂凤梨果肉, 食落真系好香真．果味❗️
-

Lovever Patisserie主打甜点—达克瓦兹，每个月都会转换10款不同口味供选择！

覆盆莓达克瓦兹酸酸甜甜既覆盆莓，入口细腻，口感软滑！

抹茶麻糬达克瓦兹抺茶味浓郁，带有少少苦涩，麻糬微微甜香，口味够夹！

冧酒提子达克瓦兹香冧酒味，食落喉咙会暖暖地，中间既堤子沉过酒，咬落去会有种爆酒既感觉！够特别～

焙茶达克瓦兹焙茶颜色会较深，味道亦香浓，入口有种回甘既味道！

白色为基调既铺头在街上格外显眼，铺头内配以柔和既灯光，简洁的装潢再加上亲近大自然的花草装扮，显得非常有情调。让人更加期待这甜品是否会如店内的装潢一样掠夺食客的心。

店家为香港首家达克瓦兹专门店，当然要食下佢度既主打。因为都系首次尝试法式甜品，所以都特地上网查左达克瓦兹究竟为何物，原来佢系是一种由扁桃、榛子和新鲜奶油制成的泡沫蛋糕。

抹茶麻糬达克瓦兹

小巧的外型，两块厚厚既饼皮夹住墨绿既抹茶馅。未切开前都见唔到藏在中心烟韧白色既麻糬。

一啖咬落，你会发现佢虽然外表个饼皮酥脆，但内层松软。听讲佢既脆原自糖粉，你自然会以为这样既甜品甜度一定超标，但由于佢中间搭配左浓郁既抹茶。抹茶苦中回甘，这样丰富既层次以及味蕾既冲击更让你品尝到另一番滋味。

伯爵茶可丽露

朱古力色既外表不似铺头其它甜品那样色彩缤纷，但正因为佢既独特一下子勾起我既好奇心。并买下品尝，估唔到，佢个外表系脆口到会卡滋卡滋响。好得意，再探到佢既内心你会更加惊喜，因为佢个内心与外表真系180度大不同，软熟Q弹既内心，甜得黎又略略带有伯爵茶既甘，这样既搭配撞出不一样既火花。
店家贴心提示:本产品含酒精。虽然我食唔出有酒味，所以含量应该唔多，但酒精过敏人士最好不要尝试。

柠檬小蛋糕.

一眼望落，柠檬小蛋糕无论在颜色、香味以及size都与柠檬似得十足十。
见到黄色既表面为柠檬朱古力。甜中带有柠檬独特既酸。这样既搭配令蛋糕口感上更加清新并不甜得过龙。
中心部分亦十分柔软。

老实讲，本人虽然十分喜欢甜品，却不喜欢甜度超标既食物，这次是第一次尝试，但我知下次想食甜品，我一定会唸起呢度。