抗疫第一步除左乖乖留系屋企外，
就真系无野好做，想出街食好野，
忍下先啦。有得比你嗌外卖，咪叫好囉，
唔洗日日渌面都偷笑。今次三访「饺掂」
为既就一系一碗最纯洁最简单既饺子，
来换取寒冬下满满的爱。👇
-
📌中 西 · 合 壁 -
▪ 龙 凤 松 茸 双 煎 饺 - $86/8只
▫ 将中西混合为一家果然系饺掂既招牌之一，
而龙凤煎饺分别用左黑白松露做馅料，
外皮唔会太厚，煎得金黄结实，纹理清晰，
够哂靓仔；食既时侯里面肉质烟韧，
菌味香浓，无得输！
-
📌镇 店 极 品 · 山 珍 之 皇 -
▪ 至 尊 松 茸 猪 肉 灼 饺 - $107/大碗12只
▫ 另一款猪肉灼饺，同之前食过一样保持
到饺皮够哂薄身，每粒饺子份量十足；
一咬开里面既肉汁瞬间爆发，加上
松茸味系相当浓郁，就算食哂12只
都唔觉得好油腻，好食！
-
📌手 工 · 云 吞 -
▪ 重 庆 鲜 肉 云 吞 - $40/12粒
▫ 食得够尖一定要试埋佢个云吞，水准
依然唔错，就咁叫左小辣，岩哂我呢d
想食辣但又怕食唔到既小弟。食落
香口之余，仲要岩岩好一啖一只，
饺子又够薄，认真过瘾。
-
📎 饺 掂 手 工 饺 子 云 吞 专 门 店
📍铜 锣 湾 景 隆 街 19 号 地

又系食饺子嘅一日！今日去咗呢间饺掂，距离Sogo都近，步行应该五分钟左右！虽然已经系夜晚九点但餐厅仍然有为数不少既客人！👯‍♂️

惹味唐芹拌豆筋 (HK$32)
开胃菜！虽然我麻麻地唐芹，但系豆筋好食，辣的有少少过瘾！😬

回味手拍青瓜 (HK$25)
正常发挥，都系开胃菜之一！😀

韮菜猪肉饺 (汤) (HK$43)
推介之选🎈！岩晒钟意韮菜既朋友！皮薄馅足，仲有清清地既汤添，非常不错！👍🏿

粟米猪肉饺 (煎) (HK$47)
第一次试呢度既煎饺，比想像中好食，香口又不油腻，下次可以试下其他煎饺！🐷

埋单约HK$80一位。

饺子专门店香港有好几间，我偏爱呢一间，款式多，最啱贪新鲜的我，每次可食不同口味。
寿喜烧牛肉饺
日本菜中的寿喜烧食得多，用来做饺子真是第一次食。
馅料的调味是寿喜烧的特性，比较浓味。
好喜欢混入了马蹄，食起来有口感。
九鼎状元汤
采用多种材料肴制而成，味道浓厚，滋润好味。
野生松茸素饺
另一款选择了煎的方法。
表面煎得香脆，里面保持湿润。
有大量蔬菜配合松茸，非常适合素食人士。

好耐无食饺子啦，汤饺、蒸饺我都爱食，今晚同朋友去铜锣湾食晚餐，位于铜锣湾景隆街19号地舖 -【饺掂】。

🍽枱上放咗一樽好吸引我目光既新鲜酸萝卜，呢樽酸萝卜酸味味，食咗仲劲开胃，切到大大旧，又爽口又好食，做前菜一流。

🐖元贝猪肉饺 (汤饺子跟配状元九鼎汤) $49 / 7只
元贝猪肉饺 - 饺子内有一丝丝既元贝，仲好鲜味，足料既猪肉，饺子皮簿。
配状元九鼎汤绝无味精，用咗粉葛、顺德活鲮鱼、🥕红萝卜、扁豆、赤小豆制作成，味道清甜又有益健康。

🍄龙凤松茸双煎饺 (黑松露及白松露) $86 / 8只
餐店招牌饺子之一，龙凤松茸分别有2款饺子：黑松露4只及白松露4只。两款都有独特既松露味，黑松露味道比较突出，香浓既松茸味，令人食到回味无穷。

🧀香煎软心芝士饺 (煎饺子) $55 / 7只
饺子有粟米🌽、芝士🧀及猪肉🐖，馅料好足料，芝士软滑，香甜粟米，外皮煎得香脆。

🥚麻辣松花皮蛋 $25
带有麻辣既皮蛋够哂惹味，每件都切到大大件，仲好好食。

🍋蜂蜜柠檬薏米水 $20 / 杯
配上有🐝蜂蜜既柠檬🍋薏米水，有少许甜甜地，仲要大大杯，暖笠笠。

趁假期去左铜锣湾做运动，由于今日得一个人食晏，所以决定买外卖返屋企。

本来打算随便买个饭盒，但系经过景隆街，见到近街角有间手工饺子专门店，看过门外餐牌，原来店舖嘅饺子，选择都几丰富，有好多款唔同口味，而且价钱都几经济，所以即时转軚。

外卖左份一人汤饺套餐 ($88)，套餐包一款饺子、状元九鼎汤同一客小食，另外再加左杯自家制山楂雪梨水。

虽然见到间店舖唔系好多人手，但系份外卖都包装得好整齐企理。

韭菜猪肉饺：饺子嘅外形颇精美，馅料胀卜卜又唔松散，韭菜翠绿新鲜，菜多肉少；猪肉调味适中，富肉汁又有鲜味。

饺子跟一碗状元九鼎汤，个汤标明无落味精，用左粉葛、 鲮鱼、鲗鱼、红萝白、扁豆、赤小豆、陈皮、鲜排骨等材料熬制，相当足料又够补身！汤头很鲜甜，味道较淡，配包得饱满的饺子吃，好有阿妈靓汤 feel。

葱味酸辣云耳：云耳细细瓣，一啖一口，件件都很爽脆，而且还配有葱花、紫洋葱丝和蒜碎，食落酸酸辣辣之余仲带阵阵蒜香，用来做小食就最适合不过，够晒醒胃！

自家制山楂雪梨水：雪梨水系舖头自己熬煮嘅，材料有山楂片、雪梨、甘草、冰糖、麦芽等，有消脂解腻之效。山楂与雪梨的比例恰当，少甜又带点微酸，滋润顺喉，好啱我口味。