今日lunch同几个同事出去海光街买外卖，其中一位同事话呢间好出名食海南鸡，就一齐买左外卖番公司～
——————
呢间野食饭时间会摆部点餐机喺门口，所以我哋喺部机度拣咗食咩就可以即刻用八达通比钱，都几方便 外卖包装都做得几贴心，汤底、面体都会分开几个碗装～

海南鸡喇沙(米粉)+杞子鸡汤 $68 (7/10)
我就嗌咗个海南鸡喇沙，面底拣咗米粉，然后加$6转嘢饮做杞子鸡汤。喇沙汤底属于浓味，唔算好辣、有啲沙嗲味，不过对我黎讲就唔够酸，水准普通。不过啲海南鸡就有惊喜，分量比得唔少之余，鸡肉肉质好嫩滑、唔会太肥，外卖仲装晒海南鸡嘅酱可以点住食，都算出色～

仲有就系个鸡汤，饮落去都感觉到好足料，有少少药材味，鸡味都好浓郁，真系估唔到，几抵
———————
味道：7/10
服务：7/10
抵食：6.5/10
⏳等候时间：10分钟

系香港真系难得揾到间好食嘅星马菜，见依间都几多推介，一于试下佢！
一打开menu选择都几多，而且价钱都算几平。
黎之前已经谂住一定要食喇沙，款式都多。最后嗌左海南鸡喇沙！海南鸡好滑，喇沙面底系米粉同濑粉，配搭几新颖！但口感几好，一个爽口一个软身。汤底够哂浓，椰香味道重！正。

另外仲叫左个新加坡肉骨茶，香港真系冇乜机会试到肉骨茶，入面有白胡椒、大蒜、冬瓜同白萝卜！胡椒味好劲！捞埋饭食应该会仲正。
最后仲叫咗个黑萝卜糕，之前有个新加坡个朋友都有特登介绍依道菜俾我话系必试！用左黑甜酱油去炒，食落甜甜咸咸咁好得意，有别于普通炒萝卜糕，几正！

总括黎讲依间都无令我失望，终于揾到地方食星马菜！

#鲗鱼涌海光街星马小吃
去鲗鱼涌揾朋友 顺便跟佢揾食
佢知我钟意食喇沙 带咗我嚟呢间街坊小店
佢话呢度汤底出色 几乎每枱客人都会叫
-
#新加坡肉骨茶(一位 $48)
肉骨茶有两种口味 马来西亚系药膳风格 呢个新加坡版本 用白胡椒粒调味 味道微辣 可以驱寒 腩排肉煮得腍 白萝卜味道清甜 作为前菜 份量刚刚好
-
#蝶豆花热饮 ($28)
Home Office咗成个月 个人越嚟越颓废嚟一杯碟豆花热饮美颜
蝶豆花本身冇味 热饮底部加咗极少量桂花蜜用嚟提味
饮之前记得用茶匙搅匀
-
#黑萝卜糕 ($48)
细个去饮茶 成日食煎萝卜糕 觉得好闷
之但系将萝卜糕切粒 再用黑豉油炒匀 加埋蛋花咁嘅食法又唔同
一啖一粒 如果加埋菜甫 增强口感同味道嘅层次咁就完美
-
#帆立贝喇沙 ($88)
主角帆立贝 有三粒咁多 粒粒肥美厚实
喇沙弃用传统嘅油面米粉组合 取而代之 系檬粉加米粉
传统喇沙配料应有尽有 豆腐卜 切蛋 鱼片 白鱼蛋 蟹柳等等
汤底亦好饮 椰味清淡香滑 不经不觉 饮咗半碗汤
-
#新加坡炒贵刁 ($78)
原先唔系好明点解叫新加坡炒贵刁 望吓材料 开始理解
贵刁加咗油面嚟炒 仲有腊肠 白鱼片 韭菜 原只鲜虾
材料多 碟头大 典型老巴刹嘅大排档卖相
作为comfort food都几好 虽然味道咸咗啲
-
鲗鱼涌海光街12号地下 随心

海光街自从变左美食街，只要经过都会望望有什么还未试过，今日见到店名见随心，未知食什么就随心入左去

新加坡肉骨茶（胡椒味）
肉骨茶常常试，但胡椒味就真系第一次，相对平常的肉骨茶，其实味道较清，胡椒味其实不算重，反而猪肉味很香，所以还有甜酱油给你，令猪骨不再寂寞

海鲜喇沙（虾、帆立贝、鱼片、蟹柳、蛋、豆卜、芽菜）

香港人都爱吃的喇沙汤底，不得不说椰香味很够，已经食到尾，饮哂所有汤都唔确喉，证明用料足又无味精，而米粉+濑粉都十分弹牙

今晚约咗朋友收工食饭，系鲗鱼涌做野嘅佢带咗我嚟呢间东南亚嘢食，系地铁站行几分钟就到贪佢够方便

主食主要有喇沙同海南鸡等选择，谂到嘅都有

海鲜喇沙 $85-配料好足，有大大粒帆立贝、两只大虾、鱼片、蟹柳等，喇沙汤阵阵椰香味，豆卜索晒啲汤汁好味

海南鸡饭 $85-东南亚菜必食，无骨鸡又多又大块，亦好嫩滑，皮下脂肪少。汤好清甜饮得出无味精。

咖哩薄饼(二) $32-薄饼热辣辣，一块都几大下，咖哩味浓郁唔算太辣