< FAB Kitchen >荔枝角
星期六去开D2 place行街，行到咁上下就揾下附近有咩好野食。见到呢间西餐厅好多人推介，于是就上去试吓

午市有lunch set，有餐包会先上枱，有沙律/餐汤，再拣主食。

韩国柚子茴香蟹肉沙律
沙律有阵阵柚子味好清新，酸酸甜甜好开胃，配埋啖啖蟹肉呢个健康得嚟都几好食

有机牛油南瓜栗子沙律
呢个沙律好啱素食嘅朋友，食落唔觉得单调，南瓜栗子都带甜味

煎盲鰽配大蒜薯仔烤饼
平时好少会自己买盲鰽返屋企整，今次呢个鱼就有惊喜，鱼皮煎得好香脆，鱼肉好滑，上碟有两块鱼柳，底下配咗薯饼，有淡淡蒜香味

烤鸭胸红酒意大利饭配黑加伦子酱
见到餐牌有个意大利饭配黑加伦子酱 呢个配搭好新颖 烤鸭胸嘅鸭皮好香口，有啲片皮鸭嘅感觉。意大利饭就不过不失，有果酱味酸酸地，夹埋鸭胸会少啲油腻感

Lunch set包埋是日甜品同埋一杯嘢饮 当日嘅甜品喺芝士饼 唔太腻 味道都唔错

上次在中环吃过一次私房菜后，都留下很深的印象。今次跟朋友来到荔枝角，赶在政府颁布禁晚市堂食前享受，之后就要留在家中抗疫。我知道不少工厦已经变成食店或楼上舖，但想不到原来是有这么多可选择，难怪香港被称为「美食天堂」。

位置：由于我是第一次到忆利工业大厦，所以找门口都用了两三分钟，但其实在大马路那一边，门口前方正是往返屯门公路的巴士站，所以是挺方便的。

环境：非常适合聚会和拍拖。现场的布置充满圣诞气氛，墙上挂满一个个小灯泡，灯光温馨，营造浪漫蒂克的气氛。虽有玻璃窗，但外面的景致只是工业大厦，有景观等于无。

服务：桌上的布置亦齐备，除了有调味瓶，餐巾、口罩袋亦有。坐下后，服务员立刻送上水和餐单。

晚市套餐：三道菜$338(包$35以下的饮料)
汤:
粟米汤：清甜而无渣，但其实我想吃粟米粒，汤面有少许沙律菜作摆设。
周打蚬汤配法式餐包(各两个)：蚬是醃制和晒乾，汤的忌廉味重，质感非常浓稠，比粟米汤更好喝，配法包更棒。值得称赞是店家贴心地提供两个包，而不是小小的一块，众所周知，法国很难令人吃饱，所以在包的份量够多一些，就能让客人吃得丰足。

前菜：
慢煮龙虾肉配荷兰汁茴香泡沫：荷兰汁很美味，个人觉得无论点甚么都很好吃。龙虾肉很鲜嫩，不过份量好少。

法式火腿酱冻批：这个菜式是我第一次吃，口感挺特别，有啫喱的胶质感，亦有火腿的咸味，好像吃一个咸点一样。

主菜：
传统酥皮焗猪肉眼：
这是我吃过最好吃的威灵顿扒，因为不会一切就松散，表层酥皮依然保持爽脆，不会被肉汁浸软，内部的猪肉眼也保持湿润多汁，这个真是一流。我想是因为他没有用火腿和蘑菇蓉放置中间，而是选用了蔬菜，所以很适当地分隔了酥皮和猪肉眼。不知道真正的威灵顿牛柳是否也如此出色呢！

羊腹柳扒配阿根廷酱：
这个羊扒的骚味很重，我只是吃了两口就放弃了，因为我实在受不了，但朋友反而很喜欢。我很喜欢一旁的配菜，不知道是甚么豆，口感很像饭粒，吃起来很清新。

整体来讲，价钱跟中环区相差不多，亦是楼上舖。食物种类亦类似，但烹调方式或配搭却大不同，明显比中环那间更复杂和欧洲化，更富有异国风味，不单能品尝法国的料理，更能试试欧洲风味。

最近睇杂志，得知荔枝角一个商场有几可乱真白色圣诞的装饰，今日约了朋友一齐去逛逛。睇完装饰刚好午饭时段。朋友非常熟识荔枝角一带，带我去了工厦内的一间餐厅。
虽然在工厦内，但装潢相当雅致。
午市套餐：
焦糖苹果烟鸭胸
简单而又清爽的前菜。粒粒苹果采用焦糖煮过，相当好味，好适合配烟鸭胸，味道夹。
松露鸡胸三文治
面包好脆口。鸡胸肉捞埋沙律酱和松露酱，湿润且散发出黑松露香气，好好味。
伴碟是炸薯条，外脆内软，薯味香浓。
甜品是芝士蛋糕，味道浓厚，细细件的份量相当好，不会太腻。

与朋友去咗呢间位于工厦嘅西餐厅，餐厅环境简洁，感觉舒适佢哋嘅Dinner Set分咗3个价钱，食量唔大嘅我哋就点咗2个「3 Courses」（$338）Dinner Set：

(A) 是日精选餐汤
餐汤系忌廉蘑菇汤，蘑菇味几香浓，质感比较稠身，每一啖汤都夹杂咗粒粒蘑菇，饮得出系餐厅自家制，足料又有口感而两款面包都温热又软熟，配汤一齐食好perfect

(B) 芦笋孜然粉藜麦
藜麦本身有咬口，用孜然粉轻轻调味，配同酸青瓜、蕃茄及芦笋，味道清得嚟带少少酸，作为开胃菜都几适合

(C) 慢煮龙虾配荷兰汁茴香泡沫
卖相精致，龙虾鲜味又爽口弹牙，配同咸咸地嘅荷兰汁及奶香味嘅茴香泡沫，味道确系几特别！

(C)法式火腿酱冻批
切粒火腿融入半透明啫喱，味道都ok，感觉似西式嘅镇江肴肉

(D) 羊腹柳扒配阿根廷青酱
羊腹柳肥瘦适中又不失油香，而且非常软嫩，烹调得啱啱好，真系几好食配菜及酱汁都酸酸地，既可中和腻感外，亦越食越滋味

(D) 洛神花油醃Prime西冷扒配红菜头中东米，洋葱酱（+$48）
牛扒系medium rare，睇见都已经流口水食落肉汁丰富之余仲好软嫩，牛味又重，加钱食呢个steak都系值得嘅而米饭亦充满红菜头味，感觉健康

姜蜜茶
闻落有少少姜味，饮落清清哋，饭后饮杯茶消滞都几唔错！

☕️美式咖啡
咖啡味道无乜特别，不过不失吧！

食物质素都几优质，绝对可以再encore值得一提嘅系透过OpenRice订位竟有85折优惠，枉我仲戆居居walk-in上去

香港嘅工厦其实有好多嘢食，平贵都有，甚至乎有好多高质嘅餐厅，只要你愿意去揾就会有好嘢。今日食到间高质既fine dining，餐厅环境舒服，柔和嘅音乐，然后table for 2☺️，都几啱feel。

Dinner menu有3/4/5个course拣，分别$328/$378/$428，选择几有弹性唔错，唔想course既可以拣A la carte，而且价钱都唔算贵，不过最后我地拣左散叫，食的想食既

前菜有啲法包，几松软，配油醋真系一流。上枱个阵都几够暖，就算食到咁上下滩冻左，个包依然保持软熟，我几欣赏

法式蕃茄清汤$78的汤用壶仔装住，自己倒入汤碟，视觉同触感一流。 汤碗摆有蕃茄条，的汤超清呀，清澈透底，成个蕃茄汤去左另一个境界，完全改观左。饮落有清香既蕃茄味，小小咸味带少少酸，然后加几条蕃茄条，成个汤好fresh，好特别

焦糖苹果烟鸭胸$108几香烟熏味绝对唔似平时烟鸭胸切几片出嚟，好似成碟有烟熏过咁，真系好。鸭胸配上焦糖苹果味道几夹，焦糖苹果嘅甜味同鸭胸嘅咸味中和左，然后加上沙律菜，整体好夹又好好味。

特色香肠拼盘$198里面有小牛肉香肠，法兰克福香肠，昆布兰香肠，肠煎得香脆之余又保留到肉汁，而且唔会偏咸。当然唔少得嘅梗系酸椰菜啦，酸椰菜当然系偏酸嘅食落好开胃，仲有超粗既薯条，看似简单，但有诚意☺️。

南瓜蟹肉意大利饭$168正呀❤️，食落劲香甜南瓜味，劲creamy，意大利饭熟度刚好，食落有嚼口，仲有几多蟹肉，真心足料呀，食既时候夹埋的香草，又另一番风味，香甜南瓜味加上香草，令蟹肉鲜味提升，确系有惊喜㖞❤️。

最后饮杯热朱古力，图案好可爱，系只熊仔样，朱古力味好浓厚，泡沫打得厚实细腻，就算无食甜品都觉得好满足

餐厅环境的确几好feel，店员又有礼貌，以fine dining黎讲真系几抵食，下次可以试下set

‼️打电话嚟订枱有8折优惠㗎‼️

***************************************
FAB Kitchen
荔枝角长沙湾道338号亿利工业中心7楼704号舖
***************************************

———————————————
➡️#eatwzyou_深水埗区
➡️#eatwzyou_荔枝角
➡️#eatwzyou_food