🐔水门鸡饭 + 香茅特饮 ($52)
黎开尖沙咀，见呢间长期排队嘅黄店冇乜人，即刻入去试💛
个鸡饭饭加酱汁系okay的，但我更钟意佢个香茅特饮！
如果单叫个特饮要$18，跟餐就唔洗另外加钱，真系可以一试。

限聚令放宽返，即系疫情都缓和咗，出街食饭心情都无咁紧张，今次又嚟到尖沙咀揾食😉

呢间饭店都几出名，网上都好多介绍及好评，所以同朋友一齐嚟试下。我哋都算早嚟到，唔使点等位，不过我哋食完之后就已经有唔少人喺度排队等紧lu!

嚟呢度当然要试下佢嘅招牌啦：水门鸡饭🐔🍚，唔错，系无骨鸡，鸡皮爽脆、鸡肉嫩滑，配上少辣嘅汁，的确系招牌菜👍，仲有一碗胡椒汤送架！

佢哋仲有好多唔同嘅嘢食，凤尾虾🍤炒金边粉、泰式猪手饭、鸭腿汤河、金牌胡椒猪什粉等等，样样都几吸引🤤，下次试下佢其他食品先😋

水门鸡饭
-
又抵又好食嘅水门鸡 🐔🤤 鸡肉嫩滑，油饭超香超邪恶🤤 水门鸡饭包埋个汤，好香胡椒味😋 金边粉足料又有味😍 不愧为成日食嘅黄店海南鸡饭🤤👍🏻
-
🔍 水门鸡饭$50
🔍 炒金边粉$65
🔍 泰式炒通菜$48

今天公司清假难得约到尖沙咀返工嘅朋友食饭，平时甚少来该区食中午，一时间想唔到食乜好，朋友就话食开依间介绍我试试。十二点前来到仲未开门已见十多人排队，街道狭窄人流多，排队都有点阻碍途人排得唔自在，幸好排了一阵十二点准时开门。
餐牌上选择唔算多，有午市套餐供应，套餐包汤和饮品，价钱唔贵在该区而言相当抵食。而且难得食到咁正宗泰式地道风味，CP值甚高，难怪十二点入座后好快已满座。

鸡骨汤
好似饮紧胡椒猪肚汤，汤里头剩系放了片冬瓜，饮落好重胡椒味可以驱寒醒胃，天气冻饮就好正，汤味道唔咸清清地无乜油，唔错唔错。

水门鸡饭(转鸡脾) $72
招牌菜一定要食，朋友识食补多十蚊转做鸡脾，夹左佢两件鸡食又真系几好味。鸡肉起左骨食落啖啖肉，鸡皮薄无乜脂肪，肉质嫩滑细致有鸡味。鸡油饭份量唔多可要求加饭，饭粒粒分明口感烟韧，但略为干身油香味无咁浓，食落清清地无乜油腻感，食都食得健康！

泰式猪手饭 $62
猪手我至爱，皮肉都好入味好软身，而且食落唔系好油腻，又系无骨啖啖肉相当好味，同样都系配鸡油饭，几有水准。

泰式奶茶 +$5
有二十多款选择，当中以泰式奶茶比较突出，有红茶香味饮落几滑，味道浓少少偏甜几好饮。

每次同舅父去曼谷旅行，他必带我去食水门鸡饭，现在不用长途跋涉去曼谷才食到，尖沙咀、大埔、元朗都开了主打曼谷水门鸡饭的专门店叫 水门鸡饭 ，我在尖沙咀食了两次风味都够晒地道，价钱又平民价。值得推介。

尖沙咀店在金马伦道18号交通方便地铁站B2出口步行三分钟。

晚上九点多门口仍然有人排队，大约等了5分钟左右入内，店铺不大也不算细，坐满了人有少少逼，装修简单，我特别喜欢墙上铁制成的曼谷嘟嘟车装饰品。

太夜不太想食得过饱，叫了碗面，留下次再来临食鸡饭

海鲜冬阴功金淀粉
先来说说汤底好浓郁好惹味又顺口，应该是虾头虾壳熬成吧！鲜甜鲜美酸酸甜甜好开胃令人胃口大开，我成碗汤饮晒。
材料有青口、鱿鱼、蘑菇、炸云吞皮。金边粉够烟韧，吸收了冬阴功汤汁带点酸甜味道令人食指大动。

好味道㖞！今晚大大满足。