La Famille 嘅蛋糕基本上经过都有条人龙就知受欢迎程度，而且定期都会推出新口味，仲要系期间限定架！全部都好吸引，外型靓之余，蛋糕体本身充满回弹感！水准好高，睇得又食得！真心推荐未试过嘅都买黎试下🥰

◾️皇牌士多啤梨 • $56
呢款皇牌士多啤梨口感湿润，最特别系蛋糕嘅外围有层士多啤梨酱，令到士多啤梨味好浓，蛋糕中间嘅Cream轻盈软滑，果然系皇牌，有惊喜！

◾️干邑坚果朱古力 • $65
钟意朱古力嘅人一定唔好错过，呢款干邑坚果朱古力甜度较底，最外层用左70%微苦嘅朱古力，有啲似脆皮雪糕嘅外层，除左朱古力味仲有淡淡嘅坚果香！

◾️大甲香芋黑糖麻糬 • $62
上层用左蓝莓同花作为装饰，成个蛋糕淡淡嘅紫色好靓🤩cream有淡淡嘅香芋味，比较特别系黑糖麻糬夹心，口感层次就丰富啦😋

◾️榛果阿萨母奶茶 • $56
用上印度阿萨姆邦嘅奶茶作为蛋糕底，茶味嘅蛋糕黎讲，味道都几突出！夹埋上层浓厚嘅奶油一齐入口，真系好正😋

◾️桂香玄米绿茶 • $56
玄米茶本身都系淡淡嘅炒米香，呢款蛋糕玄米茶味唔算非常出，所以蛋糕淡淡嘅玄米茶味都系预料之中，亦都系佢嘅特色！

英国伯爵茶戚风小蛋糕 ($56)
一向都好钟意食有茶香味既蛋糕，呢个伯爵茶蛋糕就啱哂我啦! 蛋糕上面有伯爵茶味既cream，十分浓郁。又香又滑既cream好好味，而且上面仲有几块朱古力，都好好食，蛋糕都有淡淡既伯爵茶香味，钟意伯爵茶香味既朋友真系唔可以错过。

香浓开心果戚风小蛋糕 ($65)
呢款蛋糕真心唔错👍🏻佢有好香浓嘅开心果味，最特别嘅系蛋糕外面系开心果味脆皮朱古力，口感同层次都即刻升华咗好多，好少蛋糕可以做到咁高质嘅。上面仲有一层开心果味嘅cream,超级浓郁！mix埋蛋糕一齐食会有十分强劲嘅开心果味，极之推介大家试吓呢款蛋糕。

干邑坚果朱古力戚风小蛋糕 ($65)
呢款朱古力蛋糕都系新产品，见到系酒味mix朱古力呢个组合，已经觉得好正。上面嘅cream带有干邑味，所以一拎个蛋糕出盒已经有阵阵酒香味。蛋糕有朱古力脆皮，有少少坚果粒系脆皮到，好似金莎咁。蛋糕中心系热情果慕丝，酸酸地，咁呢款蛋糕比较浓味，慕丝同浓朱古力几match。

大甲芋头黑糖麻糬戚风小蛋糕 ($62)
最近好兴芋头同麻糬嘅产品，咁见呢间蛋糕舖最近推出咗呢个大甲芋头嘅戚风蛋糕，成个蛋糕淡紫色💜，所以今次我决定试下佢。一如既往，戚风蛋糕好松软，蛋糕自带有少少芋头香味，另外，面头同蛋糕入面都有芋头味cream，cream打得好轻盈，食完都唔会济。如果入面再加啲芋泥一定更正~(好钟意芋泥)而戚风蛋糕夹住嘅黑糖麻薯甚为特出， 佢嘅麻糬烟韧而黑糖味做得好出。

经常都会去La Famille 买cake 食，中意食佢细细个既戚风蛋糕。 今次一次过庆祝几个人既生日，所以买左个大既。🎂🎂

今次我拣左大甲香芋黑糖麻糬蛋糕$380🎊🎉
我拣呢个cake 既原因，第一系个外型好靓，特别喜欢佢既粉紫色，仲有d 花花作点缀，好有少女既感觉！第二系因为呢款cake 有我最钟意既黑糖麻糬，烟韧弹牙，d 麻糬都几大旧，good! 呢款蛋糕既味道清香，蛋糕既质感绵密，有几种层次，唔错！

买La Famille做生日蛋糕🎁系一个好好既选择，多款多口味，我就快可以试哂hahah

呢排多朋友生日又要谂食咩蛋糕啦🤣，La Famille呢间甜品店主打以天然食材整成嘅轻盈少甜戚风蛋糕，而且好多款选择，今次就买咗其中一款黎同朋友一齐食💜
-
🍒🎂 Berries & Butterfly Pea 盛莓蓝蝶
HK$ 370 （1LB / 15cm)

呢个蛋糕嘅噱头系落咗蓝蝶花呢个天然美颜良品， 据闻蓝蝶花可以用嚟补脑同增强记忆力，所含有嘅花青素除咗可以护眼，仲可以抗氧化添！蛋糕食落去非常松软，味道酸酸甜甜好开胃🥰

La Famille
La Famille呢间甜品店主打以天然食材整成嘅轻盈少甜戚风蛋糕，之前都有同朋友试过佢哋嘅蛋糕，今次行开K11再见到，佢只伯爵茶味嘅蛋糕好似好吸引咁，就顺便买咗几件Cake返屋企～

英国伯爵茶蛋糕
蛋糕内里嘅伯爵茶忌廉唔会太甜，忌廉有淡淡伯爵茶茶香，再配埋戚风蛋糕一齐食，啱晒怕甜嘅你哋

无花果香梨蛋糕
系戚风蛋糕上面，铺满香梨片，食落忌廉充满无花果嘅淡香，唔系成日有机会试到有无花果喺入面嘅蛋糕，几特别～

青森苹果蛋糕
呢一款嘅蛋糕部份有淡淡红茶味，再加上蛋糕上面晶莹香甜嘅苹果果肉，苹果粒不会太酸，入口不会过甜，再加邪恶忌廉吃完都不怕腻

Panna Cotta蛋糕
以往多数都系就咁食Panna Cotta，未试过连埋蛋糕一齐食，我自己本身系一个几钟意食Panna Cotta嘅人， 我隐约见到佢嘅Panna Cotta有一啲云呢拿籽，食落亦都好香奶味

佢哋嘅蛋糕用上本地的新鲜鸡蛋、外国入口生果茶叶，同埋来自日本北海道、没有防腐剂的新鲜忌廉，新鲜原材料，呢个价钱系抵嘅！