我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“疫情下今年过得不容易,更加要好好珍惜💛🥰”
令和的点评

令和
香港排名第1,874 (共15,642家美食)
周围地区: 旺角
餐厅详细资料
周围地区: 旺角
2020年11月29日点评

大家知唔知旺角洗衣街有间日本居酒屋,食物唔错,居酒屋外挂上牌匾、日式灯笼同木系元素,令人感觉非常日式,好似番咗乡下咁!12月了要好好同朋友Gathering一下‍♀️‍♂️,一齐饮下酒食下嘢,疫情下今年过得不容易,更加要好好珍惜!同时大家继续支持佢哋!
.
蟹肉可乐饼($38/1件)
外层香脆不油腻,中间馅料creamy软滑,虽然蟹肉未算突出,但仍然不错吃。
.
令和鱼生丼($188)
刺身有牡丹虾、油甘鱼、三文鱼、海胆、吞拿鱼和帆立贝,整体上口感柔软,鲜甜咩虽然未算突出,但海胆没有腥臭,饭上加上饭素,味道还不错,饭量不算多,是女生也能整碗ko的份量。
.
令和玉子烧($38)
不能将香港的玉子烧跟日本的比较,因为口感上基本上是2种完全不同的感觉。这款是典型的港版玉子烧,口感实在,未够juicy,带轻轻的甜味,应该大家都能轻易联想到这个味道。
.
日本A5和牛($218/150g +$25蟹膏饭、沙律、汤)
石板烧牛是这里的一大特色菜,有不同牛肉及份量可以选择。这次试了A5黑毛和牛。店员会在食客面前将牛肉轻轻烧熟,A5和牛油花丰富,口感柔软,150g牛只有5块,份量偏少。另外加$25可以配蟹膏饭、沙律及面豉汤。一口饭一口和牛实在十分满足,只是蟹膏少得可怜,多一点会更满足。
.
令和居酒屋 Reiwa Izakaya
旺角洗衣街111-127号建煌华厦2期地舖

1  感谢 Grassroots-Ruby
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (16)
旅行者评分
旅行者类型
时节
语言

1 - 5 条点评,共 16 条

2020年11月17日点评 通过移动设备发表

餐厅:令和居酒屋 (旺角)
地址:旺角洗衣街111-127号建煌华厦2期地舖

香港人都好一段日子无去过旅行,最近同朋友倾偈话好挂住日本嘅超平价高质居酒屋,所以就决定约埋一齐去旺角呢间黄店令和居酒屋食饭饮返两杯

居酒屋嘅墙痴满哂唔同酒嘅招纸,仲有唔少食客嘅留言同对香港嘅祝愿/期盼,即将踏入2021年,唔知你又有咩愿望呢?

石板烧澳洲M6和牛(200g) $188
好少见居酒屋会有石板烧,所以就叫咗个嚟试吓,200g嘅M6和牛都系$188,仲有美国安格斯扒、日本A5和牛等。你睇吓啲和牛嘅颜色同油花,真系未食都知系靓野,仲有专人帮我哋烧,问咗我地想几成熟之后就开始放上热石板到烧同调味,可以趁呢个时候慢慢欣赏同影相,和牛烧得均匀唔韧,色香味都有,另外仲加$25配埋超多蟹膏嘅蟹膏饭、野菜沙律同味噌汤

清酒煮蚬 $68
啲蚬都几大只,清酒味道唔会好浓烈,大蚬因清酒嘅醇香配合而更为鲜甜,咬落去有丰富嘅汤汁,食完饮埋个汤先喺精华中嘅精华,加上海苔同洋葱一齐烹煮,真系齿颊留香

串烧拼盘 $138
呢个拼盘有8串串烧,有鸡翼、鸡皮、大葱豚肉串、金菇牛肉卷等,调味调得好惹味,唔会太咸,亦唔会抢咗食物本身嘅味道,嚟嘅话值得试吓

烧鸟拼盘 $98
有鸡翼、鸡皮、鸡软骨、白葱鸡肉串同免治鸡肉串,喺鸡肉控嘅你就啱哂,一碟就可以试匀鸡嘅唔同部位同做法,系咪望见都流口水呢

炙烧吞拿鱼 $88
将吞拿鱼边烧至香脆,加上黑胡椒,而中间保持住嫩滑,再配埋餐厅秘制嘅酸汁,食落更开胃、鲜香,亦有香浓嘅黑胡椒香,真系会令人食唔停口

五色刺身盘 $195
有三文鱼、吞拿鱼、油甘鱼各三件,另外赤虾同帆立贝有两件,刺身尚算新鲜肥美,不过无冰座住嘅关系就唔放得耐,对比起其他食物,价钱感觉有少少贵

豆腐海葡萄沙律 $68
海葡萄系冲绳独有嘅海藻,只有喺零污染嘅干净水域先会生长, 粒粒晶莹呈碧绿色, 犹如青葡萄咁,食落爽口有啲似蟹子,养价值远甚高

北海道鱿鱼一夜干 $88
一夜干系日本传统渔民用嚟保存海鲜嘅做法,将鱿鱼用盐水浸泡,醃制入味后再挂喺到风干。经过呢两个程序,食起嚟保持到鱿鱼鲜味,仲有更丰富嘅味觉享受,最适合配埋居酒屋自家制嘅酒,同朋友边食边饮边吹水

依家令和仲做紧买一送一优惠,$68就有一杯自家清酒同梅酒

House Wine嘅清酒味偏甘口,酒体轻盈,虽然无详问酒嘅名细,但凭入口嘅甘味,推测系精米步合50%附近嘅大吟酿清酒,入口易适合唔好烈酒嘅食客。仲用咗发光嘅透明容器盛载,亦好贴心喺冰柜拎出酒杯,呢款清酒冰饮效果较为理想,可以突出酒嘅香气,亦品尝到清酒口感细腻嘅一面

梅酒好受日本人钟意,因为有酸酸甜甜嘅味道,而且酒精浓度唔高,唔叻饮酒嘅人都啱,特别受女士欢迎。令和嘅梅酒加咗大圆冰,减慢咗冰溶解嘅速度,可以保持梅酒嘅冰冻感,同时又唔会咁快变淡味,入口有啖啖梅香,配埋呢到嘅日本菜一流

感谢 hinsonfoodhk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
2020年10月19日点评 通过移动设备发表

旺角真系好多黄店,想食日本野就黎咗呢间令和居酒屋食晚餐,够哂多选择~五色刺身盘($188) 鱼生够大块亦都好新鲜,最钟意系呢只大虾刺身,超级鲜甜!

清酒广岛生蠔 ($28 per one ) 呢个系真系超抵食,首先生蠔大大只够鲜甜,其次仲有一杯清酒喺旁边,店员介绍将生蠔放入清酒里面再一大啖咁样食,好特别

盐烧三文鱼头 ($88) 盐烧做得唔错,烧得好香,而且三文鱼头入边都有好多好滑好嫩嘅肉,值得一试

另外店员在推介我哋食石板烧,拣咗美国安格斯扒 ($168/250g) 牛肉好靓,脂肪比例比较重,入口半溶,一啲都唔会觉得干。

呢度除咗烧肉之外仲有火锅,有我最钟意既寿喜烧,呢样就拣咗A5日本黑毛和牛 ($258/200g) +M7 澳洲和牛肩胛 ($88) 超级抵食嘅套餐,首先m7呢款和牛唔错,另外火锅入边嘅配料都算几多,加埋乌冬食就好正。

感谢 food_stoppp
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com 查看原文
2020年9月28日点评 通过移动设备发表

好耐冇食过日本野,系旺角买完水晶之后就去左觅食,又发现一间宝物
门口挂上高高的日式灯笼,令我不禁怀念日本
石板烧 日本A5和牛 100G $158
4片油花均匀,色泽吸引的日本A5和牛,每1片都有一定口度,放在石板上烧瞬间冒起白烟,紧随其后的是和牛之香味,令人不禁吞一吞口水
将和牛烧至焦黄色就代表差不多可以放进口慢慢细腻,和牛入口慢慢融化,其感觉似热食拖罗,而味道当然无得顶,牛肉味十分重,没有任何残渣
日本黑毛和牛锅烧乌冬 $98
汤底采用一般日式高汤,而乌冬有弹牙之口感,混合温泉蛋汁简直美味,黑毛和牛总共有4片,肥瘦参半,虽然口感及不上A5和牛,但牛肉味亦绝不逊色
烧日本青椒仔 $22
烧日本青椒仔非常得意,就像红色辣椒添了绿色衣裳,然后在青椒仔上洒满木鱼,感觉几新奇,唔辣但清新
盐烧鸡翼 $22
盐烧鸡翼外皮脆脆地,淡淡海盐味道, 是考功架的一款烧物
盐烧鸡软骨 $22 + 金菇肥牛卷 $28
食串烧鸡软骨最重要的就是爽脆,脆口外皮加上爽脆软骨,过瘾
金菇肥牛卷涂上烧汁,甜甜地,而肥牛及金菇都唔痴牙,唔错
✨银鳕鱼照烧 $118✨
银鳕鱼以啖啖肉无骨而盛名,将鳕鱼件烧至金黄色,再淋上照烧汁,不会抢走鱼的鲜甜味,又可保留鱼油的脂香味,同样地外皮一样非常脆 口
大白啤 500ml $68
嚟到居“酒”屋点能够唔饮返杯酒,虽然不是日本清酒,但呢杯大白啤可以择选自己钟意的口味,而我当然拣咗荔枝味,甜度岩岩好又易入口, 一啖啤酒一啖串烧,多久没尝过
蜜桃薄荷梳打 $48
而饭伴则选择了无酒精的梳打,蜜桃的甜味加上薄荷的清新,出奇地配合,饮落好舒服好爽,而且仲可以帮助清清味蕾,重新出发

总括而言,呢间小舖的食物都几出色,气氛环境都好好,今餐食得好爽,下次必定要再来

感谢 op S
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年9月13日点评

之前去过「令和居酒屋」三次,
每次都系食二人前超抵食套餐,
不过今次我地俩口子就想试吓单点,
因为单点会有好多套餐唔包嘅菜式~
就好似是日精选限定推介,套餐一定唔包嘅,
仲要数量有限,想食就要快啲order啦!

而家加$48,就可以任饮清酒、梅酒、啤酒,
咁抵,酒鬼点可以错过!

未上菜之前,先上个开胃菜—芝麻盐酱椰菜,
椰菜爽脆新鲜,混合了酸酸甜甜嘅酱汁,几开胃!

小编系酒鬼,又钟意食生蠔,
见到清酒广岛生蠔($28)呢个配搭几有趣,
就试下啦!
上枱嘅时候生蠔同清酒系分开嘅,
等食客自己将新鲜嘅生蠔放入清酒杯到,
然后浸一阵,再一整杯啪左去,好似饮shot咁,好正呀!
生蠔都几新鲜,配上清酒,生蠔嘅鲜甜更突出~推荐❗️

推荐❗️石烧美国安格斯肉眼片250g($168)
肉眼扒切成10片,而且成块都好厚肉!
足足有1cm厚!
店家好贴心地教我地帮我地烧~
肉眼扒油脂分布都算平均,唔会太肥,
口感有嚼劲,肉香味美,不错吃!

推荐❗️盐烧油甘鱼鲛($128)
油甘鱼鲛好大件,
外皮焦香,里面嘅肉质肥美嫩滑,鱼油脂香,
佐酒一流!

讲起佐酒,点少得串烧~
和风烧猪仔骨($98)
外皮烧得几香,不过肉质有点dry。

芝士豚肉串($28)
豚肉包着原块芝士,「芝」味十足,
芝士控唔可以错过!

感谢 foodie_talk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过令和的旅行者还看了

 
中国香港
 

去过令和吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2021 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。