坚石烧石坚

喜见呢个商场有生气，有食力㗎，话说呢个商场有段好长时间好静局，而家成为食肆 都系畀我一个好大嘅响受，落到坚石烧嚟 ，坐低 一啲都唔简单，地方大，卡位多, 一格格好似包箱咁，隔离睇唔到你，好有情调，

坐低叫一份澳洲和牛m9和牛肉眼200个gram $280 

韩式厚切鳗鱼饭$98 

芝士牛油焗粟米$28

焗酿大蘑菇$28 

两位自助吧 都系$36

加一$526，

人均$260消费好满意，个半钟好写意。

澳洲和牛m9和牛肉眼200个gram

一个人食有点压力, 两个人食要加埋其他就啱啱好，聚焦𠮶个火山岩石板，由头烧到落尾都系吱吱声，呢个卖点近排好兴，搞到我都有啲，心思思想整返件石板返返归，自己叹下先，和牛好味唔使讲，烧得啱唔啱口感就自己调控，自己控制呢个卖点非常好呀!

韩式厚切鳗鱼饭$98 

厚切鳗鱼，口感满满唔使讲，加埋啲酱汁本身已经系好出色，话说𠮶件石板烧到滋滋声 ，跟住仲揾啲鳗鱼饭，落去抄埋和牛肉汁，捞埋一啖，仲可以烧到有啲饭焦添，石板烧嘅感觉真系一个好嘅设计呀!啖饭 又热又香又汁酱多，白饭都味饭呀!

芝士牛油焗粟米$28

焗粟米加牛油，粟米粒粒胀卜卜，已经好得人钟意，再加芝士捞埋上去炒炒下，唔单止呀佢仲有少少薯蓉，真系合晒口味!

焗酿大蘑菇$28 

酿大蘑菇入面蒜蓉洋葱，再加肉碎一上到嚟都已经闻到香菇香洋葱蒜蓉味，大大个菇切落去酱汁依然喺入面流出嚟，好味好味好好味。

两位自助吧 都系$36

沙律吧拣嘅嘢款多，有水有饮有雪糕，仲有 食唔饱仲可以喺度任添，呢个先至系最难得，价钱重系只系18元，净系饮两杯都已经喺度。所以值得一试再试下次再来!

朋友想吃烧肉，就去坚石烧，这里除了最实惠$78的「美国大理石」石烧套餐外，还有韩国猪腩片 $98、1++韩牛肉眼 $258、美国顶级牛小排 $188及澳洲和牛西冷 $228.....等可供选择，每件足200g，若自问是食肉控，还有300g或400g的大大件任你食。不过个人觉得200g都好足够，所以点选了美国顶级小牛排，朋友话餐厅做紧韩猪节，就点了韩国极上猪鞍扒；小牛排200g足有8件，肉好嫩，半生熟就至完美，朋友个猪鞍扒真是份量好足，大大件只是＄128，几抵食，加多$18仲可以任食蒜蓉牛油意粉，白饭、沙律、饮品及雪糕等，我就吃了两碗意粉，真是几好味。依家仲有超级优惠，可以免费食餐牌内＄18的小食一款，也可以免费试食新出的香草猪脾仔一件，由于几抵食，难怪排队的人龙不绝，可以的话晚饭时段早点到，正如我今日6点到就不用排队，7点半离开时已有人龙了。

香港最近新开了不少热石牛扒专门店，听说有好几间价钱都很大众化，颇受食客欢迎。早几日同朋友去旺角购物，回程时路经银座广场，发现原来地库新开左间石烧扒房，见餐厅风评不俗，所以今晚就同老公去试下。

餐厅面积颇大，占地约有 3,000 平方呎，提供超过 100 个座位，地方宽敞阔落，是香港暂时最大间的石烧牛扒店。

入座后先细心研究一下餐牌，牛扒共有五款选择，包括：美国大理石、美国牛板翼、美国顶级牛小排、澳洲和牛西冷及1++韩牛肉眼，全部分为 200g、300g 及400g，另外亦有一款韩国猪腩片提供，照顾唔食牛嘅朋友。除了主打嘅牛扒外，餐厅还有多款石锅饭同小食等供应，另 +$30 更可以享用小食吧的饭、意粉、沙律、汤同冻热饮品，不过由于而家仲系新张期 (至31.8.2019)，所以店员话系免费送嘅，十分扺食。

我哋拣咗一客澳洲和牛西冷、韩式厚切鳗鱼饭同一款小食。趁牛扒未上，先去小食吧看看，有沙律、大酱汤、白饭、蒜蓉牛油意粉、汽水、咖啡、奶茶等，全部都可以任饮任食，相当超值！。

返回座位后，澳洲和牛西冷 ($220/200g) 已经送上。店员教路，先将牛油涂喺热石上，再放上肉扒，然后 DIY 自己喜爱的生熟度，最后加上岩盐及黑椒。牛肉口感果然不错，切开可以清楚见到内里漂亮的粉红色，肉味很重，肉质够软腍，入口嫩而不嚡，带丰富肉汁，蘸点秘制烧肉汁吃，甘香惹味。

韩式厚切鳗鱼饭 ($98) 鳗鱼饭用料非常丰富，成品以石锅盛上，配料有泡菜、芽菜、粟米同白菜等。鳗鱼肥厚又多肉，经过火炙后，肉质外焦香内软绵，加上面头的酱汁，增添了鳗鱼的炭烧风味，令人回味无穷。

小食选了韩式鸡球 ($38)，鸡球即叫即制，上桌时仍热辣辣，面头铺满了韩国大葱，鸡肉非常嫩滑，加上咸咸甜甜的酱汁，令人相当开胃！

临走前记得试下佢哋嘅「去味神器」，这个小间设计犹如一座电话亭，客人只要踏入去，按下按钮，就会喷出带香氛的水雾，除去身上的烤肉味，效果不错。