疫情严峻成日郁喺屋企真系会屈到病。
旺角moko新世纪广场我一向都唔多喜欢去，因为我觉得佢九曲十三弯想揾一间铺头都唔容易，不过老婆要行街焗去。

行过睇下眼镜突然觉得肚饿，又见到隔离有一间用汤嚟做招牌嘅餐厅谂住几得意就行入去睇下，见到环境舒适同埋整齐就胆粗粗又瞓㗎试下

两口子行入去叫两个餐，见到前菜丶嘢饮都绝不马虎个罗宋汤入面嘅牛腩真系好大旧

佢个秘制辣酱加出前一丁都系一个几唔错嘅配搭

两口子两个餐咁嘅食物质素呢一个价钱绝对值得翻兜

星期六下午到旺角太子道西新世纪广场行街， 午饭时间经过Wheatfield X罗宋汤专门店的门口， 看看餐牌见到有罗宋汤觉得几吸引就入去试下。 店内环境整洁， 坐得舒服。 餐厅主打罗宋汤， 我就试下海派罗宋汤牛腩拉面$82＋ 香煎鸡扒 $12+ 冻咖啡$3， 另外仲有捞面套餐海派罗宋汤猪髀肉上海面$85+香蕉薄牛扒$12＋热奶茶。✨✨

海派罗宋汤牛腩拉面～ 罗宋汤好多菜， 饮落好香蕃茄味， 微辣带点甜， 一啖拉面一啖罗宋汤好正！ 牛腩软腍， 唔会黐牙口感好。

海派罗宋汤猪髀肉上海面～ 上海捞面配上秘制酱油带有蒜香味，特别惹味。 浓郁鲜甜的罗宋汤里面配上猪髀肉， 入口松软。

香煎鸡扒～ 加$12就有大大块鸡扒， 鸡扒嫩滑， 超抵食。

香蕉薄牛扒～ 牛扒都是$12， 又系大大块的， 啱晒食肉兽！

热奶茶～ 估唔到热奶茶都唔错㖞， 茶味香浓。

冻咖啡～ 咖啡味道浓郁，赞！

本身好喜欢饮罗宋汤，Wheatfield X 罗宋汤专门店就适合我口味， 罗宋汤真材实料， 而家谂起都仲想饮呀！

Wheatfield X 罗宋汤专门店 (MOKO新世纪广场)
地址: 旺角太子道西193号Moko新世纪广场1楼103号舖

今天下午去了位于太古城的一间罗宋汤专门店试吓。原来呢间店舖不是位于商场里面，是街铺。地方不算大，是间小店。以为只有罗宋汤供应，原来还有清鸡汤或红菜头汤供可配搭粉面或选择面包，有套餐或散叫，也有小食供应。Order 了厨师推介罗宋汤套餐和另叫了虾多士小食。

叫得罗宋汤专门店，以为罗宋汤的份量有返咁上下，但比想像中细碗，味道尚算浓郁，材料份量还可以，微辣，但略嫌蕃茄味不够，如果可以热一点就比较好。除了罗宋汤，还选择了香煎猪扒脆猪仔包。猪扒包上碟已经切开一半，卖相OK，食落面包外脆但内不软！更可称得上是「硬」，唔知系因为啲面包唔够新鲜定系乜嘢原因，这点需要改善，猪扒还可以。套餐还跟茶，奶茶味道OK。经典套餐$88还要加一服务费，感觉有点贵。

套餐可以用优惠价$46叫迷你虾多士。虾多士size有惊喜，不算迷你，有¼件方包的大细，共六件，以沙律酱伴食。虾多士好味，够松脆，热辣辣，但略嫌虾胶唔够多。

近排朋友话我知，青衣城开咗间餐厅，用罗宋汤做汤底 配埋一款 心水面 / 包，可以用优惠价配餐饮。
店舖位于青衣城1期地下既中间位置，环境舒适，服务一流
点一份堂食，再带二份外卖回家
呢到既套餐配搭好特别，Step 1 + Step 2 各选一
海派罗宋汤(猪脾肉) 配 手打乌冬 $62 x2
罗宋汤个汤底 (唔知系咪有黑胡椒既关系，带有少少辣，但好好饮)，加上罗宋汤既配菜好足料，好味到lam lam脷个手打乌冬面烟烟韧韧，非常好食
☺一份堂食，再点咗一份外卖取走，可以继续有罗宋汤饮 (外卖好方便，系分汤设计，唔怕个面会淋哂。
另外点多一份外卖套餐
清鸡汤 配 拉面 $62 (一份外卖)
好多旧好juicy又嫩滑鸡肉，个清鸡汤既汤底够哂香浓，仲有就系个拉面，面质口感适中，唔怕太硬太淋
追加配菜
秘制炸鸡翼(2只) +$12
金黄色既炸鸡翼，又香又脆，鸡翼既肉质够嫩滑
冻柠檬茶 跟餐 +$8
冻蜂蜜生姜茶 跟餐 +$14 x2 (堂食 及 外卖 各一)
外卖满$70仲有8折优惠超抵食又好味
Wheatfield X 罗宋汤专门店
青衣青敬路33号青衣城1期地下G26-27号舖

今日去青衣城食晚餐，见到间罗宋汤专门店，好多人食呀， 罗宋汤唔止系饮，仲可以加埋配料、粉面，一齐食。

我哋叫咗两个晚市套餐一个系，
海派猪脾肉罗宋汤 配 手打乌冬， 呢碗罗宋汤好大碗，个手打乌冬，仲超级好食添 ，个乌冬仲烟烟韧韧。

呢个套餐配咗个小食，麻辣嫩鸡柳丝，鸡柳丝肉质超级嫩滑，麻辣程度简直正呀。

套餐配咗一杯嘢饮，冻奶茶要多奶，够哂滑

海派猪髀肉罗宋汤 配 拉面
罗宋汤汤超大碗，罗宋汤嘅配料都好多，拉面仲要超多超好食。

呢个套餐配咗个小食，香煎薄牛扒， 呢个牛扒超抵食，煎到好香呀， 肉质仲好嫩滑添。

套餐同配咗一杯嘢饮热柠水