早前约左朋友去怡红院滚 一听到个名已经相当期待 当日去到果然无令我地失望 装潢古式古香 一椅一桌 一碗一碟 每个位置都经悉心构思 连餐牌湿纸巾都相当特别 彷如置身古代青楼 特别钟意包厢既位置 好有私人空间

讲咁耐 其实怡红院系一间火锅店 除左特色火锅汤底 配料 小菜 亦有供应多款鸡尾酒 Like fb同ig仲可以免费换取$38既饮品 (有啤酒有wine)

▪️养颜浓厚花胶鸡 $438
女仔最想就系保持皮肤靓靓 毫不犹豫拣左呢个养生花胶汤底 估唔到花胶都有一定厚度 份量亦唔少 汤底非常鲜甜 大家都忍唔住饮左成碗足料鸡汤 同食左好多件嫩滑嘅鸡 先开始打边炉

▪️手切本地牛颈脊 $388
家姐大力推荐 牛颈脊薄薄一片 质地嫩滑 香浓牛味 就算唔小心滚耐左 都唔会变到好韧 依旧嫩滑

▪️自家制黑松露蟹肉饺 $68
饺子皮薄有咬口 入口阵阵黑松露香
入面加有爽口虾肉 蟹肉 菇 口感丰富

▪️䈑笋虾滑 $88
虾滑口感弹牙 当中加有粒粒䈑笋 增添左唔少口感

▪️爆汁皮蛋贡丸(半份) $48
咬开无想像中咁爆汁 不过馅料份量十足 入口姜味超浓 有些微皮蛋碎粒 贡丸厚度相对较薄 微微弹牙

▪️遍地黄金炸鱼皮 $88
炸鱼皮香脆唔油腻 唔会过于厚身 每一片鱼皮都沾满咸蛋黄

▪️凉拌香辣海蜇 $88
呀妹大力推荐 海蜇爽口 辣度唔会太高 相当开胃 特别钟意佢既青瓜 爽甜浓醋香

▪️ Pretty crazy $128
当桂花米酒 山楂 洛神花 遇上柠檬汁同苹果汁 味道有啲似sangria 甜酸balance得几好 酒感唔算好重 容易入口

整体而言 环境靓 食物质素高 特别推荐养生浓厚花胶鸡 手切本地牛颈脊 虽然定较高 但偶尔食一次奖励吓自己都唔错

因为疫情关系很久没有食麻辣火锅，睇杂志知道中环云咸街开了一间青楼妓院，其实是以怡红院为名主题火锅店，餐厅外外充满浓浓中国风，两层高，环境宽敞，餐厅装修别具一格，摆设布局及湿纸巾玩味十足非常有创意，至于贵宾包厢房命为 「撚雀园 、 吹箫亭 、 含春阁 」超级抵死。打开卖身契（餐牌）锅底和菜名好抵死，大家不妨同朋友来打打卡。

火锅汤底选择了灯红麻辣锅和咸酸菜胡椒猪肚汤，两者中猪肚汤更胜，猪肚份量好多汤底浓郁，至于火锅食材同一般火锅店没有分别，只是分量较为多些。我个人最喜欢值得推介是黑柏叶大大块口感鲜嫩爽脆和炸响铃特别松化。

整体来说环境更胜于食物，价钱方面略为贵了少少但中环区算可以接受。

怡红院的花姑娘靓吗？哈哈......
误会啦！呢间怡红院是火锅店啊！
店内装潢搞鬼，一个个厢房，菜牌名为卖身契...门外打灯将店名影射过对面墙上，真系估佢唔到，咁有噱头。
鸳鸯汤底，芫茜皮蛋和胡椒猪肚汤。
芫茜皮蛋汤底材料丰富，皮蛋起码有两三个。
胡椒猪肚汤好香，味道少许辛辣，惹味。
澳洲和牛粒只需灼数秒，质感软腍，好味。
爆汁皮蛋贡丸好特别，食时小心爆汁熨嘴，有微微羗汁香味，滋味。
手打墨鱼丸够爽够弹，全冇味精，正！
响铃不油不腻，好新鲜。
整体食物水准好，服务又殷勤，可推介给朋友们。