一个人出左铜锣湾sogo买圣诞礼物，顺便食个午餐先去大出血，咁岩今日系冬至，既然冬大过年，记得有朋友去过虎铁，再问朋友意见，见佢都极力推介，又咁近地铁站，咁就上去，环境很舒服，坐位亦都好宽阔。

再望望餐牌，见有几个套餐选择，咁就拣个精选套餐，来个一人冬至餐。

头盘系沙律: 苹果粒配上沙律菜，再加上柚子汁，很清新。

海胆黑松露溏心蛋: 首先卖相靓，原只溏心蛋蛋黄晶莹 ，上面放埋海胆及少少黑松露，口感好滑流，仲有食用金箔，靓呀。

香煎日本蠔:
师傅煎到好香口，蠔本身好大只，又肥美，仲有干葱蒜烟肉粒，侍应提议我要一齐食，口感更加有层次，仲好香口。

车海老配鲜虾汁: 虾够弹牙，而且成只虾剥左壳，好爽呀，侍应姐姐又提示要点埋虾汁同食，鲜甜。

荔枝咸柠whisky soda: 食日本野点少得饮番杯，呢杯就岩晒我口味。

西班牙黑毛猪薄烧 + 香煎野菜 : 黑毛猪并没有猪臊味，而系肉质嫩口肉汁多，连埋蒜片及野菜(翠肉瓜、大啡菇及南瓜)一齐食好惹味。

白饭鱼苗姜粒炒饭: 其实食到呢度已经好饱，但系呢个饭真系好无得顶，首先炒饭炒得好均匀及烟韧，加左姜粒口感更香，面仲有煎香左既白饭鱼，虽然好饱但系成碗KO。

昆布豆腐汤 & 柚子雪糕: 丰富的一餐饭，饮埋呢碗汤及食埋个甜品雪糕，呢餐冬至饭真系好满足。

谂住疫情啦，冇咩人出去食饭，但系好彩有订枱有得食虎铁。食铁板烧，好怕个师傅调味做得唔好，但系呢一度嘅师傅调味掌握得唔错，唔会太咸亦都可以突显嘢食材嘅味道。 今日就叫咗个虎铁特选二人餐，前菜就有呢个嘅沙律配上柚子醋，好refreshing，系食浓味嘅铁板烧之前开一开胃。之后仲有个鸭肝蒸蛋，个蒸蛋好彩唔会太浓味(味精)，唔会冚左个鸭肝味道。 开始到主角啦，有白松贝，用料好新鲜，亦都唔会过熟，配上Wasabi嘅mayonnaise 酱汁，仲有呢个海草同三文鱼子，配搭好好。龙虾好爽口，旁边有海胆龙虾汁，简直系冇得弹。到咗个牛肉薄烧，调味刚刚好，食牛肉嘅时候卷住啲葱同埋蒜蓉配埋炸蒜片一啖过食，简直系享受。记得一定要食佢啲炸蒜，揸得卜卜脆，好似薯片咁。 作为结尾，有白饭鱼苗姜粒炒饭同面豉汤，仲有芝麻雪糕，好饱好满足。 By the way, 呢度嘅职员都好有礼貌，介绍亦都好详细。 疫情下冇得食夜晚，晏昼嚟呢度食都好抵。

沙律蔬菜好新鲜，有蕃茄火箭菜，饭前食个清新嘅沙律更开胃。

鸭肝蒸蛋，鸭肝好香，蛋好滑，卖相精致。

大虾好大只，入味鲜甜，肉质鲜嫩。

南非鲍鱼，原只上的鲍鱼烧得好靓，就算唔加汁都有少少海水的咸味😋配上三文鱼子好特别，味道又非常夹。

日本A5和牛厚烧，呢个系全个餐的重点，和牛果然系好食啲，配有香蒜片、南瓜等。

三文鱼子海胆杯炒饭，有非常多的三文鱼子，炒饭好香，用玻璃杯上炒饭卖相很靓。

疫情困扰，美食解扰。

午膳，我选择在「虎铁铁板烧」享用日式套餐。

楼上舖总比较地面舖，感觉远离尘嚣。

我楝好了C餐。

沙律，很吸睛的艳丽蝴蝶，
引领我进入清新绿田园，
香醋唤醒我的嗅觉与味蕾！

鸭肝蒸蛋，蛋香且滑溜、
配与鲜嫩又带浓香的鸭肝共尝。

烟燻帆立贝，我先尝三成熟的巨型帆立贝，
感受着鲜、嫩、甜、爽口感。

小煲子里载有被烟燻过菊花瓣，
帆立贝放入小煲子里的小铁架，
烟燻小煲子放上铁板上烟燻，
帆立贝三成熟就可以奉客了！

鲜、嫩、甜、爽的帆立贝不祇没有油腻，
还燻了菊花浓香，如果喜欢味道浓郁点，
可蘸岩盐，岩盐还写上餐馆的英文名字呵！

尝过帆立贝，可爱迷你小酒杯的红酒啫喱，
可以帮助清清口腔。

香煎法国鸭肝，香酥的鸭肝件，
入口融化，味道并不逊色于鹅肝，
伴切片烹调好的青森县苹果件，
再佐意大利黑醋汁一起品尝，
将鸭肝的油腻感提升，吃得口腔油香四溢，
最后，嚼香煎的小小柠檬片，
为我打开胃纳迎接下一道佳肴。

A5和牛薄烧，油花均匀丰富，
肉味香浓、嫩滑，
薄烧和牛本意是卷蒜茸葱花吃，
我不喜爱葱花，刻意避开大量葱花，
不过，吃到小量葱花，感觉没有草青气味，
而且口感也很爽脆，我爱伴香蒜茸吃，
倍添味道层次。

烧野菜的翠玉瓜、南瓜清甜，
大啡菇菇味浓郁且有水润感。

鸭肝炒饭，炒饭米粒分明，
干爽不油腻，蛋香、饭香与鸭肝酥香，
香味四溢，十分美味。

最后，昆布味噌汤&香浓咖啡。

很欣赏厨师的细心安排，
每一道菜式都很引领与紧扣客人的情绪，
令我投入色香味的领域，
尽情享受口福与视觉的乐趣！

服务完美，侍应会介绍所有菜品食法同简介，我想转set中既菜品都愿意比我转，美中不足只有食物中有某种菜品调味过重/过轻，例如有个烟燻花带子真的食不出食材本身既味道，全是花味，另外炒饭调味比较单一，只可说炒饭排在和牛之后显得十分普通和味道较平淡。
不过一定会再次光顾！女朋友十分开心！服务真系一流一流！第一次给服务费觉得完全没有白给。