朋友见到我上次食铁板烧之后，介绍咗我另一间都系喺铜锣湾嘅铁板烧，佢话系佢食过最好食嘅铁板烧！既然朋友咁推介就即管嚟试下！餐厅有几款午餐我哋最后拣咗虎铁精选二人餐
沙律：
番茄同蔬菜都好新鲜，沙律汁微酸好清爽！
鸭肝蒸蛋：
原只鸡蛋上碟，烹调时间刚刚好，鸭肝绵密味道浓郁而鸡蛋十分嫩滑入口即化
大虎虾：
缅甸野生海虎虾肉质爽滑弹牙啖啖肉，虾头入面仲有丰富嘅虾膏，特别有鲜味！酱汁由虾膏煮成令鲜味更上一层楼❤️
南非鲍鱼：
南非孔雀鲍鱼劲大只，无需要落仼何调味料已经好美味，弹牙又鲜甜！鲍鱼肝平时真系好少食得到，原来系好甘香！伴碟嘅鸡冠草配上三文鱼籽同蟹肉海苔酱感觉好清新
日本A5和牛厚烧(配香煎野菜)：
厨师将和牛表面烧到刚刚熟，入口非常嫩滑，油脂丰富但唔会腻，成个口腔充满牛油香！原味已经好好食，钟意浓味嘅可以加上岩盐同炸到好似薯片咁脆嘅蒜片一齐食！牛好食连伴菜都好出色，蔬菜好鲜甜
三文鱼子海胆杯炒饭：
炒饭粒粒分明，上层放上大量三文鱼籽同海胆，口感丰富！用酒杯上碟，好睇又好食！三文鱼籽咸鲜味十足，海胆味道甘甜细腻，入口即溶！鲜味喺口腔中大爆发
味噌汤：
有好多海带同豆腐，食饱饮碗热汤感觉好舒服！
芝麻雪糕：
可以拣甜品或者咖啡，雪糕有几款口味，雪糕香又滑，芝麻味浓郁仲食到粒粒芝麻碎
除咗食物同环境连服务质素都好好，全部侍应都好有礼貌，唔怪得朋友咁极力推介！

整栋逸园中心有很多餐厅，
找到这间餐厅午餐有比较相宜的铁板烧，
预约了中午时间，吃完便可逛街。

虎铁特选C餐 | $428
沙律
有新鲜番茄及沙律菜，加上了沙律醋，酸酸的几开胃。

鸭肝蒸蛋
蒸蛋上有一块小鸭肝，蛋滑溜加上鸭肝味好香，蛋仔细细只好精致。

烟燻帆立贝
整道菜式的摆盘别致，左边起是由海盐砌成的餐厅名、红酒啫喱、烟燻用具。帆立贝上枱时闻到阵阵的菊花香味，除了由帆立贝传来的气味外，更多是烟燻器具内余下的菊花味，餐厅特意把它包括在整道菜色中，希望客人一边食，一边也闻到燻香味。
帆立贝大只，带有菊花味，如果觉得䶢味不足够，可以点海盐。

香煎法国鸭肝
菜式一碟比一碟有观赏性，通花碟上有黄色菊花瓣及意大利醋画出的线条。鸭肝下有片青苹果，鸭肝煎得刚熟，油份高入口即溶，连着青苹果及黑醋汁一起吃减轻了油腻感，虽然好邪恶，但间中食下真是一大享受。

日本A5和牛薄烧
熊本和牛中间包着炸蒜及葱，和牛油份高，入口即溶，配起炸蒜及葱好惹味，旁边还有蒜片可以夹着和牛吃，口感会比较脆。配菜还有冬菇、翠玉瓜及日本南瓜。日本南瓜烤过粉粉的，翠玉瓜清甜。

鸭肝炒饭
炒饭饭粒分明，有好多切粒鸭肝在内，以蛋、葱、萝卜炒成，有鸭肝味好香，吃完炒饭都饱了。

味噌汤
汤主要有海带及豆腐，汤味好清，食完一些浓味的主食，喝些较清的汤准备这顿饭的结尾。

甜品
这天的雪糕甜品有五款选其一，绿茶/红豆/豆腐/芝麻/云呢拿，我选了豆腐雪糕，豆腐味道清清的甜。

店员会为你介绍每道菜色，经常留意著客人进食的进度及加茶。

一个人出左铜锣湾sogo买圣诞礼物，顺便食个午餐先去大出血，咁岩今日系冬至，既然冬大过年，记得有朋友去过虎铁，再问朋友意见，见佢都极力推介，又咁近地铁站，咁就上去，环境很舒服，坐位亦都好宽阔。

再望望餐牌，见有几个套餐选择，咁就拣个精选套餐，来个一人冬至餐。

头盘系沙律: 苹果粒配上沙律菜，再加上柚子汁，很清新。

海胆黑松露溏心蛋: 首先卖相靓，原只溏心蛋蛋黄晶莹 ，上面放埋海胆及少少黑松露，口感好滑流，仲有食用金箔，靓呀。

香煎日本蠔:
师傅煎到好香口，蠔本身好大只，又肥美，仲有干葱蒜烟肉粒，侍应提议我要一齐食，口感更加有层次，仲好香口。

车海老配鲜虾汁: 虾够弹牙，而且成只虾剥左壳，好爽呀，侍应姐姐又提示要点埋虾汁同食，鲜甜。

荔枝咸柠whisky soda: 食日本野点少得饮番杯，呢杯就岩晒我口味。

西班牙黑毛猪薄烧 + 香煎野菜 : 黑毛猪并没有猪臊味，而系肉质嫩口肉汁多，连埋蒜片及野菜(翠肉瓜、大啡菇及南瓜)一齐食好惹味。

白饭鱼苗姜粒炒饭: 其实食到呢度已经好饱，但系呢个饭真系好无得顶，首先炒饭炒得好均匀及烟韧，加左姜粒口感更香，面仲有煎香左既白饭鱼，虽然好饱但系成碗KO。

昆布豆腐汤 & 柚子雪糕: 丰富的一餐饭，饮埋呢碗汤及食埋个甜品雪糕，呢餐冬至饭真系好满足。

谂住疫情啦，冇咩人出去食饭，但系好彩有订枱有得食虎铁。食铁板烧，好怕个师傅调味做得唔好，但系呢一度嘅师傅调味掌握得唔错，唔会太咸亦都可以突显嘢食材嘅味道。 今日就叫咗个虎铁特选二人餐，前菜就有呢个嘅沙律配上柚子醋，好refreshing，系食浓味嘅铁板烧之前开一开胃。之后仲有个鸭肝蒸蛋，个蒸蛋好彩唔会太浓味(味精)，唔会冚左个鸭肝味道。 开始到主角啦，有白松贝，用料好新鲜，亦都唔会过熟，配上Wasabi嘅mayonnaise 酱汁，仲有呢个海草同三文鱼子，配搭好好。龙虾好爽口，旁边有海胆龙虾汁，简直系冇得弹。到咗个牛肉薄烧，调味刚刚好，食牛肉嘅时候卷住啲葱同埋蒜蓉配埋炸蒜片一啖过食，简直系享受。记得一定要食佢啲炸蒜，揸得卜卜脆，好似薯片咁。 作为结尾，有白饭鱼苗姜粒炒饭同面豉汤，仲有芝麻雪糕，好饱好满足。 By the way, 呢度嘅职员都好有礼貌，介绍亦都好详细。 疫情下冇得食夜晚，晏昼嚟呢度食都好抵。

沙律蔬菜好新鲜，有蕃茄火箭菜，饭前食个清新嘅沙律更开胃。

鸭肝蒸蛋，鸭肝好香，蛋好滑，卖相精致。

大虾好大只，入味鲜甜，肉质鲜嫩。

南非鲍鱼，原只上的鲍鱼烧得好靓，就算唔加汁都有少少海水的咸味配上三文鱼子好特别，味道又非常夹。

日本A5和牛厚烧，呢个系全个餐的重点，和牛果然系好食啲，配有香蒜片、南瓜等。

三文鱼子海胆杯炒饭，有非常多的三文鱼子，炒饭好香，用玻璃杯上炒饭卖相很靓。