位于尖沙咀嘅「香香宫煮」
全店装潢尽显皇室气派
一入门口，就见到金碧辉煌嘅皇帝宝座
我地未入座就已经疯狂打卡
旁边仲有数件古代皇室服装
有时间仲可以 一下
.
九宫格酱料加餐前小食（$26/位）
特别推介下，酱料加d芝麻，味道更香口
小食有花生，海草，醃蒜头同芥辣鲍鱼
开胃又可止下口痕
.
【泰式冬阴功卜卜蚬汤锅 $198】
只要你系重口味者或者系泰国
个人极力推荐你拣呢款泰式风味卜卜蚬汤
原因有二：
1) 劲量卜卜蚬
大量嘅卜卜蚬蕴藏系汤底中
真系多到食极都仲有
粒粒卜卜蚬都系鲜甜而无沙！
2) 足料浓汤底
多种材料所组成嘅特浓汤底
火锅一路滚，我地就一路闻到阵阵嘅泰式酸香味！
仲有好多草菇，芹菜，蕃茄添
.
【凤尾鲜虾云吞 6粒 $98】
以原只鲜虾组成既云吞
鲜虾嘅爽滑弹牙配上软腍嘅肉香
鲜香味十足，仲食到虾膏添，真系不得了
.
【紫菜腐皮卷 $58】
腐皮包裹住紫菜一齐落油锅炸香
即食口感，酥香松脆又带浓厚嘅紫菜香
另一食法系浸少少浓汤食
吸收左泰式冬阴功既酸辣汤汁
入口更惹味
半软半脆嘅口感都不错呢
.
【厚切脆炸午餐肉 $58】
午餐肉用一枝枝竹签穿插成花盘，额外吸睛
目测有1cm 嘅厚度
最欣赏之处系成块午餐肉都炸得好均匀
外层酥香内里肉香，劲邪恶
.
【爆浆芝士肠 $38】
金妹牌芝士肠嘅劲爆芝士加上皮脆著口感
有几好食，吾洗我多讲
.
【陈年花雕醉鸡 $78】
陈年欢雕醃制而成嘅醉鸡
酒香味入哂鸡肉中
嫩滑而又带阵阵酒香～
.
【薯粉 $22】
口感弹牙滑溜嘅薯粉
加上强劲既吸汤力
每啖都食到香浓冬阴功嘅辛辣同酸香
.
【竹蔗茅根 $68】
自家制嘅竹蔗茅根
味道清甜，清热去暑
狂打边炉都吾惊会上火啦
.
【甜品】
食到肚凸凸
竟然仲有自家制甜品
真系好呀
冰震奶冻之云尼拿味
冰冰凉凉，柔软香滑
加上云尼拿嘅芳香，超正呀

天气已经开始转热，一众朋友都想衬还有些少凉意时尽情去食火锅，其中一位朋友就介绍了这家宫廷风格的火锅店，现在餐厅有订座优惠，我们就订了放工时间好好的放松一下。

餐厅装潢非常有趣，有王位及宫廷服装可以打卡，连餐牌都用圣旨的设计。食材和酱汁配料的选择都有很多，最特别是餐厅有葱油及芝麻提供！一般的火锅店都没有这个选择～
饮品方面点了竹蔗茅根，放置饮品的用具都是宫廷用品，竹蔗茅根味道清甜，不错～

汤底方面我们就选择了花胶鸡汤锅。
个鸡汤非常浓郁！可以放鸡前先饮一碗汤，味道鲜甜且不油腻，饮了两碗后都没有口渴，想必没有加味精！花胶的口感比较软稔，味道一点都不腥！而半份的鸡件份量都非常多！跟着职员提议的煮食时间来煮，鸡件煮得非常嫩滑！配搭餐厅的葱油酱油更加滋味！

配料方面都好出色！

蟹黄饺
六粒售$98，包得大大粒，皮够薄之余，肉馅内有极多蟹膏，咬开会见到肉馅被蟹膏染成橙黄色，好足料！

蜂巢冰豆腐
食火锅必点，能够将汤底的精华都吸尽，这个鸡汤底既健康又浓郁，跟蜂巢豆腐的豆香味好配合～

手打蟹子虾滑
份量绝对不少，而且虾滑没有完全打成蓉，保留了一点虾身的口感。口感弹牙！

香香宫煮响铃拼盘
有原味及黄金响铃各三件，原味配汤底，煮三至四秒就可以将鸡汤的鲜味全吸收！而黄金响铃直接食已经好惹味，能食到松脆的口感又能食到咸蛋黄的咸香！

蔬菜方面，点了淮山及莲藕，好新鲜，口感清脆，味道清甜！薯粉就属于扁的薯粉，好索汤。

最令人期待的就是铁扇公主牛魔王拼盘，足足有七款牛！本人就最喜欢手切安格斯牛肉、牛柳粒及牛舌～

手切安格斯牛的脂肪比例一流，食到牛肉的鲜味又带口感！不用配酱汁已经好出色！而牛柳粒可以清晰看到肥瘦均匀的隔层，一咬下去肉汁满满！牛舌口感烟韧，而且不带骚味，好好味～

整体来说，是值得回头的火锅店～

之前嚟食个香香官煮，今次再翻兜纯粹系因为佢哋服务同埋食物嘅质素都十分之好。一坐低已经有专人帮手消毒碗筷同埋提供搓手液，咁大家就食得安心啦。

今次试咗个新嘢泰式冬阴功卜卜蚬煲（$198），卜卜蚬煲入边超多蚬食到最尾都仍然有好多食唔晒，可能因为叫咗太多其他食物 而且蚬肉入边完全冇沙，而且蚬肉好鲜甜。至于个冬阴功汤底就不错，只系密度有些微不足，啱晒啲唔敢食辣嘅朋友。

今次好想食牛肉，所以就叫咗个玉面公主四国牛肉拼盘（$498），呢个牛肉拼盘入边有唔同和牛嘅部位。上枱阵时出晒烟啱晒打卡但系牛肉嘅质素方面一啲都唔输蚀，和牛雪花分布平均，而且份量十足。但系建议大家唔好渌得咁熟，咁就可以食到最出色嘅和牛啦☝️

至于其他火锅配料我大力推介呢个黄金炸响铃（$78），个响铃系即叫即炸既，仲热辣辣。所谓黄金其实即系咸蛋咁解，咸蛋配响铃好match，虽然好邪恶但系打边炉浸落个汤度一流呀！

另外呢度嘅手打丸都整咗10分出色，今日叫咗两款各四粒，每款都系（$68），第一款叫咗黑松露芝心墨鱼丸。松露香气十足，而且墨鱼好弹牙，入面仲有流心既芝士！另外第二款系手打蟹子鲜虾丸，一粒虾丸入边啲虾手打到起晒胶，睇得出师傅真系人手打出黎既。虾肉当然系弹牙啦～

另外想特别推介呢度嘅美浓水莲（$68），朋友叫呢个青菜我都系第一次食。点知原来系好好食好爽口而且好脆之后有机会我都会去再买返嚟自己整呢个菜。

其实见到餐厅入边仲有好多唔同汤底嘅选择，下次嚟可以再试吓其他唔同嘅汤底。应该都各有各特色

今晚黎到呢间以古代宫廷为题嘅火锅店, 无论装修定食物款式, 都离不开 “宫廷公主”

一入门, 就会见到张金色龙椅, 非常吸睛, 旁边仲摆左好多宫廷服装,贪玩嘅客人都可以穿黎影相介

一坐低, 职员好快就递上九宫格火锅酱汁, 有青葱、蒜蓉、辣椒、芝麻、炸蒜、芫茜、陈醋、蒜油及火锅酱油

MENU 上火锅食材款式够晒多, 就连刺身都有

平阳公主 - 消暑冬瓜瑶柱锅: 黎到真系哗一声, 用左原个冬瓜黎打边炉, 上面仲有素翅、虾、蟹柳、瑶柱、鸡肉 … 用料十足, 非常矜贵｡ 之后职员会即刻帮手切开个冬瓜, 切到每件冬瓜慢慢散开, 建议未开始打边炉时可以饮饮 D冬瓜汤

顶级雪花肥牛 200g: 拣左 200g 嘅份量, 碟肥牛摆盘好靓, 油脂丰富, 油花分布均匀, 肉质鲜嫩, 肉味浓, 大爱

脆鲩腩片: 鲩腩片一份有成 10 块, 肉质够晒结实爽脆, 啖啖都系肉

韭菜猪肉饺: Order 左 4 粒嘅份量, 韭菜馅料饱满, 味道香浓, 正呀

炸芋头: 即叫即炸, 所以黎到仲系热辣辣, 用芋头打边炉的确唔错, 可以吸收晒汤嘅精华

娃娃菜 & 菜心苗: 非常新鲜同大份

自家制竹蔗茅根: 用个大龙壶装住, 味道清甜解渴, 啱晒打边炉时润一润

一入到哩间香香宫煮已经哗出黎装修好堂皇之余, 仲有个area比你影皇宫相tim !!! 如果唔系疫情咁劲我都一定会试上身, 影相呃like haha 。下次大概可以……

一坐锅底都未叫就放低左小食比我地4格小食望真D !! OMG 系鲍鱼呀!!! 直头吓亲tim !! 一秒劲高

我地拣左特色卜卜砚锅底, d砚多到晕食极都仲有, 只只都大大只好厚肉, 仲令个汤变得鲜甜tim!!

始终2个女仔食唔到大多, 哩度好贴心d丸类饺类都可以叫半份/杂锦. 试多几款唔同人都开胃D☺☺

醉鸡 $78 好抵食又滑又入味

哩度d饺好特别, 绝对系有心思, 连个卖相都劲cute

鸭血同样抵食又大件虽然都系最衬麻辣锅

竹蔗茅根系一壸咁上, 仲要连个壸都配合返个型格主题