大角咀呢间接近零负评嘅Easy Joe，Lunch set$100左右，半价加配饮品好抵食，不过我同朋友一场黎到，就拣左main menu入面嘅菜式，pizza、pasta、饮品都相当有水准，可惜而家夜晚无堂食试唔到佢地嘅甜品，呢间绝对可以encore！
墨汁芝士软壳蟹烟三文鱼海鲜薄饼
畀呢个奇特嘅配搭吸引左，饼底偏薄似饼乾，墨汁只系取其颜色，主要都系靠芝士调味，烟三文鱼淋身唔算腥，软壳蟹有唔少蟹膏，食到最后都好脆，最特别系个边位加左薯蓉，成个组合骑骑呢呢但又几好食。
明太籽樱花虾配青瓜丝扁意粉
清新爽口嘅青瓜丝中和左creamy咸鲜嘅明太子酱，食落唔会太腻，明太子唔腥，樱花虾嘅味道虽然唔太明显，但增加左啲脆脆嘅口感，令成碟意粉无咁单调。
☕️二世祖特浓朱古力 (冻)
相信唔少人都系为左佢而黎，作为舖头嘅生招牌，呢杯朱古力对得住我地嘅期望，甜度可以接受带微苦，有啲似英国某W字头茶舖嘅朱古力粉(有无人饮过？）杰身得黎口感颇滑，推荐！一个人饮晒有啲heavy，建议二人分享。
☕️抹茶鲜奶（热）
估唔到朱古力掂之外，抹茶鲜奶都相当有质素，浓郁有回甘，店员话无额外落糖，奶嘅份量都刚好，亦无味道上下唔均匀嘅情况。
☕️鲜奶咖啡（冻）
朋友为提神叫嘅，冻奶同一shot espresso分开上，将espresso倒落奶后有渐层效果，普通white coffee 嘅presentation都咁靓，估佢唔到，味道就正正常常，唔带酸味。
拥有或管理这家酒店？ 免费获取您的详情页以便回复点评、更新资料或者进行其他操作。