今日分享既餐厅系位于大角咀既「二世祖 Easy Joe」😋果日我同老公十二点几Walk In去食Lunch,都几Full,门口都需要排队等候,但餐厅员工服务态度唔错,有礼貌之余,仲不时都会走出黎同等候既客人交代一下大概仍需等候既时间或者有几多张枱埋紧单等👍🏻

餐厅唔大,但环境干净,坐得舒适,而且食物都好食🤗

🌀三级风暴薯条🍟 $108
原本应该系薯角咁阔身呈螺旋形,但系当日卖哂只得粗薯条,但都好食,再加上有三种酱(明太子、黑松露、蜜糖BBQ),可以一次过满足唔同口味既朋友

🌀黑松露原只虎虾忌廉意粉 🦐(Lunch Set $98)
黑松露味够浓,好creamy,岩哂我同老公,因为我地系黑松露狂热fans😂 而只虎虾都烧得好香 👍🏻唔错,但唔算话好特别☺️

🌀是日精选薄饼🍕(Lunch Set$78)
当日精选薄饼系鸡肉Pizza薄批,原本以为无咩特别,但系食落好好食👍🏻原来个酱加左少少wasabi,但唔会辣,味道调得好好,食几块都唔觉济或漏😋😋反而我觉得系成餐入面最有惊喜既🤗

因为我地人叫左两个Lunch Set,所以包左两杯餐饮,餐饮有柚子茶拣👍🏻岩哂唔中意饮奶茶、咖啡、柠茶既我🥤

重点系依间店仲要唔洗加一,埋单$300都唔洗😙
不论食物质素、环境、服务态度甚至价钱,依间餐厅都系值得Encore同推介💁🏻‍♀️💁🏻‍♀️

大角咀呢间接近零负评嘅Easy Joe，Lunch set$100左右，半价加配饮品好抵食，不过我同朋友一场黎到，就拣左main menu入面嘅菜式，pizza、pasta、饮品都相当有水准，可惜而家夜晚无堂食试唔到佢地嘅甜品，呢间绝对可以encore！

🍽墨汁芝士软壳蟹烟三文鱼海鲜薄饼
畀呢个奇特嘅配搭吸引左，饼底偏薄似饼乾，墨汁只系取其颜色，主要都系靠芝士调味，烟三文鱼淋身唔算腥，软壳蟹有唔少蟹膏，食到最后都好脆，最特别系个边位加左薯蓉，成个组合骑骑呢呢但又几好食。

🍽明太籽樱花虾配青瓜丝扁意粉 
清新爽口嘅青瓜丝中和左creamy咸鲜嘅明太子酱，食落唔会太腻，明太子唔腥，樱花虾嘅味道虽然唔太明显，但增加左啲脆脆嘅口感，令成碟意粉无咁单调。

☕️二世祖特浓朱古力 (冻)
相信唔少人都系为左佢而黎，作为舖头嘅生招牌，呢杯朱古力对得住我地嘅期望，甜度可以接受带微苦，有啲似英国某W字头茶舖嘅朱古力粉(有无人饮过？）杰身得黎口感颇滑，推荐！一个人饮晒有啲heavy，建议二人分享。

☕️抹茶鲜奶（热）
估唔到朱古力掂之外，抹茶鲜奶都相当有质素，浓郁有回甘，店员话无额外落糖，奶嘅份量都刚好，亦无味道上下唔均匀嘅情况。

☕️鲜奶咖啡（冻）
朋友为提神叫嘅，冻奶同一shot espresso分开上，将espresso倒落奶后有渐层效果，普通white coffee 嘅presentation都咁靓，估佢唔到，味道就正正常常，唔带酸味。

二世祖 (大角咀)
-
高质大热聚会餐厅💛 无论环境气氛、食物质素都一流！最适合约会或者朋友聚会💛 虽然位置唔算太方便，但都好多人去，所以如果去嘅话记得要book定台啦😉 虽然明知lunch time 会平啲，但由于lunch冇得订枱，而我同朋友们都懒得等位，所以最后都系食dinner🤣
-
🔍 原条鳗鱼蛋包饭 $158
🌟大力推介🌟 劲吸睛鳗鱼蛋包饭🤩 原条鳗鱼大大条，绝不孤寒！滑蛋份量劲足，食落去又香又滑，口感丰富，而且蛋包饭入面饭亦都有鳗鱼汁，系可惜饭嘅份量再多啲就更加好了🤪 但由于好足料，所以净系食鳗鱼同滑蛋都足够！😍 可以话系睇得又食得🤩
-
🔍 芝士辣肉肠pizza 🍕 $118
辣肉肠pizza劲足料！😋 睇相都见到成块Pizza都铺满晒辣肉肠，密密麻麻超级足🤪 有密集恐惧证嘅朋友就要留意啦😳 而且相对其他嘢食亦比较经济👍🏻
-
🔍 扁皮鸭酱鸭肉意大利饭 $178
系好特别嘅意大利饭，因为成日食意大利饭都系忌廉汁或者茄汁类，配搭片皮鸭将可以话系好特别嘅惊喜😛 不过佢意大利饭嘅饭比较硬身，虽然我哋今次已经叫咗佢煮得软身啲，但食落去都系觉得偏硬，所以就睇返个人口味，钟意食咩口感去选择啦～
-
🔍 三级风暴薯条 🍟 $108
系好吸引嘅薯条🤩 首先佢嘅外型已经好得意🥳 仲要一上菜嘅时候已经闻到劲香嘅炸薯味🥰 新鲜即炸，外皮劲脆，仲有三款酱俾你选择，个人就最钟意三文鱼子酱😍 薯条热辣辣再配合啖啖三文鱼子，口感丰富！
-
食物质素：8/10
环境气氛：9/10
回头指数：8/10
-
📍二世祖 (大角咀)
大角咀福全街18号地舖

呢间💛店原来都开左业一年，以前成日由旺角行去大角咀经过都好想试下，而最近因为要惩罚黄店就终于有机会啦🙈
.
星期六下昼1点半撞正用餐高峰时间，未行到店门已经见到条人龙都几长👩🏻‍🤝‍👨🏼👭 虽然排队位置有瓦遮头，但帮衬当日又热又晒☀️兼无带遮，企系门口等左半个钟真系汗流浃背💦
⚠️温馨提示，cafe附近一带比较晒，最好带定把遮出门☂️
.
Cafe只能容纳10组客人左右地方唔算好大，但起码唔会坐到好迫，而且入面有洗手间🚻
值得赞扬👍🏻既系食物上桌速度好快，落单后只系等左十零分钟就到齐😳
***********************************************************
✨原条鳗鱼蛋包饭🍛 ($158)
事前有睇过相已经好期待，食物上桌个刻真系会心心眼😍，大大条鳗鱼🐟底下系好大份滑蛋🥚，两边铺左好多木鱼碎，成碟份量大到令人觉得澎湃😱
第二样想赞下呢到既滑蛋🥚，口感细滑软绵，最重要系好有蛋味‼️其实我唔系一个特别钟意食蛋既人，如果大家有留意开我既食评可能会发现我成日会评论d蛋有冇蛋味，因为个人认为简单既食材应该要有该有既味道，呢度既滑蛋暂时系我咁多篇食评入面最有蛋味既，所以食紧个刻我真系好滚动😭😭 目测起码用左4只蛋，份量多到系名符其实既蛋包饭，非常足料👍🏻
至于鳗鱼🐟就预左一定系急冻店买到既鳗鱼，不过急冻野都有好劣之分，呢度选用既鳗鱼唔腥唔肥腻，食落有口感而唔似食紧胶咁 (p.s. 本人有食过口感似胶既鳗鱼，咬极都咬唔开😂)，连埋滑蛋一齐食简直无得输😋
美中不足既系木鱼碎比较浓味偏咸左d；白饭🍚带有麻油味有少少似食炊饭咁但口感偏硬唔够软熟，如果可以选用日本珍珠米绝对会更上一层楼😆
-
✨经典芝士洋葱牛肉汉堡配炸粗薯条🍔🍟 ($108)
(⚠️注：呢款汉堡系8月份lunch set入面既食物，营业日只供应到5点⏰）
薯条🍟只洒上现磨胡椒粒调味，唔会过咸；由于新鲜炸起非常酥脆，咬落去会发出吱吱声👄 但就干左d
汉堡包🍔配料有芝士🧀、汉堡扒、洋葱🧅、生菜🥬同蕃茄🍅；包体外脆内软都几好食，芝士经灸烧过食落去好香，不过就冇乜芝士味；洋葱系生洋葱唔太接受到所以挑左出黎无食；牛肉汉堡比较令人失望，虽然有5-6成熟但肉质较生未有煎出牛肉既油脂，食落无牛肉味，反而似食吞拿鱼蓉😓
-
✨特浓宇治抹茶白朱古力奶🍵 (跟餐半价$24)
呢度既樽仔抹茶奶受欢迎程度不逊于特浓朱古力，几乎每台都会见到其中一款既出现🙈
特浓奶选用明治4.3鲜奶🥛，口感非常浓稠，配上日本宇治抹茶粉并且不加冰块🧊以樽仔+玻璃小杯套装上桌，味道够晒原汁原味，比起平时饮开既抹茶latte佢既味道真系香浓得多，饮落仲好有日本味道，喜爱抹茶既朋友绝不能错过🙌🏻
-
✨二世祖特浓朱古力🍫 ($48)
特浓朱古力以朱古力酱+ 明治4.3鲜奶🥛冲制，有热有冻可以拣，冻既同样会以樽仔+玻璃小杯套装上桌
味道似细个饮开既维记玻璃樽朱古力奶，不过就系浓稠版；初时觉得唔错，但由于味道真系太浓，饮到尾会觉得太甜同喉涸，要饮返几杯水解渴至得😂
***********************************************************
👧🏻人均消费：$170
😋味道指数：4/5
💰抵食指数：3.5/5
🪑环境指数：3/5
💁🏻‍♀️服务指数：3/5
👍🏻再访指数：3.5/5

必定回头系列💯
影相出嚟样样都咁靓 谂头位相都谂死人🧐
Bookmarked咗一段好长嘅时间 终于都去咗食呢间Easy Joe二世祖😎其实呢间野喺我屋企附近 亦都好近我同行朋友嘅公司 系唔知点解拖下拖下拖到人哋开咗差唔多成年先至嚟食🍴再拖吓拖吓食完个几月先出post🤣
◽泰式香酥软壳蟹阔面
◾片皮鸭刈包
◽特式炸鸡翼(避风塘)
◾二世祖超级窝夫配雪糕
◽二世祖特浓朱古力
成件事有赞无弹 好睇好香好味
最开心系饮到杯特浓朱古力 之前行过见过几次门囗贴住无供应 呢次我地好幸运 唔系因为我系朱古力怪而钟意 连同行朋友都话正架 唔系好甜但朱古力味真系特浓❤️
提返大家 呢度店面不大 Lunch time要排队 dinner记得要提早book位 我见到好多人walk in都因为full booking扑空呢