好耐之前已经被小店抢眼嘅蓝色门面吸引，趁住放假就约埋朋友一齐去食lunch

蕃红花忌廉煮钻石蚬（$128）
钻石蚬够大只又胀卜卜，加入蒜粒、蕃茄仔及洋葱粒一齐煮增添味道及口感而酱汁食落酸酸地，口感有啲creamy，味道劲浓郁，好似饮紧浓汤咁，超钟意个汁

香浓粟米忌廉汤（套餐跟配）
汤如其名般香浓，有阵阵粟米嘅天然甜味，绝对系用新鲜粟米煮成粟米粒无blend到好烂，食落一粒粒有口感，加埋忌廉口感更滑更creamy，配埋好靓嘅花花伴碟，好睇又好饮

焦糖菠萝鸡扒汉堡·薯角（$158）
竹炭汉堡包够厚身，口感外脆内松软，食到粒粒芝麻香鸡扒仲大过汉堡包，外层煎得焦香，肉质嫩滑juicy，配埋烤过嘅焦糖菠萝及他他酱，菠萝嘅酸甜清新中和咗鸡扒嘅腻感，他他酱就令整个汉堡更加惹味而新鲜炸起嘅薯角非常香脆可口，蘸他他酱同食真系好好味

63°C温泉蛋和牛肉酱天使面（$168）
面层布满烤焗过嘅芝士，味道与肉酱意粉无太大分别，天使面都几挂汁，将温泉蛋与天使面捞匀后，每一啖都充满蛋香，整体味道不错

法式焦糖炖蛋（+$38）
卖相几精致，脆口嘅焦糖配埋滑溜嘅炖蛋几好食，最钟意味道唔会好甜，一人份量啱啱好

菊花杞子茶（套餐跟配）
菊花都几多，而且比我平时多数见嘅大朵，所以菊花味好清香突出，最重要系有清热明目功效，呢款是日花茶非常合我心意

☕️意式即磨咖啡（套餐+$10）
咖啡好香，奶味都几重，加咗少少花瓣点缀后卖相更加分不少，饭后叹返杯靓咖啡确系唔错

餐厅不但以花作布置，就连每道菜都加入食用花装饰，真系好靓好啱打卡另食物好味又高质，完全感受到厨师嘅用心制作，绝对值得推介❤️

The Ground Kitchen位于西营盘水街嘅高质西餐厅小店。入面嘅菜式非常精致，用嚟打卡影相简直一流。
Galaxy Fantasy ：呢杯系蝶豆花柠檬蜜（自家渍），呢杯差不多每台都必点，用嚟打卡影相简直系无得输，同埋饮落去酸酸甜甜又够清爽。
北海道带子红菜头意大利饭：用左平时喺沙律先见到嘅红菜头作为意大利饭嘅主题，颜色鲜艳，加埋香煎带子，更令人食指大动。
慢煮熟成三十天纽西兰羊仔架：慢煮熟成嘅羊仔架皮香肉嫩，肉香而不羶，蘸埋佢哋嘅芥末酱就更加好味

早前看到西环这家蓝色大门的店舖被吸引，看到菜式摆盘尤其精美，某日相约友人来这边吃个午餐。

先来的是跟餐的花茶，暖呼呼的冬季喝进去很舒服。接着来的是餐汤，摆盘美绝了，那秋葵切跟摆得太完美，杂菜牛肉汤也做得很好，一点也不马虎。

波士顿龙虾·鲜茄忌廉天使面 $238

我吃过早餐才过去，便让友人跟我分享一个餐。还好分享了，因为份量很足，龙虾下面的天使面有很多呢！龙虾有半边，肉质弹牙又多膏，配上浓郁的鲜茄忌廉真的很不错！

带子他他·墨鱼汁脆片·热情果香茅汁 $98

我们另外点了一个前菜来分享，带子新鲜，配上其他蔬果口感层次丰富，加上三文鱼籽则又好看又味道更深层次，无论是直接吃还是放在墨鱼汁脆片上吃都很不错！

法式焦糖炖蛋 $68

焦糖炖蛋非常滑嫩带橙香，中和了腻度，不错！

环境、食物及服务也不错的小店，有机会再来！

蓝白色门面设计充斥住浓浓嘅地中海异国风情

装潢设计简洁，具有浓郁欧式风情，充满度假色彩，营造出惬意清新嘅氛围

洛神花杞子茶
颜色艳丽，味道清香同酸酸甜甜

带子他他·墨鱼汁脆片·热情果香茅汁
带子他他色彩缤纷，卖相吸引
鲜嫩弹滑嘅带子混合咗清爽嘅芹菜同苹果粒，再加上咸香嘅三文鱼籽同酸酸哋嘅热情果香茅汁，味道清新醒胃
再配搭松脆无比嘅墨鱼汁脆片一齐食，口感味道丰富

贝贝南瓜海鲜意大利饭
意大利饭超挂汁，啖啖都充满南瓜味道，而且加入了洋葱粒增添口
海鲜份量十足，三文鱼籽咸香，大虾肉质爽弹，意大利饭软硬度适中，烟烟韧韧

杂莓意大利奶冻
质感细滑，奶香味十足又唔会太甜，配上酸酸甜甜的杂莓、曲奇碎同蓝莓酱，味道互相平衡，唔会食到溜

每一道菜都心思尽显，摆盘精致吸睛，充满视觉效果，犹如艺术品般，打卡一流

本身以夫妻档系澳洲经营，开业未够一年就被澳洲媒体选为当地Top20 Cafe 之后两夫妇回流翻香港延续呢间充满外国Homey风情嘅小店
是日餐汤
餐厅主打一款罗宋汤，特别之处系冇加茄膏，以突显蔬菜嘅清甜。饮落有酸甜清新嘅蕃茄香牛味好浓郁，仲有洋葱粒、萝卜粒、蒜头同牛肉丝，碟边放上秋葵同鱼籽作装饰
慢煮牛柳·意式烧杂菜($268)
牛柳脂肪少不带筋，所以肉质较松软，唔会有渣食落牛味浓郁，可以点旁边嘅黄芥末。可惜煎得过熟，未够嫩滑多汁，而且海盐同黑椒味唔够伴菜包括有盐烧新薯、秋葵、翠肉瓜、红萝卜同紫萝卜。
杂莓意大利奶涷(+$38)
奶冻口感软滑，奶香浓厚加埋面头酸甜嘅杂莓酱，再舖上大量Oreo 碎增加口感，甜而不腻。冰镇咗嘅新鲜红桑子、士多啤梨、蓝莓等，咬落好似沙冰咁，个种冻好冲击
黑松露薯蓉($88)
薯蓉软绵细滑，中间夹杂少少薯仔粒好有口感一入口就充满浓郁嘅黑松露香，最后带牛油同奶香嘅余韵
洛神花黑杞子茶
洛神花有养颜美容、降血压同血脂功效而黑杞子含大量花青素具抗衰老作用，仲可以补肾明目。饮落酸甜味浓，养生又健康☕️
碟豆花柠檬蜜·自家渍($58)
底部黄色部分系自家醃制嘅柠檬蜜，酸甜开胃又几滋润；上面超梦幻嘅蓝色部分系有气梳打混入蝶豆花，连圆形冰块都加咗蝶豆花，真系赏心悦目