终于去咗食人气爆灯，超受欢迎的牛大人啦☄️确实系配料丰富，汤底款式多样相当吸引 一朝早去已经超多人排队！
极上和牛吃到饱套餐（$208）
✨最受欢迎的套餐，有超过10款肉类可任点任食，手切封门柳、安格斯一口牛肉粒、安格斯特选牛板键等 食肉兽的天堂
除咗肉类可任食，仲有超过50款火锅配料，例如台湾直送鸭血、手打花枝浆、蛋饺等❤️
汤底
✨牛大人红烧牛骨锅
✨阿嬷养生浓汤锅
台湾地道小吃
✨有盐酥鸡、真猪小香肠、梅甘酥脆薯、丰原排骨酥，牛肉卤肉饭等
✨最值得一赞是牛肉卤肉饭 第一次吃这个做法，以卤牛肉代替了卤猪肉，牛味香浓，香气四溢❤️钟意加几多肉都得
自家制茶饮
有桂花乌龙茶、洛神花茶等
另外单点了冬瓜茶威士忌（+$38），消腻解渴
6 - 10 条点评，共 55 条
最近既人气火锅店牛大人系铜锣湾开左分店
非常受欢迎所以要提早劲多book枱
因为book左8位所以hold 左间房俾我地
地方非常阔落
冷气亦都劲够
所以食麻辣㶽都唔惊热
打边炉一定系疯狂叫牛肉
佢地既牛肉非常新鲜又高质
食返够本
仲有麻辣鸭血都好受欢迎
叫左劲多都全部清晒
除此以多
呢度啲丸都高质㗎
推介竹炭海鲜丸同芝心丸
海鲜方面
鱼有好多选择
虾就唔算大只不过胜在够新鲜
蚬有少少沙有待改善
不过除左呢样名方面都做得好好
值得一提既系
麻辣锅小辣都几麻下
如果唔食得麻既
记得唔好叫咁辣呀～
最近主打任食台式火锅的牛大人人气急升，短短一年内已经开了数间分店，但排队人数之多依然令人闻之色变，所以特意于下午五时晚市开始营业前到达取筹，但大约四时多已经大排长龙。整体而言食物质素的确非一般任食火锅所能媲美，款式选择亦可见心思，个人觉得绝对物超所值，其后已经一而再再而三地多次到访。
由于等候人数众多所以正式开始安排客人入座时门口已经水泄不通，狭窄的空间内堆满等待取筹或等候入座的所有人，店员只能不断呼吁大家尽量往后站，但空间有限其实大家都几乎动弹不能，安排稍为混乱。不过，餐厅内的环境却截然相反，相当宽敞明亮。
除了扫描QR code以手机点餐外，外面亦有自助酱料、配料及饮品。
汤底方面有牛大人红烧牛骨锅、帝王食补姜母鸭锅、眷村白玉酸菜锅、台中蒜头鸡锅、阿嫲养生浓汤锅等九款选择，而我则另加$50选了牛夫人秘方麻辣及台湾凤梨鸡鸳鸯锅。前者可以自由选择辣度，中辣辣劲十足但随后不断加汤后自然变得温和；而后者当中有一只原只鸡腿，肉质出乎意外地嫩滑，但汤底的鸡味彻底欠奉。
澳洲极上和牛套餐每位$298，而因当日为假期所以再要另收$10，
澳洲和牛M5 牛肩卷、上腹牛五花、安格斯牛小排、美国SRF极黑牛肩胛肉眼、安格斯特选牛板腱、手切封门柳、安格斯一口牛肉粒等肉类质素出色，色泽红润而且肉味香浓，更没有出现其他火锅店不时出现未彻底融雪的问题。
台湾鲈鱼片及其他海鲜虽称不上鲜美但已经绰绰有余。
赠送的澳洲M5和牛牛丸弹牙多汁而且肉味浓厚，甚有惊喜。
卤肉饭可以在自助区自取，可以毫不吝啬地任添卤肉汁，而卤肉更少有地以牛肉取代猪肉，浓郁惹味但肉粒比较细碎近似肉酱。
作为招牌配料的私房鸭血口感略带烟韧，名不虚传，秘制卤牛筋及卤牛肚都是另一出色之作；另外亦有其他即食台湾小食如士林盐酥鸡、梅甘酥脆薯、鱼酥皮蛋豆腐等。
饮品方面最特别是有洛神花茶、菊花普洱、桂花乌龙等数款自家制冷泡茶供应，诚意十足。
< 牛大人台湾火锅吃到饱 > 尖沙咀
牛大人越开越多分店 前几日十一点就去到拎飞 成功食到第一轮而家download Storellet 呢个app做会员仲有九折 又可以储分
90分钟午市 极上和牛吃到饱 $198
叫咗最贵set 可以试晒咁多样野 用手机扫code落单几方便 店员首先过黎问要咩汤底 我地就拣咗尖沙咀店限定嘅香浓牛乳芝士锅啲肉同个锅大约十分钟就到 好快手另外仲可以出去自己夹其他丸同配料 有我至爱嘅响铃
肉类：澳洲m5和牛牛肩卷最好味虽然唔系入口即溶 但系好嫩同重牛味 必食！另外牛五花都唔错 不过偏薄咗少少 另外猪梅肉片都值得一试 完全唔鞋 有惊喜 最后仲食咗醉鸡件 可能浸喺个汤太耐冇乜酒味 不过啲肉都好嫩
小食：台式小食有盐酥鸡、甜不辣、台式香肠、卤肉饭、卤牛筋、大肠、牛肚等等 盐酥鸡几大块而且几香脆 台式香肠都正正常常 同出面食嘅差唔多 甜不辣最好食 热辣辣仲好弹牙 可能我比较钟意食鱼糕类嘅嘢 卤牛筋一黎到有啲冻 我地就摆落去渌 点知又几淋 好重骨胶原
饮品：试咗最出名嘅四支冷泡茶 分别系桂花乌龙、白桃乌龙、菊花普洱同洛神花茶 个人最钟意饮白桃乌龙 唔会太甜 但又饮到桃味同乌龙嘅清香 第二钟意系桂花乌龙都系好香桂花味 另外洛神花茶有啲酸 饮完即刻好解腻
甜品：午市有玄米茶雪糕好食到我食咗两杯 好重玄米茶味 而且唔太甜 食完好满足
见放工放得早，于是上去walk in，点知有位，牛大人一直都想食，但上网book位实在太难，起码要一个月前book位先book到自己想要既时间 今次试左麻辣汤底，同鸭血真系好夹，个汤底叫左小辣，岩哂我唔食得好辣既人 佢用QR code 落单，好方便，野食都上得好快，落完单，大约5分钟左右就送到，真系好快，野食种类选择都算多，食材新鲜，极黑牛既牛味重，唔同出面既冰鲜牛肉，鸭血一流，够厚，跟埋麻辣汤好入味，所以大家黎试可以试下贵少少既美国极黑牛，牛味真系重好多，而价钱唔差太远，呢个回本能力比较高 食到最后，仲有雪糕送，食埋个雪糕，今餐真系好满足
