放工后与朋友去食人气火锅放题「牛大人」晚市放题120分钟，最平与最贵嘅放题价钱只系相差$90，但食物就多几倍，而且仲每位赠送澳洲M9和牛牛丸，识食梗系拣最贵嘅极上和牛吃到饱套餐（$298）

饮品、酱料及火锅配料如丸类或蔬菜类可系自助区自取，其他配料如肉类、海鲜、台式火锅配料或小食等则用手机透过QR code落单！

汤底拣咗四目养生素食锅，材料有红枣、杞子、菊花及黄耆等，啱晒我哋呢啲注重养生嘅老人家☺️

套餐有7款牛肉可拣，其中3款我哋点得比较多，分别系澳洲和牛M5牛肩卷、安格斯特选牛板腱及美国SRF极黑牛肩胛肉眼呢3款都系牛味浓之余又唔韧，仲有啲嚼劲，确系好食安格斯牛小排都唔错，但脂肪相对较多手切封门柳口感较韧，试过一次后就冇再点而浆类就有几款，感觉与墨鱼滑或虾滑类同，当中章鱼珍珠浆混入章鱼粒，食落Q弹有咬口另赠送嘅和牛牛丸食落爽口弹牙又juicy，仲有好浓嘅牛肉甜味，可惜每人只得2粒，真系想再encore

其他火锅配料选择都几多，食材品质唔错西班牙猪梅肉够弹牙；沙白鲜甜无沙；花雕鸡件醃得够入味；鲮鱼球鱼味十足；蔬菜及菇类又洗得干净，仲有我每次去台湾都必食嘅水莲供应

饮品选择有十几款，除咗罐装饮品外，仲有自家制冷泡茶及养生桂圆红枣茶等相反甜品就只得Movenpick雪糕及台中仙草冻可拣，选择较少！

整体而言，餐厅环境舒适，食物几高质又干净企理，上菜及收碟速度都算快手，重点系价钱亲民，难怪成为高人气火锅放题餐厅！

牛大人已经荣登我最喜爱火锅第一位 其实已经食过好多次，次次去到都人山人海全场满座 旺角仲开左2间分店，好厉害人气度极高！台式火锅无论汤底、配料、周边小食都一样特别，食开港式火锅既我俾佢深深吸引住
·
汤底有9种选择，当中Annie最爱嘅系眷村白玉酸菜锅 汤底既酸度做得好出色，好够味而且酸菜白玉好足料，就咁饮过汤 已经讲得好满足 而火锅有3个套餐选择，我拣左最高级既“澳洲极上和牛”套餐 澳洲和牛M5牛肩卷系必点，牛花纹理好靓 而且牛肉同脂肪比例分布平均，食落好爽口一啲渣都无，肉味香浓，真的十分不错 仲有仲有食哩个餐会送每人2粒M9和牛牛丸 牛肉味超级香浓，一咬开啲牛肉汁咇哂出嚟 超级好味！
·
而火锅配料亦都十分出色，好多选择仲好特别。有香港人大爱嘅鸭血任食，仲有多款台湾直送浆类选择，必点蟹子墨汁浆⚫、澎湖花枝浆、同埋最新推出既章鱼珍珠浆 仲有好多唔同既台式配料，较特别嘅有港式火锅无既瓜仔鸡水饺，真系有青瓜喺水饺入面㗎 另外蝨目鱼丸、雪枝扬、乳酪蛋肠都好特别，记得要食啦 仲有特别一定要推介嘅系自助区既牛柏叶，超级爽口，一定要食超级推介！
·
台式小食仲有士林盐酥鸡 真猪小香肠同埋Annie最钟意食既鱼香皮蛋豆腐 饮品有自家制台湾冷泡茶，个人特别钟爱桂花乌龙及菊花普洱 另外仲有几款手摇饮品任饮，包括 冬瓜茶、柑桔椰果、乌梅汁等等，出面饮都要成廿几蚊杯 ，牛大人有得任饮真系超抵！Annie就加钱试左威士忌冬瓜茶 冬瓜茶加入酒精系一个非常特别既配搭，威士忌浓度唔算好高，但mix埋一齐感觉甜度冇咁高，几特别 食饱饱记得食埋个台式仙草甜品先好走呀
·
牛大人台湾火锅吃到饱
旺角弥敦道610号荷李活商业中心地库

终于去咗食人气爆灯，超受欢迎的牛大人啦☄️确实系配料丰富，汤底款式多样相当吸引 一朝早去已经超多人排队！

极上和牛吃到饱套餐（$208）
✨最受欢迎的套餐，有超过10款肉类可任点任食，手切封门柳、安格斯一口牛肉粒、安格斯特选牛板键等 食肉兽的天堂
除咗肉类可任食，仲有超过50款火锅配料，例如台湾直送鸭血、手打花枝浆、蛋饺等❤️

汤底
✨牛大人红烧牛骨锅
✨阿嬷养生浓汤锅

台湾地道小吃
✨有盐酥鸡、真猪小香肠、梅甘酥脆薯、丰原排骨酥，牛肉卤肉饭等
✨最值得一赞是牛肉卤肉饭 第一次吃这个做法，以卤牛肉代替了卤猪肉，牛味香浓，香气四溢❤️钟意加几多肉都得

自家制茶饮
有桂花乌龙茶、洛神花茶等
另外单点了冬瓜茶威士忌（+$38），消腻解渴

最近既人气火锅店牛大人系铜锣湾开左分店
非常受欢迎所以要提早劲多book枱
因为book左8位所以hold 左间房俾我地
地方非常阔落
冷气亦都劲够
所以食麻辣㶽都唔惊热

打边炉一定系疯狂叫牛肉
佢地既牛肉非常新鲜又高质
食返够本
仲有麻辣鸭血都好受欢迎
叫左劲多都全部清晒

除此以多
呢度啲丸都高质㗎
推介竹炭海鲜丸同芝心丸

海鲜方面
鱼有好多选择
虾就唔算大只不过胜在够新鲜
蚬有少少沙有待改善
不过除左呢样名方面都做得好好

值得一提既系
麻辣锅小辣都几麻下
如果唔食得麻既
记得唔好叫咁辣呀～

最近主打任食台式火锅的牛大人人气急升，短短一年内已经开了数间分店，但排队人数之多依然令人闻之色变，所以特意于下午五时晚市开始营业前到达取筹，但大约四时多已经大排长龙。整体而言食物质素的确非一般任食火锅所能媲美，款式选择亦可见心思，个人觉得绝对物超所值，其后已经一而再再而三地多次到访。

由于等候人数众多所以正式开始安排客人入座时门口已经水泄不通，狭窄的空间内堆满等待取筹或等候入座的所有人，店员只能不断呼吁大家尽量往后站，但空间有限其实大家都几乎动弹不能，安排稍为混乱。不过，餐厅内的环境却截然相反，相当宽敞明亮。

除了扫描QR code以手机点餐外，外面亦有自助酱料、配料及饮品。

汤底方面有牛大人红烧牛骨锅、帝王食补姜母鸭锅、眷村白玉酸菜锅、台中蒜头鸡锅、阿嫲养生浓汤锅等九款选择，而我则另加$50选了牛夫人秘方麻辣及台湾凤梨鸡鸳鸯锅。前者可以自由选择辣度，中辣辣劲十足但随后不断加汤后自然变得温和；而后者当中有一只原只鸡腿，肉质出乎意外地嫩滑，但汤底的鸡味彻底欠奉。

澳洲极上和牛套餐每位$298，而因当日为假期所以再要另收$10，

澳洲和牛M5 牛肩卷、上腹牛五花、安格斯牛小排、美国SRF极黑牛肩胛肉眼、安格斯特选牛板腱、手切封门柳、安格斯一口牛肉粒等肉类质素出色，色泽红润而且肉味香浓，更没有出现其他火锅店不时出现未彻底融雪的问题。

台湾鲈鱼片及其他海鲜虽称不上鲜美但已经绰绰有余。

赠送的澳洲M5和牛牛丸弹牙多汁而且肉味浓厚，甚有惊喜。

卤肉饭可以在自助区自取，可以毫不吝啬地任添卤肉汁，而卤肉更少有地以牛肉取代猪肉，浓郁惹味但肉粒比较细碎近似肉酱。

作为招牌配料的私房鸭血口感略带烟韧，名不虚传，秘制卤牛筋及卤牛肚都是另一出色之作；另外亦有其他即食台湾小食如士林盐酥鸡、梅甘酥脆薯、鱼酥皮蛋豆腐等。

饮品方面最特别是有洛神花茶、菊花普洱、桂花乌龙等数款自家制冷泡茶供应，诚意十足。