传输带上嘅寿司基本上冇人掂过，亦都有可能系因为疫情关系，感觉唔太卫生，都系即叫即整嘅好。

💯寿司方面，有几款绝对大推荐，绝对大满足！

三文鱼腩配三文鱼子 （$17）
如果你钟意三文鱼子嘅话，咁就绝对要食依个啦！唔好以为系三文鱼腩上面就祇有几粒作为点缀，三文鱼子又大粒又晶莹剔透，轻轻咬落去，口内瞬间充满独特香味。加上三文鱼腩嘅油脂感，保证停唔到口。

忌廉芝士三文鱼 （$17）
三文鱼上真系放咗一粒正方体嘅芝士粒，味道出乎意料地夹。芝士嘅香味冇盖过三文鱼嘅香味，反而更加突出咗那脂香气。

特选中呑拿鱼腩 （$17）、酱烤特选大吞拿鱼腩($27)
口刁嘅朋友大推厚度和香味！

厚切三文鱼腩 （$17）
每次到寿司店必食嘅经典款，鱼腩厚度刚刚好，鲜味十足。

花之恋 （$17）
一如既往地满足~

💛抵食之选
虾3味 （$17）、原条海鳗 （$27）好长吖

🙈水准普通系列
鱿鱼 （$12）、飞鱼子军舰 （$12）、芥茉章鱼军舰 （$12）、甜虾 （$12）、海胆海苔包、牡丹虾、沙甸鱼天妇罗（$12）炙烧油甘鱼、油甘鱼天身

❌不可一不可再系列
松叶蟹军舰 （$17）、日本产帆立贝 （$17）

🍗小食方面
茶碗蛋 （$19）
材料丰富，有冬菇、鸣门卷，暖乎乎，大推！

和风盐味炸鸡翼 （10月限定）
希望会再出返，真系好惹味，少少盐，热辣辣。

🍮甜品方面
🍵抹茶蕨饼芭菲 （$32）
人气甜品冇得卖，叫咗抹茶蕨饼芭菲，卖相唔够吸引，味道普通，不值！

奶茶味卡达拉娜
九月/ 十月推介，最失望，雪藏得太硬，味道唔够香浓。

总括嚟讲，如果系三文鱼爱好者/钟意多选择嘅你，梗系绝对要嚟一次。如果唔系，咁就可能更适合你啦。

< Sushiro 寿司郎 🍣 > 📍荔枝角、黄大仙、佐敦、黄埔

寿司郎已经黎咗香港一年👏🏻今个月有创业祭🤣 10:50 去到已经要等80张枱 于是等咗三个钟先入得😣今次试咗好多创业祭嘅期间限定寿司😛😛

🍣极上厚切长鳍大吞拿鱼腩 $12
黎嘅目的就系食拖罗🤤🤤🤤好肥美又大块 不过有少少筋 冇donki𠮶啲咁入口即溶 但系都好重鱼油味 大满足🥰🥰

🐟炙烧赤鯥 $17
呢个烧得好香😋鱼肉几滑 比想像中好食 可以一试🤣

🧄🥓日本产极上蒜味生火腿 $12
味道正常 好重蒜味 生火腿有肉味 整体普通

🐟芥末鲽鱼鳍边军舰 $12
开头以为浸芥末味会好辣 但系又ok 唔会盖咗鱼味 鲽鱼滑到唔洗咬 美中不足系啲紫菜淋咗😢

🦐天然生虾双味 (生、酱油渍）$17
酱油渍食到有少少酱油味 唔算太浓 不过又食唔到虾嘅甜味😢相反生虾好食好多 加咗啲柠檬汁令到虾嘅鲜甜味更加突出 唔错👍🏻👍🏻

🍤青森县产炸帆立贝伴他他酱 $27
寿司郎嘅炸物冇令我失望🤣🤣呢个真心好好食😭 帆立贝大大粒 入面好嫩 炸得啱啱好 配埋他他酱食一流😋👍🏻

7月限定【赏味北海道】，极大北海道产帆立贝，超大超鲜甜，极级美味。鳕鱼籽海苔，咸鲜甘味，而且较特别。稻烤三文鱼，有埋鱼籽提鲜，三文鱼多份香味。

期间限定，售完即止的海胆寿司，虽然份量细左少少，但味道真系好甜好正，入口化开，一件真系唔够喉。蟹膏寿司好味又抵食，味道浓郁且唔腥。三文鱼腩果然好肥美。

油甘鱼寿司，好肥好鲜味，鱼脂丰富，味道久久不散。中拖都够肥，但就得油香，鱼味反而唔算好重。

今日咁岩有朋友预约左 @sushiro.hk 而又去吾到，所以俾左个机会我，好开心❣️
▫️
之前去过佐敦分店，门口位置好细，大家要好亲密咁企系度等位🙈
而我今次系去黄埔分店，佢位于商埸内，地方大好多之余大家仲可以凉住冷气等位，感觉舒服好多👍🏻
▫️
呢度既寿司真系平❗靓❗正❗
嗌左好多寿司，超满足🍣

非常扺食的日式回转寿司店，落单上菜全自动化，很有效率。三文鱼肥美，时令甜虾鲜甜，赤贝新鲜爽脆，左口鱼肥润，带子虽细只但美味，很值得推荐。但取筹后至入座，等候时间要几小时，要安排活动。