你点能够估到鲗鱼涌同太古交界竟然有
一个隐世既地下街商店？成个设计都充满
和风气息，仿佛走左转咁大阪咁，好特别。
而当中不得不提高质居酒屋「秋岚日本料理」，
以平民价钱食尽高档食材，目前系我食过
性价比最高既日本水产。怪唔得我一路食
一路忍唔住唱起我大神周国贤首地下街…
长居于此，何用再找地图？👇
-
📌晚 市 御 膳 一 人 前 -
▪ 松 叶 カ ニ 盛 り 丼 - $188
▫ 蟹王蟹后必定要试佢地一人前套餐
「松叶蟹·盛丼御膳」，一次过食匀松叶
蟹脚、蟹肉、蟹膏同埋蟹籽；好欣赏师傅
精致既摆盘，净系卖相都流哂口水。而佢地
食材普遍以空运来货，所以食落每一啖
都相当鲜甜，再将鹌鹑蛋捞埋醋饭一齐食，
入口更加香滑无比。
-
▪ 贝 盛 り 合 わ せ 丼 御 膳 - $188
▫ 正所谓无鲜不食，水产最紧要就系新鲜，
呢个「贝四品·盛丼御膳」有齐最顶级食材，
务求猎取一众少女心。分别有赤贝、帆立贝、
海胆同埋广岛蠔；要大赞一定系大大只
广岛蠔，入口够哂滑溜，带淡淡海水味，
质感丰富；赤贝够爽口弹牙；而海胆
鲜甜浓郁，绝无腥味；另外御膳会附上
茶碗蒸同埋味噌汤，咁既价钱仲系边到揾？
-
📌お ま か せ -
▪ ホ ウ ボ ウ 刺 し 身 - $328/本
▫ 当然刺身控想要再震撼d既话，可以试埋
佢地是日推介既刺身，餐厅会每日挑选
时令季节性食材做主打。而今次有幸试到
「鲂 鮄 鱼 刺 身」，师傅将原条切成
薄片，肉质食落非常爽口弹牙；而且伴随
葱花、酸汁啫喱、萝卜蓉比你一齐食；
当然钟意新鲜原汁原味我建议就咁加
少少青柠汁，就食到最原始既鱼香啦！
-
📌炉 端 焼 き -
▪ 松叶カニ肉·カニみそと·竹炭
パツケ一ヅ - $88/3本
▫ 有无可能比我沉醉系呢个「松叶蟹肉
蟹膏·竹炭多士」呀，佢地以岩岩焗起既
竹炭多士再加上火炙芝士，再系面头
加上松叶蟹肉、蟹膏，邪恶之中带出
咸香味；加埋多士松脆既口感，
呢个小食无得输！
-
▪ フランス国产ウズラのモモ盐焼き - $58/3本
▫ 第二款烧物必须要试既「盐烧法国·
鹌鹑髀」，鹌鹑脾烧到外脆内软，里面
肉质完全唔干身，每一啖都食到充足肉汁，
唔错；可以加上少少柠檬汁做吊味，
份外惹味。
-
▪ 自 家 制 鱼 一 夜 干 し - $148
▫ 呢碟「自家制·一夜干烧鱼」我朋友
食得几啖就比我扫哂，实在太好味，鱼肉
每一啖都充满油香，而且鱼皮金黄香脆，
就算影耐左相都无腍到，实在难得；
而且又唔会太多骨，加埋青柠汁，
鱼鲜味达到最高境界！
-
📌串 焼 き -
▪ 鹿児岛さつま赤鶏·なんこつ - $38/2串
▫ 烧物既最终章「鹿儿岛萨摩·赤鸡软骨」，
绝对系鸡软骨之鬼！表面烧到少少焦香，
而外皮咬落够哂香脆，而且肉质嫩滑无比，
火候控制到位，绝对显得师傅功架十足！
-
📎 秋 岚 日 本 料 理
📍鲗鱼涌英皇道1010-1056号东汇坊地库72号舖
拥有或管理这家酒店？ 免费获取您的详情页以便回复点评、更新资料或者进行其他操作。