/足球⚽️主题西餐厅/
钟意足球既你❤️唔好错过依间餐厅挂满左满满既球衣，地下都系人造草地，啲碟呀摆设，所有野都系足球有关
.
法国野菌鲍鱼鸡肉香草酱意大利烩饭 $168
万万没想到既系，鲍鱼真系成只上黎原先以为系伪鲍片/鲍鱼粒，诚意真系好够鲍鱼仲要唔韧❗️不过唔系新鲜鲍鱼黎但烩饭都好多汁，不错不错
.
香烧美国Creekstone 牛肉眼拼法国鹅肝 $238
鹅肝整得好食唔系得几多间，依间整得有啲苏味牛扒不错叫左五成熟，旧牛无咩根位都多肉汁
.
咸蛋鸡翼 5件 $78
咸蛋咪唔够重，多啲会更完美
.
Souffle pancake $52.8
见叫set叫佢有折真系即叫即整入面仲有啲流心既感觉热辣辣既梳乎厘配上冷冰冰既牛奶酱

Lockeroom Dining (誉发广场) (油麻地)
油麻地弥敦道558-560号誉发广场8楼
好消息❤️阿仙奴球迷必定好喜悦，原来Lockeroom Dining 继朗晴坊总店外于油麻地誉发广场八楼开左新店
餐厅贯彻以阿仙奴足球⚽️作主题，签名嘅波衫挂到满满。面积比总店更大，装修华丽，空间阔落，草绿色地毯配红色椅子，尤如置身于球场上。
菜式以西餐为主食，晚市有套餐：包含沙律、是日餐汤、蒜香牛油法包、主菜（多达十多款选择，如意大利粉、烩饭、牛扒等，种类繁多）。同埋饮品☕️，仲可用六折享用自家甜品。
沙律： 用上密封玻璃樽呈上，干净卫生，黑醋另附上，随个人口味自行添加，沙律菜非常新鲜爽脆，仲有三色椒同蕃茄仔，最特别有几粒爆珠，口腔中爆开❤️甜甜地，整体食落清新开胃。
餐汤+ 蒜蓉包： 是日蕃茄汤，打得好细致顺滑，入口幼滑而且有蕃茄籽增加颗粒感，好浓稠，不酸，味道恰到好处。配搭香脆蒜蓉牛油法包，不得了， 烘得香脆可口，浓烈蒜蓉牛油味，一啖接一啖。
白松露忌廉烩鲍鱼美国鸡髀扒：
鸡皮略煎至脆身，鸡肉肉质感弹牙，鸡髀肉好厚切嫩滑，配上香煎爆汁蕃茄、黑椒碎薯蓉、诚意之作贵价羽衣甘蓝，加上大量白松露忌廉汁搭配野菌，份量十足，味道香浓。想不到用上鲍鱼入馔，好有咬口，带点咸香❤️。
法国野菌鲍鱼鸡肉香草酱意大利烩饭：
烩饭粒粒分明好有咬口，每啖都充满香草酱香气，毫不吝啬的鸡肉好嫩滑，伴着菇菌，带点松露味，好味
即整梳乎厘：
打卡一流，空气感是重点，大大份食多不觉腻，即叫即整，充满柠檬汁同蛋香。配上草莓同蓝莓呈「动L」壮态。
香浓朱古力果然无令人失望，十分浓郁朱古力味，一杯香滑奶茶☕️作结，满足
总结：
性价比高 环境舒适
店员服务态度好 会再光顾
#油麻地#誉发广场#lockeroomdining#白松露忌廉烩鲍鱼美国鸡髀扒#法国野菌鲍鱼鸡肉香草酱意大利烩饭#香浓朱古力

餐厅以足球作主题布置实属少见，纵然波衫挂得满满，我个人不是球迷也不感多大兴趣，这里的美食才是真正亮点。餐厅位置邻近朗豪坊，睇完戏过来食颇方便，地方不大一眼望晒，套餐美食选择多而且烹煮出色，高质美味食完相当满意，价钱经济回头指数甚高，超赞。

咸蛋黄小食拼盆 $118
拼盆有鸡翼、薯角、洋葱圈、薯丝虾和德国肠。捞左咸蛋黄真系无得输，件件咸香惹味沙沙口感，而且炸得香脆肉嫩，系必食之选。

巴马风干火腿黑松露忌廉杂菌意大利天使面 $148 (套餐)
卖相靓仔。火腿柔软幼滑，味道甘甜咸度适中。面条挂汁好香黑松露味，有不少菇菌多了Ｑ弹口感，整体非常好食。

蕃茄薯蓉汤 (跟餐)
味道酸甜饮落开胃，薯蓉细致溶入汤，带出绵绵口感。

蒜香牛油法包 (跟餐)
法包口感软熟，均均涂满蒜蓉牛油，蒜香味十足，唔错。

是日精选沙律 (跟餐)
沙律菜一堆，加了芒果爆珠，淋上酸甜黑醋汁胃口大开。

新鲜水果红茶 (跟餐)
杯中不少果肉，饮落微甜口感清爽，不涩很顺口，系必饮之选。

即制梳乎厘班戟 +$47
原价 $78 跟餐甜品享六折。梳乎厘班戟甜度适中，口感松软充满空气感，食落零饱肚，捞埋云呢拿雪糕一起食好正，此乃划上完美句号的不二之选。

餐厅装修别致，以阿仙奴球会作餐厅主题，红黑格调，很多阿仙奴的物品，例如球衣，照片，画作，旗帜，球星闪咭等⋯
像一间袖珍阿仙奴博物馆，唔使飞英国都睇到，适合打卡影相留念️

经典焗威宁顿牛柳（ $328）
特浓朱古力蛋糕（$58 - 加$12有dreyer’s雪糕）
法式焦糖炖蛋（$58）

Lockeroom Dinning

上网见到间环境好好又可以倾计既西餐厅，于是黎左呢度食
果然真系有惊喜，环境舒适，餐厅装修得唔错，地方整洁干净，职员服务态度良好

跟餐蒜蓉包 x 番茄汤

蒜蓉包整得好出色，好香，热辣辣，好软熟，蒜蓉搽得好好，食落口每一啖都有蒜容既香味同味道
番茄薯仔汤，听落好似好普通，屋企都整到，但餐厅煲得好好，薯仔变成蓉，蕃茄无渣，汤有少少酸味，令口感更加丰富

香烧美国牛肉眼拼法国鹅肝 （$228）

肉眼扒真系煎得岩岩好5成熟，唔会overcook，煎得外皮香脆，有少少浓边，切开后唔会有好多血水出，入面系红色，肉味香浓
鹅肝香脆，入口后鹅肝既油香响口腔徘徊，好好食

烧烤酱西班牙黑毛猪梅肉拼北海道元贝($208)

黑毛猪好厚身，无筋，脂肪比例少，肉质鲜嫩，多汁，有咬口，加上烧烤汁，令猪肉香甜，酱汁同猪肉味道好夹，呢个黑毛猪真系好高质，必点

朱古力三重奏心太软（$68）

心太软即叫即整，最上层有一块朱古力，心太软既热力将佢溶化，令到有层朱古力包住心太软，食落口每一啖都有朱古力，做得好好