呢一间来自美国嘅雪糕店 @gelatohongkong 都开咗一段时间，终于揾咗时间一试。以口味来讲真系唔算少，企喺雪糕柜前面真系有啲花多眼乱嘅感觉。除咗雪糕佢仲有蛋糕、咖啡☕️、牛角包、意粉等咸点。
.
Gelato($63/2 scoops ;$75/3 scoops)
雪糕叫咗2杯，分别系2球同3球，其实加$12就多1球，三球真系抵食好多。雪糕试咗火龙果、开心果、朱古力、芒果同Tiramisu。
5款中最钟意朱古力，浓郁得嚟唔会好甜❤️。开心果味都好浓郁，真系好似食紧一粒粒开心果过落肚咁，非常到题。Tiramisu唔算差，但咖啡味唔够香☕️。芒果同火龙果都喺 sorbet ，颜色好sharp好靓，但味道真喺有啲失望，前者只有甜味，而后者味道非常淡，呢款唔建议大家去拣。呢间gelato口感好似啲比平日食开嘅更加软身，但咁多款当中竟然冇一款带有酸味，唔通美国人真喺咁钟意食甜野?
.
柠檬挞($50)
以size嚟讲都几大个，但好老实讲对个柠檬挞真系有啲失望。虽然食到柠檬香，但就完全冇柠檬嘅酸味。顶层用白朱古力加脆米做咗个脆皮，口感唔错，挞皮够脆内层仲加咗朱古力，但个馅冇酸味真喺最大败笔，冇咗柠檬挞平日酸酸甜甜嘅精髓，食一半已经好腻，失望啊。
.

Gelato-go (尖沙咀)
尖沙咀弥敦道176The Nate号地舖

雪糕对佢真系又爱又痕，因有时食完我肠胃唔太受得就会肚痛，但今次唔同 我同谦谦来到 Gelato-go 系叹意大利雪糕呢！ 意大利雪糕冇用咁多奶去调味架， 系用返食材本身的味道，冇咩奶所以我肠胃接受到 ☺

谦谦来到已经比佢个雪糕柜吸引左去了， 佢拿拿声就同我讲要 Kinder , Mini chocolate , Pistachio, 3款雪糕味道各有千秋， Kinder 口味小朋友就最buy, Mini Chocolate 薄荷咪入口凉快之余，仲有大量薄片朱古力有咬口呢！而 Pistachio 系香港好少机会食到几特别，雪糕入口香滑，谦谦话好食过其他牌子。

cake 呢到都好多选择，但我就比 心心朱古力牌的法式千层酥吸引左， 一切落去吉士酱都爆哂出来， 香甜的柠檬吉士酱夹着酥脆香口的酥皮实在太夹了。

咸批方面我选择左两款， 牛油味几重，材料都ok ，但我和谦个心一早已经比雪糕征服左了。

等妈妈个时，无野做，就入左去买雪糕食
明明自己为食，哈哈

呢个系开心果gelato，质感软滑，味道香浓，仲有少少薄荷味（我个人觉得，未经证实），吞完仲有阵坚果香

坚果就打得比较碎，基本上唔系好咬到，唔算易溶，同埋对我簁讲都多，成个杯都系雪糕

我唔系因为gelato健唔健康而食，个人觉得50卡路里同60分别唔大，想食咪食，两款唔同口感，无谓讲到gelato就好高尚咁

除了GELATO~店舖还有一些bakery同咖啡供应。

不过人家主打GELATO~当场要尝尝。一进店职员已经十分热情及细心介绍。而且各种口味都可以任意品尝。

试了店员介绍的GIANDUIA，浓浓的榛子配上朱古力，非常好吃。

另外亦点了TIRAMISU及CAPPUCINO~咖啡味超香~赞~

朋友点的红肉火龙果，入口清甜，口感像雪芭不太甜，反而芒果就一般而且很甜。

CP不错~加上服务好。一定会再来

食完饭同朋友一齐去食甜品！

雪糕有好多唔同款式选择，朱古力、杏仁、榛子、云呢拿、薄荷、咖啡、水果口味又有芒果、士多啤梨、热情果、粉红石榴、红肉火龙果、荔枝，任君选择！

餐厅职员可以比客人试食雪糕，再决定最后要边一款口味。我几钟意d雪糕店有呢啲安排，咁样唔怕叫错雪糕中伏，最后变浪费！

呢日我同朋友拣咗3球雪糕，粉红石榴、红肉火龙果同开心果！

红肉火龙果-入口清甜，口感似食雪芭，食落仲有黑色一点点嘅火龙果果籽！好味

粉红石榴- 同红肉火龙果一样，口感似食雪芭。味道清香，带有微微嘅石榴果酸。几适合食完肥腻野，解油腻!

开心果- 原本我已经超级钟意开心果雪糕，而呢个完全冇令人失望！奶味唔会好重，有香浓开心果果香，食落仲有开心果仁碎！正！

呢晚大满足！雪糕好食，又可以食完饭坐低同朋友吹吓水。