平时比较少去太子区揾食，今次可以一次过试埋附近新开咖啡店，所以第一站先黎Dawn填饱肚子。
墙上贴上好多咖啡豆包装，唔知佢地系咪会经常购入唔同的本地咖啡豆冲咖啡呢？

《烤酿鸡胸 Roasted Stuffed Chicken Breast $108》
粟米/ 水波蛋/ 蔬菜/ 香茅杂莓汁
呢款Stuffed Chicken实在太多人推介，一场黎到无理由唔试！鸡胸入面酿有烟肉和蘑菇，肉质嫩滑但唔够热，衬埋旁边的沙律菜一齐食，味道好夹。相反粟米饼就有啲失色，卖相系不错，不过粟米唔够甜仲有啲硬，无粟米应有的鲜甜，整体味道偏淡。

《马铃薯团Gnocchi $98》
Gnocchi反而几有惊喜，一黎香港唔算普遍，二黎煮得几好味wor！用忌廉汁做底，有Gnocchi、烟肉、蘑菇及洋葸，咸咸地又甜甜地，Gnocchi口感烟烟韧韧，唔会太腍，做到挂汁，仲有淡淡薯仔香，呢款值得一试！

一直一直一直都好想试既dawn 终于食到 超具人气既cafe 店面唔算太大 约有廿个座位 所以周末晏就黎到 大家预左要等位 不过可以先留低电话 系附近行下先 有位既时候店员会以电话通知
⠀
餐厅环境简约舒适 灯光柔和 菜式特别 有北美焗蛋 Gnocchi马铃薯团 Casarecia卷通粉

▪️Gnocchi 马铃薯团 $98⠀
马铃薯团口感柔软 微微带咬口 唔会太粉太腍
裹满田螺忌廉汁 口感creamy 香气十足 配上烟肉 更添咸香 食落好重胡椒味
当中加有唔少爽口唔辣既洋葱同白菌 令口感更为丰富
⠀
▪️烤酿鸡胸 $108⠀
鸡胸质地唔柴 入面酿有烟肉同磨菇 调味十足
相对之下 旁边既粟米饼就有啲失色 外皮唔脆 味道偏淡 口感有小小似蓉 个人就唔太钟意 而且粟米好干 比较似系罐头粟米
上面既水波蛋生熟程度岩岩好 好流心 但系完全无蛋味
沙律菜新鲜无苦涩味 配上旁边既香茅杂莓汁 酸酸地有啲似油醋咁几开胃

整体而言 环境舒适 Gnocchi唔错 但食物份量偏少 两个女仔黎食都唔系好够饱

附近有很多楼上咖啡,朋友却最爱这家咖啡厅,说感觉比较高档,而已吃的选择也比较多.
地点方便,很近地铁,价格便宜,坐得很舒服,不错.