期待已久嘅Mamaday 拣咗个平日一个人去chill下 一路行上楼梯啲poster已经好正，坐低咗内部装修当然都玩味十足啦，个感觉系超正！天花都有poster架，真系零死角嘅玩味

当然唔少得餐牌，个设计都系好正，食物名都好抵死

最后我叫咗「可能会失望温泉蛋明太子意大利扁面」同一杯热嘅Matcha Latte～

1️⃣ 可能会失望温泉蛋明太子意大利扁面
我想讲我一啲都无失望呀！首先个明太子酱汁好充足，食到最后一啖都仲有！温泉蛋靓仔，捞匀咗之后令意粉食起上嚟再滑啲、香啲 意粉上面仲有啲木鱼、菇同有几条炸过嘅蟹柳，我想讲炸过嘅蟹柳，个面脆咗系好味架，个人几钟意 至于主角意大利扁面有咬口，而且挂到好多酱汁，好味

2️⃣ Matcha Latte
好鬼死钟意佢只杯 表面外加咗抹茶粉，首先卖相已经无得顶。饮落口就完全明白晒餐牌上面写嘅「抹茶牛奶涩涩地无咖啡无落糖架」。满口满满嘅抹茶香味，which我好钟意佢无落糖而唔会过甜、死甜。非常非常系我钟意嘅Matcha Latte味道！ 捞匀表面抹茶粉入到尾都系好足味，正

食完一次就真系会明白Mamaday长期爆满嘅原因。连平日下昼都keep住多人，所以想食真系要打去约呀！会encore的

Mamaday岀名好食又受欢迎嘅cafe，唔book位都通常冇位 今次我下午茶时间去，依然咁多人

嗌左个[好邪恶嘅咸蛋牛油果比萨咩叫减肥]同埋[焦糖脆脆窝夫]，两样都好惊喜，每块pizza上面都有只蟹钳，所以个Pizza好有蟹肉味，边边有咸蛋黄味，好味又唔会太漏，很不错！

焦糖脆脆窝夫有四块，配一球雪糕同埋芝士奶盖酱，仲有焦糖脆脆，好正，原来窝夫同芝士奶盖系咁夹

仲嗌左两杯嘢饮，苹果沙冰同埋焦糖咖啡沙冰，不过不失！苹果沙冰几flesh, 咖啡沙冰上边有Oreo饼干同埋焦糖脆脆，有诚意

环境design都好有特色，好多打卡位，而且Menu设计都好特别，改菜式名好有心机[害羞]高质餐厅，价钱合理唔贵，值得一试再试！

有蟹GO又有蟹肉的蟹蟹蟹意大利扁面$128，非常有诚意同足料，新鲜热辣上菜，意粉铺了满满的蟹子蟹肉，蟹柳棒、同埋有两只大大的蟹钾， 菜式名够funny，配料又够足料，真喺斋睇卖相已经觉得好正。意粉挂满蟹子cream sauce，令到每一啖都喺浓郁蟹膏蟹香，配料仲配搭少量脆肉瓜，平衡蟹肉浓腻感。

钟意食蒜蓉真的不能不嗌呢个蒜蓉虎虾披萨。薄披萨底铺上浓郁芝士，扯起更有长长拉丝，大量焗至金黄色嘅蒜蓉撒在虎虾和芝士面上，极其吸引！薄饼底食落酥脆，虎虾意外地非常弹牙鲜甜，激量的金蒜爆发浓郁刺激的香味，每一啖食完都大呼过瘾！

今次去左平时好多人等位嘅mamaday,可能因为平日嘅关系，加上我地约得早，所以好好彩唔驶等位；
店内布局都好有特色，以餐枱为例都好特别，每一张枱都系唔同花纹嘅砖；
.
佢地餐牌上嘅食物名都好特别，有用心谂过；
我地分别叫左2个主食同2杯饮品
天然紫薯唔太甜
好意外，我无问清楚店员，以为系热饮[笑哭]
不过佢本身无加冰，所以都ok
欣赏佢真系唔太甜，无另加糖浆
细味到紫薯淡淡嘅甜味同奶香
.
啖啖蟹肉... ...你就想～墨汁海鲜比萨
Pizza够薄、脆，用墨鱼汁做底都好特别
面层应该有落到千岛酱，所以食落都几开胃
同埋海鲜都比想像中嘅多料
.
美利坚合众国草饲牛扒扒扒
好惊喜，因为好大份，沙律菜又配上小小红桑莓同蓝梅
又有虾饼同有个细细嘅乌冬
所以对比之下牛扒好似变左配角[笑哭]
不过牛扒好好食，多汁、嫩口
.
本身我地想试埋甜品，但已经好饱，所以留返下次再试

作为香港人，经常支持香港人的餐厅是应该的，特别系一间特别的香港餐厅，就好值得去啦。
今日同朋友相约尖沙嘴「麻麻地」，心情开心兴奋绝对不会麻麻地，因为呢度既装潢同各样设备都令人好开心，而且仲系打卡天地。
我们点了Set burger, kimchi pork rice,carnivo salad,Lava cake等等。
Set burger其实系牛肉汉堡，配有香脆薯条，汉堡有牛肉，salad, 炸洋葱圈，口感丰富⋯⋯
Kimchi pork rice大大碟，滑蛋系面连同面头泡菜炒猪肉，酸酸辣辣口感特别开胃。
Lava cake系心太软，松软内热，热巧克力慢慢出，真系好正。
除左食野，仲有嘢饮都好有特色，有marshmallow coffee同ice cholatte, 两杯都有水准，不过不失。
大家未来过麻麻地真系要来下，包你有惊喜。