呢到既主题好突出，之前已经见到好多人黎打卡， 搞到自己突想心郁郁想黎！果然冇令我失望啊，好多趣怪打卡位，menu既菜名都好有趣！叫咗个可能会失望温泉蛋明太子扁意粉，温泉蛋整得啱啱好，入边嘅蛋黄会流出嚟，仲有炸过嘅蟹柳，好香口几特别，个source都好creamy，唔会太乾，上边仲有啲木鱼丝！另外仲叫咗个肉食者沙律，肉就用左鸡肉，介乎炸同烧之间，入边嘅鸡肉好嫩滑，沙律都好色彩缤纷，打起卡黎好靓。入边仲有蓝莓同红桑子等等，酱汁就用咗芝麻酱，如果平时怕沙律唔够饱都可以试吓呢个！嘢饮方面就叫做青柠蜂蜜梳打，一上枱望落都好吸引，梳打水同蜂蜜系分开上，玩味十足，倒落去嘅时候仲可以做到渐层效果架！

我哋食咗炸鸡翼，佢有几种风味，我哋要咗蜜糖芥辣，系一啲酱汁淋喺鸡翼上面，我嘢饮方面朋友叫咗Flat white, 我就叫咗蜂蜜菊花茶，味道都唔错

煮食我哋就叫咗泰式肉碎蛋包饭，真系好大份，大家可以睇图。

值得一提嘅系，餐厅员工非常年轻，装修亦都充满活力，例如佢嘅墙壁就设计得色彩丰富，慢慢坐低欣赏下环境都系一个乐趣。

< Mamaday > 尖沙咀
今日同friend去咗我最钟意嘅Cafe食lunch佢哋嘅明太子意粉真系好好味 永远都系我嘅No.1

可能会失望温泉蛋明太子意大利扁面 $112
差唔多每次嚟都会叫呢一个明太子扁面佢上面有啲木鱼丝 三条蟹柳 仲有一只温泉蛋 明太子加咗少少忌廉 捞埋一齐食层次好丰富 明太子份量好多 见到一粒粒黐住啲意粉 不过蟹柳好似比之前细条咗 但系都好好食 整体黎讲呢个会一直encore

都几辣的泰式打抛猪乌冬 $118
好有泰式风味 有两块好大嘅虾片 乌冬同沙律菜 虾片炸得好脆 乌冬少少辣不过可接受上面有啲九层塔同香叶捞埋一齐 有唔同嘅层次另外亦都有啲车厘茄可以中和返个辣度 旁边亦都有沙律菜 可以解下腻 另外打抛猪个酱汁有啲似肉酱意粉食到嘅肉酱 不过加咗啲辣酱 感觉丰富啲 乌冬炒得都唔错食完个人好暖❣️

Matcha Latte $
佢个杯好得意 好有香港怀旧风格❣️而且上面有啲抹茶粉 好够抹茶味 饮落唔太甜 奶味香浓 符合期望

Tofu Coffee☕️ $
见到呢一杯豆腐咖啡好似好特别于是就叫嚟试下 上面有一球豆腐雪糕 下面系普通咖啡☕️豆腐雪糕好重豆腐味雪糕几绵滑 咖啡唔太涩 系我钟意嘅味道 入口香浓 捞埋豆腐雪糕都几夹 唔钟意饮咖啡嘅人应该都啱饮

今日同屋企人去左尖沙咀行街，我地行左一阵就想揾间餐厅食lunch。我地揾左一间几特别既餐厅，入面有好多好盏鬼既装饰，好得意啊。
我地点左咸蛋牛油果蟹肉pizza，呢个pizza真系好特别，完全系平时食意式pizza见唔到既材料，但系呢三样野都系我好钟意食既野，加埋一齐估唔到系咁夹，仲要pizza系唔会太厚，食落去脆脆地，好正啊。我地仲点左个小食啊，就系呢个芝士粉鸡翼，鸡翼烤到好香脆啊，正！
饮品方面，我地点左豆腐咖啡，咖啡入面有软滑既豆腐同埋清香既豆腐雪糕，层次丰富！

一啲都唔嘛嘛地
呢日同朋友嚟到尖沙咀呢间楼上餐厅，成日系网上面见到呢间餐厅嘅推介，今日终于嚟试吓！入到嚟啲装修好特别，有啲美式风情，而且会令人会心一笑。呢度菜式改嘅名都好有趣，令人每样都会想试吓我地因为唔算好肚饿，嗌咗个明太子意粉同肉食沙律，仲有一个乌龙茶沙冰同青柠梳打。
明太子意粉用嘅系扁意粉，食落系al dente, 好有咬口，而且好挂汁。个明太子系跟忌廉汁，食落又唔会腻口，仲配上啲菇菌同炸蟹柳。个沙律上到嚟好大份，有啲木莓蓝莓，睇落色彩好丰富。沙律跟咗几旧炸鸡，食落有惊喜，好嫩滑！朋友杯青柠梳打有少少蓝紫色咁样，仲用咗个conical flask嚟装，好有化学实验嘅感觉。我个杯乌龙茶沙冰似落唔会好甜，好refreshing!
呢间咁有gimmick嘅餐厅绝对会想再嚟，下次会想试吓佢杯朱古力同窝夫！