特别的餐厅名，不禁令人联想为难食，但每位到访过朋友都赞不绝口！搞笑玩味的餐牌，环境设计，打卡岩晒！特别系食品名，睇中文有时系会睇唔明要睇埋英文先知食咩！
.
▪️grilled pork omurice $118
辣架傻猪猪猪颈肉泰式肉碎日本蛋包饭
唔好以为系普通既日本蛋包饭，一上菜个下已经俾个份量吓亲！多到我以为自己叫左加饭
D蛋好滑好嫩！肉碎麻辣得黎又有泰式风味！
M
▫️Soba with fish sauce + Rib eye $152
荞麦面沾鱼露，美国牛扒（预设7成熟）
烹饪时间较长，零油脂好多汁，有两件大虾片，咁岩朋友减紧肥，份量好适中
▪️Yakult Frappe $48
益力多沙冰

今日约咗同事，揾返一啲熟悉嘅餐厅安全一啲，嚟到呢度发现到有七至八成满座，难得疫情下人气仍然旺盛。

基本上餐牌嘅选择大致不变，之前都试过好多款人气食品，似揾啲新嘅选择试吓。

柚子黑咖啡，平时都比较少饮黑咖啡，因为冇奶嘅中和会有少少酸，但呢个柚子黑咖啡相对冇咁酸，亦唔会苦。

有蟹Go又有蟹肉嘅意大利扁面，讲到明有蟹膏，但估唔到真系有咁多蟹膏，有两只蟹钳，蟹肉嘅香气同意大利面都几夹，落去啖啖肉，好fresh。

虎虾薄饼，6只大大只嘅虎虾平均分布喺薄饼中，显得虎虾特别大只，食落去虾肉弹牙新鲜，薄饼薄脆，好有泰国风味。

呢到既主题好突出，之前已经见到好多人黎打卡， 搞到自己突想心郁郁想黎！果然冇令我失望啊，好多趣怪打卡位，menu既菜名都好有趣！叫咗个可能会失望温泉蛋明太子扁意粉，温泉蛋整得啱啱好，入边嘅蛋黄会流出嚟，仲有炸过嘅蟹柳，好香口几特别，个source都好creamy，唔会太乾，上边仲有啲木鱼丝！另外仲叫咗个肉食者沙律，肉就用左鸡肉，介乎炸同烧之间，入边嘅鸡肉好嫩滑，沙律都好色彩缤纷，打起卡黎好靓。入边仲有蓝莓同红桑子等等，酱汁就用咗芝麻酱，如果平时怕沙律唔够饱都可以试吓呢个！嘢饮方面就叫做青柠蜂蜜梳打，一上枱望落都好吸引，梳打水同蜂蜜系分开上，玩味十足，倒落去嘅时候仲可以做到渐层效果架！

我哋食咗炸鸡翼，佢有几种风味，我哋要咗蜜糖芥辣，系一啲酱汁淋喺鸡翼上面，我嘢饮方面朋友叫咗Flat white, 我就叫咗蜂蜜菊花茶，味道都唔错

煮食我哋就叫咗泰式肉碎蛋包饭，真系好大份，大家可以睇图。

值得一提嘅系，餐厅员工非常年轻，装修亦都充满活力，例如佢嘅墙壁就设计得色彩丰富，慢慢坐低欣赏下环境都系一个乐趣。

< Mamaday > 尖沙咀
今日同friend去咗我最钟意嘅Cafe食lunch佢哋嘅明太子意粉真系好好味 永远都系我嘅No.1

可能会失望温泉蛋明太子意大利扁面 $112
差唔多每次嚟都会叫呢一个明太子扁面佢上面有啲木鱼丝 三条蟹柳 仲有一只温泉蛋 明太子加咗少少忌廉 捞埋一齐食层次好丰富 明太子份量好多 见到一粒粒黐住啲意粉 不过蟹柳好似比之前细条咗 但系都好好食 整体黎讲呢个会一直encore

都几辣的泰式打抛猪乌冬 $118
好有泰式风味 有两块好大嘅虾片 乌冬同沙律菜 虾片炸得好脆 乌冬少少辣不过可接受上面有啲九层塔同香叶捞埋一齐 有唔同嘅层次另外亦都有啲车厘茄可以中和返个辣度 旁边亦都有沙律菜 可以解下腻 另外打抛猪个酱汁有啲似肉酱意粉食到嘅肉酱 不过加咗啲辣酱 感觉丰富啲 乌冬炒得都唔错食完个人好暖❣️

Matcha Latte $
佢个杯好得意 好有香港怀旧风格❣️而且上面有啲抹茶粉 好够抹茶味 饮落唔太甜 奶味香浓 符合期望

Tofu Coffee☕️ $
见到呢一杯豆腐咖啡好似好特别于是就叫嚟试下 上面有一球豆腐雪糕 下面系普通咖啡☕️豆腐雪糕好重豆腐味雪糕几绵滑 咖啡唔太涩 系我钟意嘅味道 入口香浓 捞埋豆腐雪糕都几夹 唔钟意饮咖啡嘅人应该都啱饮