蜜糖芥末鸡翼，$68。一客一共八只单骨鸡翼，全部炸到金黄松脆，本身略带咸味嘅炸鸡翼，配搭刺激蜜糖芥末酱，非常美味可口。
黑松露扁意粉，$118。正常发挥嘅菜式，黑松露酱味道十分浓烈，口感非常浓厚，超级饱肚。
Cappuccino，$48。醇香奶滑，咖啡除咗味道，外观同样重要，拉花图案咁得意真系忍唔住影多几张相，用中式茶杯做容器效果出奇型格。

今次尼依间玩味Cafe「MAMADAY」，食下D其他菜式先。

唔好抱咁大期望蒲烧鳗鱼蛋包饭升级原条鳗鱼，好足料，原条鳗鱼口感厚肉、嫩滑，肉质肥美，采用蒲烧酱汁调味，食落好入味、鲜味十足，表面铺满紫菜，食落好香口，蛋包饭表面铺满木鱼丝、蒲烧酱汁，味道浓郁，采用日本进口鸡蛋制作，鸡蛋半生熟，蛋香味浓，饭粒采用蒲烧酱汁烹煮，味道咸鲜。

今日我咩心情？关你咩事先…，三重芝士辣肉肠薄饼，材料包括有水牛芝士、车打芝士、巴马臣碎芝士、辣肉肠、洋葱、蕃茄、薯泥、香草，薄饼口感薄脆，水牛芝士拉丝效果突出，车打芝士、巴马臣碎芝士味道咸香，辣肉肠味道香辣，食落好惹味。

不嬲知mama day玩味十足，好打卡able，所以就同朋友去试吓

系商业中心既二楼，都几易揾

餐牌都设计得好靓呀！

青柠蜂蜜梳打 $48
自己倒啲梳打入去，蓝色梳打同黄色既蜂蜜渐变既颜色好靓～饮落吾会太甜重有少少青柠，正

够唔够姜菊花茶 $46
抵赞系入面全部都系菊花，用料十足！

求其是但乜都炸啲啦 $98
入面有一口炸芝士 炸虾🍤 鱿鱼圈 薯条🍟大大份新鲜炸起所以好脆

有蟹GO又有蟹肉的蟹蟹蟹意大利扁面 $128
真系好蟹味 吾会好腥 除左蟹膏重有蟹柳蟹籽蟹钳 重有小小洋葱🧅红椒，爽口啲丰富番口感

是是但但窝夫🧇 $78
今日系朱古力🍫Oreo味～连窝夫入面嘅馅都系oreo十分用心！

超级有趣既一间餐厅！睇menu都有几多唔同选择，而且食物名都好搞笑。装修有些少怀旧风，但系同时又有好多好潮既装饰，好特别！

可能会失望温泉蛋明太子意大利扁面
完全无失望既一个意粉！配料好简单，就系温泉蛋同明太子，但系呢个组合基本上都无得输。意粉既软硬度适中，调味亦做得唔错，够咸香得黎又唔会系死咸，可以吸引到唔大食既我食哂成个意粉。

荞麦面沾鱼露配美利坚合众国草饲牛扒扒扒
当日无荞麦面，所以换左芝麻酱乌冬。同事等左比较长既时间，问过店员，店员表示牛扒需要等耐少少。卖相唔错，有两块大虾片系面头，下面有好大量既沙律菜，旁边有牛扒，同埋细细兜既乌冬。牛扒本体肉质唔错，亦有几香既肉味。不沙律菜同淀粉质既比例唔太平衡，建议淀粉质既量可以加多啲。

香蕉朱古力奶昔
获同事好评。唔会太甜，奶昔有香蕉果肉系入面，朱古力味亦够。

抹茶牛奶
卖相靓～个杯好搞笑😆无额外加糖，只有抹茶同奶，岩哂我❤️不过抹茶粉比较难溶，建议上枱后就搞匀佢会比较好，唔系就会饮到好多抹茶粉粒粒。

一直知呢个打咭胜地，好多人排队，今日揾个人少既时间去，去度就即刻有位，正！
铺头既装修好特别，玩好多唔同既色调，放满好多好有趣既摆设，每一个位都可以俾你狂影相！
我地坐个张枱有个娃娃头做摆设，真心正，影野食影埋佢真系简单都变得有特色。
间铺咁靓，对食物我都唔会有好高要求了，但食落真心有惊喜！
首先讲讲个MEUN，D名真系好正，基本上你都唔系好知佢系咩野食，要睇英文先会明。
叫左个炸尤鱼圈，是日健康饭同原候鳗鱼蛋包饭，我想话，三样都好合格！

炸尤鱼圈劲好食，超热，好明显系新鲜炸起，脆卜卜，尤鱼仲系软软有汁唔会软，加埋佢个酱真系超开胃，仲要系意想唔到咁多，份量够囡个人食！
是日健康之选系南瓜饭，D饭仲有咬口，份量都算多，个汁清清地唔错。
原条鳗鱼蛋包饭既鳗鱼大大条，蛋包饭有蛋味，用料唔错，煮得刚刚好够晒滑，加埋烧味鳗鱼真系食唔停口。
仲叫左博士茶同蛋糕，博士茶成壶上，够两个人饮，抺茶芝士蛋糕好滑，好有惊喜！
呢间铺咁多人排真系有原因的！打咭点又多，食物又好，抵赞！