趁天气仲凉凉地，呢日约左朋友去到呢间食任食鸡煲+火锅

位置好方便，就喺旺角站D2出口，过一条马路已经到。上左两层楼梯后，可能店员听有声，佢就特登走出门口迎接我哋，服务态度好好。
我哋18:30入座， 坐低后店员叫我哋拣左任食果煲先, 火锅汤底+配料就可以慢慢拣。原来除左鸡煲仲有鸭煲同猪手煲拣。
我哋就拣左鸡煲，小辣

一拎上枱已经闻到好香，店员再帮手炒到热辣辣，除左鸡肉仲有啲紫洋葱、凤爪、芫莤。

之后就拣左个滋补药膳锅打边炉，饮落甜甜地
系自助区就拎左啲菜、响铃、鱼皮etc...
仲有饮品同雪糕任饮任食
去自助区拎完野，落左单既食物都到咗
啲帆立贝同蚬都好大粒
虾-肉质弹牙
帆立贝-大粒，爽口
猪膶-爽口
云吞&水饺-大粒多馅
今次真系食得好饱，店员服务态度又好好。下次会想试埋佢个猪手煲同冬荫公汤底

二锅头 (福苑) (旺角)
旺角西洋菜南街138号福苑2楼
天气转凉，又系时候打边炉。但吾想咁单调，同埋满足食鸡煲欲望，所以今次同朋友相约系旺角中心对面西洋菜南街的任饮任食鸡煲火锅放题「二锅头」，且早早系OPENRICE 订位，怕晚市多人。
甫踏进门店员服务态度非常友善，未到7点已经门庭若市，幸好有订位，餐厅设卡位雅座，够晒宽躺，坐得舒适。
一开始可以简任食鸡煲/黑椒猪手煲/ 鸭煲之后再打边炉，听到咁多款煲可以任食已经好开心，重点系唔使同时间竞赛大快朵颐。✌
鸡煲可以简辣度，我哋拣咗小辣，店员会帮我地拌匀鸡件同芫荽同埋其他调味料配菜，炒下炒下发出喳喳声，充斥麻辣香味，流晒口水。鸡件嫩滑吾韧口，几乎整只鸡斩件每个部位都有数件，而且仲有我至爱嘅炸凤爪，每一件鸡充满麻辣香，鸡汁浓郁，十分惹味。
食完鸡煲打大佬食打边炉，我地简左滋补药膳锅汤底，女士要滋补养生✌汤底充满山药健脾保肺党参，补血气红枣，明目杞子，饮完成个人暖粒粒，整体汤头带甜。
打边炉食材可用纸仔落单，有多款回本海鲜，爽弹墨鱼仔、生猛海虾、不回缩花枝片、大大粒帆立贝，仲有必点粒粒饱满清甜海蚬。必点美国肥牛，雪花分布平均，牛味浓，一啖接一啖。水饺馅料丰富。
而且最惊喜系另设食物自助区，有出前一丁，香脆炸鱼皮，同埋多款蔬菜和丸子类，值得encore有西洋菜同油麦菜非常新鲜
饮品方面选择多元化，有常见嘅啤酒汽水仲有杨协城凉粉爽，解一解热气。仲有配
杯装巢雀雪糕任食。
总结：
性价比高 几乎无限时任饮任食鸡煲火锅
食到捧住个肚走
#旺角#西洋菜南街#二锅头#任饮任食#鸡煲#火锅#蔬菜#雪糕#牛肉#海鲜#丸子类

已经两度帮衬，由于限制令，晚市关闭直到另行通知 。希望可以快啲 回复晚市， 令小店亦可经营下去 。 员工态度极好， 价钱相宜 。
值得一提系鸭煲，好有特色好入味， 妈妈好钟意食。
希望可以快啲食到，要支持下去呀....

家姐真系好钟意鸡煲.久唔久都拉埋我去食
·
任饮任食鸡煲鸭煲火锅（$198）超抵食我地拣左出面少见嘅火焰鸳鸯鸭煲店员加左酒再点火即场炒一炒~钟意食辣嘅仲可以拣辣度香浓惹味食完仲可以encore
·
之后到边炉时间拣左清清地嘅香茜皮蛋锅落单填嘅有同海鲜~其他丸类菜类就可以去自助区拎！款式选择多全部都几新鲜野饮雪糕更加唔少得想放肆一下可以试试二锅头～
·
二锅头
旺角西洋菜南街138号福苑2楼

天气冰冰冻冻❄ 第一时间你会谂起咩呢？除左要即刻着多件衫之外，为食既我就即刻谂到走去打边炉啦 唔想净系打边炉咁单调，就可以好似我咁去左一间食完鸡煲再打边炉既任食火锅店 唔讲唔知，原来仲有鸭煲食㗎~
·
鸡煲份量都唔少，大约有半只鸡，我地叫左小辣，味道啱啱好将鸡同埋入面既京葱、洋葱及芫荽一齐炒香，够哂惹味，仲闻到好香添
·
食完鸡煲就梗系即刻点左个汤底打边炉，我即边炉瘾又起 汤底有8款咁多，有无人同我一样都超喜爱食皮蛋呢 芫荽皮蛋汤永远系我至爱，清清地仲可以下吓火 配料方面，除左有纸仔划划划之外，哩度仲有个自助区，种类应有尽有，食几多拎几多，咁就唔会浪费啦✔ 配料推介 白鳝片 够哂新鲜大块，咬落非常爽口
鲜虾云吞 大大粒好足料，入面只虾好弹牙 饮品选择亦颇多，多款汽水凉茶供任饮
·
总括而言，火锅店地点方便就脚，食品选择丰富，味道亦不错，不失为高质火锅店之亦选
·
二锅头
旺角西洋菜南街138号福苑2楼