Outdark

经过见到有间唔错既韩国餐厅，仲要系韩国厨师主理，所以入去食lunch，入到去先知原来依家疫情严关系，先提早12点开门，如果唔系我都无机会食😂😂

🌟 香蒜蜜糖炸鸡 🍗（$178）

炸鸡份量多，好大碟，鸡肉无骨，而且厚肉，即叫即炸，炸得香脆，肉质嫩滑，加上用自家制既香蒜蜜糖酱舖上面，食落口唔会觉得热气，有香甜既味道，口感更加丰富😋😋
薯格，薯条，薯块亦都炸得好香脆，仲有3种唔同既酱汁，加埋醃萝卜，做得好出色，必点😋😋

🌟 东莱海鲜煎饼 （$118）

海鲜煎饼好有响韩国食既风味，用左好多唔同既配料煎，好足料，而且虾肉新鲜，爽口弹牙，煎饼煎得好香口，仲好大块😋😋

🌟 炭豚饭卷 （$88）

饭卷大条，豚肉新鲜，蔬菜🥬新鲜，加埋其他配料一齐包，呢个饭卷真系无得输😋😋

🌟 Outdark Rita ($78)

呢杯啤酒好特别，可以自己配搭，我拣左Blue Curacoco(Orange) Flavour 配 Corona，好易入口，小弟觉得咁配搭，男女都岩饮，大家黎到可以试下😋

Outdark．韩国人情味炸鸡

❤
双11，单身者有咩好做？
当然约朋友去食饭
食咩好？一定系食韩国炸鸡
睇韩剧都知，有来自星星的温柔的OPPA嘛

我们约了在旺角吃Outdark
美丽的星星之夜
见到大班朋友和情侣的饭聚约会
感动我们的更有店员送上的韩国棒棒饼干

原来韩国人也很重视双11
要为重视的人，包括亲人朋人情人送上这款棒棒饼干
祝福摰爱
希望大家都棒棒的！
于是我们更加肯定没有来错了！

点了一份双并炸鸡
有甜辣及香蒜蜜糖口味
店员先送上酱料及醃萝卜
喂呀，点解我D萝卜咁好食架！
(知道的便知道是哪套韩剧哪位角色的对白)
3款酱料都极具韩风，有甜有酸有辣，任拣！

双并炸鸡份量巨型
更有炸香包含芝士粉的薯条、薯格、薯件
非常犀利！
炸鸡口感多汁，外皮香脆，薄皮厚肉
香蒜蜜糖口味好香甜
甜辣炸鸡够惹味
好好食

炸虾饭卷
我真系好欣赏韩国麻油
特别系以麻油包住饭卷的香气
混合了紫菜的吸引力
再加入香脆炸虾
点会唔好食？
每次食韩国菜
一定会点番个饭卷来吃
此店的炸虾饭卷
添入生菜、沙律酱、韩国甜酱
好味又够韩
又列入我的不能不吃名单之中

海鲜煎饼
那是巨型的，对女孩子而言
尤其是极真实的加入了大量虾、鱿鱼、香葱等食材
没有花巧，但具有香浓引人的滋味
是韩国真才实料的美味
经典，但永远好吃

最后点杯芒果梳打
陶醉于果香和星空下
感觉好正！

芝士王国~芝士炒鸡🧀🧀🧀🌶🐔🥘
超丰富的芝士炒鸡，🧀🧀用水牛及车打芝士，前者有拉丝效果；后者咸香滋味。🐔炸鸡加甜辣酱炒，好香好惹味。鸡肉嫩滑有弹性，🌶酱汁甜甜地微辣，拌芝士食可减辣又好味🧀
.
仲有韩国鸡蛋好水嫩🥚，甜菠萝解腻🍍，泡菜酸酸地好开胃🌶🥬，劲香麻油味的紫菜饭🍙
.
炸虾饭卷🍤🌯
扎实麻油香的饭卷，有爽弹香脆炸虾，仲有爽口醃萝卜同脆口青瓜，软绵湿润鸡蛋卷，口感丰富
.
Grapefruit ADE🍊🍹
好清爽好refresh，西柚味突出，但唔会好酸，带点甜易入口，又可消腻

帮衬过尖沙咀店后，连唔好韩食嘅我都真心觉得好食，今次就试吓旺角店啦🤪

🍗原味炸鸡 (半份) + 蕃薯芝士条（$118 + $28）
炸鸡系无骨嘅，炸得劲劲劲香脆又啖啖肉，啱晒唔钟意噒骨嘅懒鬼😆除咗炸鸡外，仲有薯条、薯角及薯格，一次过可食晒3款炸物真系唔错！不论炸鸡或3款炸物都系热辣香脆，蘸酱后更加食唔停😋
蕃薯芝士条同样炸得非常香口，外皮有甜甜地嘅番薯味，入面嘅芝士仲可以拉丝，真系邪恶呀🤤

🍕东莱海鲜煎饼（$118）
一直对呢个煎饼念念不忘😋海鲜及蔬菜配料仍然多得夸张，而且又好有咬口，真系好食到难以形容🤩虽然我嘅韩食经验唔多，但暂时系我认为最好食嘅韩式煎饼👍🏻

🍙炭豚饭卷（$118）
饭卷馅料有青瓜、豚肉、蛋、醃萝卜及菜等，食落口感都几丰富，感觉清新唔油腻，配同酱料一齐食真系惹味😋我足足食咗一半有多🙈

🍹Mango Ade（$34）
食住煎炸嘢配返杯有气嘅芒果味饮品，确系爽嘅🤪

🍺Corona（$38）
Corona配青柠唔系必然咩？！
真系第一次饮Corona系无青柠😂

韩国菜食乜好,最近hit食饭卷,咁唔一定要去外卖小店排2个钟既
韩国菜餐厅一样可以食到,一样咁足料仲要好味道,唯一唔好处就系限时用餐
食得比较赶时间囉~不过味道好,就系大把人排队争住食

今次食左佢既串串鱼糕汤 $198一锅够2人食
另加一份饭卷,饭卷选择有炭豚同炸虾,另有一款煎蛋,最好食系煎蛋饭卷,但卖晒
转左炭豚饭卷,馅料放满烤豚肉片同青瓜,蛋,各种配料,食起黎香味清新,唔会太油腻,仲有独特既紫菜香味,唔同既食材口感不同,令成个饭卷味道好丰富

小吃追加左一款番薯芝士条,甜甜地既番薯加上拉丝芝士,胜在炸得够脆身

另加鱼糕串差唔多有十支左右,没有细数,有类似鱼片,鱼肉串,蛋,狮子狗等等
汤底系关东煮既味道,有少少似食关东煮锅,一丝油都无,系好健康既菜式
仲有乌冬底,食到尾都非常够味,份量十足,甜味突出

#韩国菜 #鱼糕串 #韩式快餐 #hkblog #hkblogger #hkfood #hkfoodblog
#hkfoodblogger #hkigfood #outdark #outdarkhk