店铺：Twinkle Baker Decor (沙田)
地址：沙田沙田正街18号新城市广场3期3楼A305A号舖

最近身边嘅朋友都有好多喜庆日子：结婚、生日、结婚周年纪念等，而最近去一个朋友屋企食饭，咁啱就系近住佢哋两公婆嘅结婚周年纪念，同埋大女嘅生日🎂，所以上去之前就拣咗个蛋糕同佢地一齐分享、庆祝🪅

经过沙田新城市广场3期3楼嘅Twinkle Baker Decor，见到劲多人喺到睇紧蛋糕，确实佢地嘅蛋糕款式同埋种类都真系几多几吸引😍，例如有同天仁茗茶合作出嘅香芋鲜奶绿蛋糕、迎接新年而出嘅顺风顺水顺风车蛋糕，仲有扭计色蛋糕同顶点小笼包蛋糕等

粉红甜心(4.5吋) $368
今次就拣咗个比较少女心嘅粉红甜心蛋糕💖，原来系同Maybelline期间限定推出嘅蛋糕，可以拣4.5吋或者7吋，外面有一层糖霜，夹住士多啤梨慕丝、士多啤梨果酱、新鲜士多啤梨🍓，同埋海棉蛋糕。面头唔少精致装饰，有食得嘅粉红色心形波板糖、棉花糖、糖霜糖等。蛋糕卖相紧系满分，士多啤梨酱酸酸甜甜，中和咗糖霜甜腻嘅感觉，所以食落都唔会话太腻，我地6个人食就啱啱好😋

唔知你又有无睇啱嘅款式呢？

话说最近迷上咗little Twin stars，经过呢间店舖见到竟然有little Twin stars蛋糕啊！作为Little Twin stars迷既我见到完全着迷所以最后决定带佢返屋企！

拎到返屋企都唔系好舍得切开嚟食，因为成个蛋糕外表有着渐变既粉红色，超级靓啊！切开入边原来有好多层，包埋有士多啤梨牛油蛋糕同埋夹住杂莓慕丝，中间仲有红莓果冻，下层就夹住酸酸甜甜既蓝莓果酱，非常可口美味！层层嘅效果咬落口感非常丰富，成个蛋糕睇落非常之梦幻非常适合打卡啊！

今次食完之后决定圣诞节再订多个嚟同朋友分享吓先！

以前成日都有好多人问我，如果要买好食嘅蛋糕，除咗系一般嘅连锁店之外，仲可以去啲咩地方，我自己都唔系好识答，但今日行过沙田嘅时候，就发现呢一间蛋糕店，里面仲有天仁茗茶嘅蛋糕，真系几特别。

呢一间蛋糕店个铺面都几大，除咗有蛋糕买之外，亦都会有唔同嘅小食。

买咗一个蛋糕叫「粉红甜心」，其实买呢个蛋糕，识我嘅朋友都知道我唔系买俾自己食，如果要买比自己食嘅话，梗系买朱古力比我今次买俾朋友食，所以就拣咗呢款。

蛋糕上有一个用糖整成嘅心形🧡，里面亦都有一啲细嘅朱古力，加埋士多啤梨中，同埋士多啤梨糖浆，虽然好邪恶但卖相非常之好，至少送俾人嘅话，一啲都唔失礼。

蛋糕甜甜地，中间亦都有饼碎同埋Cream，质感都几丰富，几唔错。价钱来讲， $368 ，唔算特别平，但系如果食过设计嘅话，就冇咩所谓啦🤣

成日经过沙田见到呢间饼店，见到蛋糕款式好靓好吸引。今日见到同 天仁茗茶 crossover三款口味 杯子蛋糕, 一于试齐哂三种口味。

天仁鲜奶绿

天仁冬瓜茶

天仁铁观音奶茶

三种口味嘅Cream极香浓，每款都好有茶香味，唔会太甜太漏👍🏻重点系蛋糕口感松软，而家唔会有空气感，每次食一个都好满足够饱肚😋

原来将天仁茗茶嘅口味同cupcake mix埋一齐系可以咁夹咁好食😋

呢款小蛋糕，下次用嚟做散水饼送比同事又几好㖞。

中秋节就到，见到店内仲有Little Twin Stars嘅月饼，一于下星期过嚟买盒返屋企，小朋友见到实会好开心🥰

菠萝油蛋糕

系超可爱嘅 蛋黄哥菠萝油蛋糕 !!
见到真系忍唔住买返过嚟食 ！！
4吋造型 虽然细细地但系真系好精致
真系唔切开都唔知系咩类型嘅蛋糕🤣

最爱外层食落系真•菠萝皮一样
浅啡色嘅面包造型系菠萝椰子慕丝整成🤭
中间仲夹有班兰味海绵蛋糕同海盐焦糖脆珠
下面个块牛油就系菠萝味嘅吉士🤭
主角蛋黄哥就系由朱古力组成

呢个蛋糕真系好得意好得意
细细个好的骰 蛋黄哥真系好可爱

见佢蛋黄哥系列仲有出其他Cupcakes，有机会真系要买埋嚟试吓先得