次次去日本点都要食一餐Omakase，但系喺香港食Omakase就一次都未试过，所以就同Honey就试吓喺香港食返餐。嚟到鮨金就拣咗个中价嘅彩霞，有24道菜。头盘系季节前菜有四款，包括螺+南瓜+烟鸭胸+清物萝卜，四款我最钟意系渍物萝卜，因为一般渍物都会比较咸，但呢到嘅味道好适中。食完前菜就上个蟹肉蒸蛋，好香蟹味同D蛋好滑。然后到期待嘅刺身出场，包括有左口鱼+带子+龙虾+萤光鱿鱼，左口鱼夹住紫苏叶一齐食原来令到成个味道好香，龙虾刺身就好爽口，萤光鱿鱼就而家当造，当造嘅果然系新鲜D。再等咗一阵就嚟咗个北海道海胆，海胆超甜之余，我竟然仲食到有一阵阵芒果香味，第一次食海胆有咁嘅味道。食完一轮刺身，到第二轮嘅刺身，包括针鱼+红鲷鱼+ BB银雪鱼+池鱼配吞拿鱼蓉，针鱼都系第一次食，味道几特别，而口感估唔到又几爽，而BB银雪鱼好好味，BB果然系嫩口D。食完呢一转就独立上咗个拖罗刺身，拖罗入口即溶，鱼嘅脂肪慢慢咁渗入个口嘅每个角落，真系超正。食完两轮刺身后就到寿司，包括右口鱼配右口鱼肝+喜知次+平政鱼+金线鲷，喜知次真系滑到不得了，右口鱼亦都好滑，呢两款鱼都系第一次食，下次去到日本都要再试吓。食到最后一道菜系龙虾汤配带子明太子，浓浓嘅龙虾汤连埋带子同明太子一齐食，好味最后食埋个甜品青苹果雪芭同蜜瓜，呢餐饱到上心口，呢餐好满足呀。

最近收到老细封大利是，所以就同左我10几年既BFF一齐去慰劳下自己啦。我地就去左铜锣湾既Omakase【鮨金】食晚餐。环境安静舒适、位置宽敞，services都好好！因为系星期日我地就叫左做半价优惠既［和牛宴］、$750就食到8道A4/A5和牛菜式，真系好抵！［和牛宴］包括唔同产地同部位既和牛，包括鹿儿岛和牛、佐贺牛、熊本牛、飞驒牛及山形牛。和牛肥瘦适中，完全唔会有筋、但同时唔会成嘴油、牛味香浓但唔骚！

前菜：
关西风和牛刺身（熊本A4牛肩颈肉）：和牛刺身无筋、软嫩，搭配洋葱同关西酱汁非常香口浓郁。
和牛免治（飞驒牛A5肩肉）: 生牛免治搭配生蛋黄，非常滑嫩、再加上炸蔬菜丝口感非常特别！
和牛他他（山形牛A5西冷）：两面有稍为烧炙一两成熟，再切薄片，外面有少少脆香但内里系生、再搭配酸酸海带汁、清新开胃。
蒸物 自家制日式和牛蒸饺子（鹿儿岛A4后腿肉）：
牛肉馅好重牛味（但唔骚），好多汁同皮超薄！
烧物 和牛石烧（飞驒A5肩胛肉）：
超热石块烤肉，飞驒A5肩胛肉肥瘦适中，两面各烧2-3秒，香气逼人，入口即化，又唔会好肥好油，食到原汁原味！
煮物 和牛海胆广岛蠔薄烧（山形A5西冷）：烟熏味好香，同和牛卷好match，不过个人唔食蠔，所以觉得蠔味重左D。
炸物 吉列和牛粒（鹿儿岛A4西冷）：和牛粒就算炸完都完全唔会干同韧，好脆同香口！
吸物 和牛上汤堂灼和牛（佐贺A4三角肉 ）：用新鲜牛骨熬煮既上汤，非常浓郁鲜甜，但又唔会死咸！单饮汤已经非常鲜美，搭配软嫩三角肉真系再加分不少！
和风炒和牛釜饭（鹿儿岛A3牛肩脊肉）：饭放系超热石锅入面，所以有少少饭焦，脆脆香香，而且洋葱烧肉酱汁非常好味！

时令水果：本身以为水果只系额外、点知都好高quality！柿好清甜爽口、蜜瓜甜又多汁！

趁依家星期日半价优惠试下呢个［和牛宴］都系一个慰劳自己唔错既方法～

餐厅离地铁站有点距离，但很容易揾到。店舖大，金色为主题，服务员态度好，十分满意。寿司师傅用心讲解食材，互动气氛好，推介大家。