呢间「Burger Joys」我想食好耐啦！个个食完都赞好！我今次就睇下佢系唔系咁坚！
.
我地分别叫咗芝士牛肉汉堡、芝士薯条同埋蒜香鸡翼！等左大约5-7分钟到，所有嘢食就一次过送嚟，见到佢个Burger，又大又厚，未食已经劲吸引！
.
招牌菜芝士牛肉汉堡果然名不虚传！配料虽然都只系好基本嘅材料，生菜、蕃茄、洋葱、芝士、酸瓜同牛肉汉堡，但真系好好食！牛肉味浓郁之余，仲充满肉汁！再配埋半溶嘅芝士，真系极到邪恶！同埋我最钟意佢面包有烘过，食落松软得嚟又带点脆口，超正！
.
芝士薯条又系好邪恶！加咗大量既半溶车打芝士，闻到劲香嘅芝士味，未食已经流晒口水！薯条即叫即炸，够晒热辣辣，食落好香脆！
.
最最最惊喜嘅系鸡翼！呢个蒜香鸡翼，真系超正，劲多炸蒜粒，啱晒我呢啲蒜怪！最估唔到竟然系配泰式辣酱，仲惹味！真系整多一打都仲得！
.
Burger Joys 
中环士丹利街82号地舖

今个周末想放肆一下，嚟到中环，就试吓传说中香港最好食嘅汉堡包（burger joys )

餐厅环境空间感唔系好大，但胜在几有格调，大家可以试吓去窗口位打卡架！

首先推介佢嘅双层芝士牛肉汉堡，块汉堡选用USDA安格斯牛肉制作，好有牛味之余仲好Juicy，芝士半溶化状态，食起上嚟更有口感！另外想赞一赞个包皮，平时嘴刁嘅我如果太饱系唔会食架，但呢一个烘得非常香口而且松软，满口牛油香！

我哋升级左黑松露薯条，薯条系幼身，新鲜炸起的。一路食唔停口！黑松露味道好浓，再配上餐厅附送嘅芝士酱，食落虽然邪恶，但系超有幸福感。

本身好想试吓大家推介嘅奶昔，不过去到已经冇货，唯有配上一罐可口可乐gur下佢。

另外仲叫咗一个水牛城鸡翼，味道偏酸，不过微辣都几惹味！

诚意推介大家经过可以试一试～

疫情关系，好多食肆只可以做生意到黄昏六点。有鉴于此我和朋友放工后在中环一间专卖汉堡包的商店买下我们的外卖晚餐。店舖不难找，我们跟着Google上的地图就很快便找到这间舖的位置。店舖不算很大，当晚也见到少许顾客惠顾。我们很快便点了两个汉堡面包，由于份量都颇算大，所以我们只点了汉堡包，其他也没有点了。店舖的店员都很亲切，而且外卖的速度也很快。我们点了特色双层芝士牛肉汉堡包（Double cheese burger) 及 鸡肉汉堡。
他们所有的牛肉馅每天都 用新鲜牛肉地磨碎100％USDA黑安格斯牛肉并放在他们特制的秘方面包上供客人享用。
全部汉堡配上新鲜蔬菜及蕃茄，洋葱及添上美味酱汁倍添滋味。还可以自选添加配料，有多款芝士-车打芝士，美国芝士，蓝芝士。仲有墨西哥辣椒， 烟肉，煎蛋等等可供选择。
由于疫情，我们只能够外卖带l 回家里吃啊！回到家实在太肚饿忘记影2个汉堡包的样子。但相信堂食一定滋味很多。

个鱼柳包真系次次食都无失望
～～～
有好一段时间冇食汉堡包 今日行完中环Donki之后 突然包瘾到就即刻行去Donki附近嘅Burger Joys食个我最钟意嘅鱼柳包
～～～
佢哋个鱼柳包真系唔讲得笑 食完之后真系会颠覆你对鱼柳包嘅固有印象 首先个鱼唔系正方形嘅而系长方形 好长好长种长方形 长到直情凸咗出去个包出面 斋睇个样 都已经觉得佢好足料 一食落去哗 真系哗一声 超脆嘅鱼柳 加埋蛋香味好重嘅包 简直系完美嘅配搭 虽然之前都食过佢哋个有牛嘅汉堡 味道都唔错 但系要讲令我一食完之后就超级难忘 就一定系佢哋个鱼柳包
～～～
大旧好少会觉得鱼柳好食过牛 除咗呢度 所以真心推介大家试一试 由于即叫即整嘅关系 唔系好似M记整定摆到 所以佢哋嘅包同埋其他食物 温度都非常够热 虽然系冬天 但系外卖买返屋企 都依然觉得热辣辣好新鲜
～～～
除咗个鱼柳包之外 亦都推介佢哋嘅鸡翼 其实几款鸡翼 我之前都试过 不过如果要拣一种最钟意嘅话 我就最钟意佢嘅蒜香鸡翼 真系只只都有蒜香喺上面 好香口
～～～
推荐度：
Burger Joys (中环)
中环士丹利街82号地舖

今日经过Burger Joys ，超钟意餐厅装潢，走美式酒吧风格，有半开放式设计的吧枱位，可以望到街外环境，好有美国feel，加上以段时间不算太多人，即刻入去叹返个Burger 。

芝士牛肉汉堡-餐厅采用 USDA 美国安格斯牛肉制成的汉堡扒，加上用了特色红酒和牛油烹制汉堡肉，牛味浓郁，好Juicy，再加上酸瓜、洋葱、生菜、蕃茄、半溶芝士、烟肉，份量十足。

芝士薯条-薯条上铺满了半溶芝士，芝味十足，如果系粗薯会更正，我比较钟意粗薯。

朱古力奶昔+咖啡酒-卖相非常邪恶，奶昔浓稠适中，质地香滑浓厚，朱古力和咖啡酒调配得刚好，咖啡酒不会盖过朱古力味，而且份量大，好抵饮。