同老公出去拍拖食午餐，跟住去逛街及shopping。去到士丹利街，环境咁休闲，梗系坐低饮杯啤酒。Burger joys 好有气氛，喺阳光照射下，店面更加动人，好chill
放低个仔有啲内疚感，自己个心始终啰啰挛，倾偈内容都不断围绕着个仔，饮饮下，爸爸就话一阵走时要外卖burger Joys嘅美味汉堡包俾阿仔食补返数。
叫咗芝士汉堡比囝囝，外卖包得好整齐，返到屋企打开仍然好四正。阿囝以为我地专登出外买汉堡比佢，不知几开心。d薯条我用气炸锅翻热返，份外脆卜卜，好好味。
芝士汉堡的牛肉好正，阿囝食到舔舔脷。见到佢食得开心，我哋就开心了！

位于中环的士丹利街，一条不起眼的街道却食肆林立，午膳时间一定挤满人。今天来到街尾的Burger Joys食美式汉堡，之前在其他分店都有食过，留下好的印象。
餐厅装修以红黑为主，高抬高凳，墙上挂了很多幅客人欣赏美食的相片，富有外国酒吧特色。
《芝士牛肉汉堡》$109
传统人气的芝士牛肉汉堡，内里夹着生菜、番茄片、洋葱、酸瓜、芝士和厚厚的牛肉，安格斯牛肉牛味浓郁，口感扎实，加上微溶的芝士一齐食，简直是滋味无穷。
《杂菌蘑菇芝士汉堡》$89
这个素食汉堡非常有惊喜，素扒咬落去一点不像素肉，除了水份充足外，还有香浓的菇味，口感和味道非常好，值得一赞还有面包头，软绵绵的，牛油味香，真要极力推荐。
刚炸起的薯条脆卜卜

自从限晚市令后，平日放工只能到附近买外卖‍♀️
想要出九龙/港岛觅食，就只能留到星期六日
所以每次一放假，就会放肆疯狂地「出城」
今次就到中环，食邪恶之堡「Burger Joys」‍♀️
.
Single Burger $99
「Burger Joys」招牌之一 - 牛肉汉堡
选用100%安格斯牛肉再以每日人手打成
牛肉自然松软实在，牛味浓郁，肉汁丰盈
配上清爽生菜，蕃茄，洋葱和酸瓜
多重层次感，一食难忘
而自家制的汉堡，松化、空气感足
香烤过的脆边，入口香脆
汉堡以半开放式的直立纸盒承载
食用时方便呢
.
Mushroom burger $89
食过不少蘑菇汉堡，大多都是原只蘑菇而上
而这个杂菌蘑菇芝士汉堡
将杂菌打碎在搓成肉饼状
在香煎至表面香脆
好像在食薯饼一样，外脆内软
再加上生菜，蕃茄，洋葱和半溶芝士的配合
邪恶至极
.
Combo $41
加多$41便可升级成套餐
可拣汽水或1/2啤酒+薯条
若想转成黑松露薯条，便要再额外加$21
比单点便宜了$38呢
幼身薯条，外脆内薯再加入黑松露
条条都沾满黑松露独特的香气

呢间「Burger Joys」我想食好耐啦！个个食完都赞好！我今次就睇下佢系唔系咁坚！
.
我地分别叫咗芝士牛肉汉堡、芝士薯条同埋蒜香鸡翼！等左大约5-7分钟到，所有嘢食就一次过送嚟，见到佢个Burger，又大又厚，未食已经劲吸引！
.
招牌菜芝士牛肉汉堡果然名不虚传！配料虽然都只系好基本嘅材料，生菜、蕃茄、洋葱、芝士、酸瓜同牛肉汉堡，但真系好好食！牛肉味浓郁之余，仲充满肉汁！再配埋半溶嘅芝士，真系极到邪恶！同埋我最钟意佢面包有烘过，食落松软得嚟又带点脆口，超正！
.
芝士薯条又系好邪恶！加咗大量既半溶车打芝士，闻到劲香嘅芝士味，未食已经流晒口水！薯条即叫即炸，够晒热辣辣，食落好香脆！
.
最最最惊喜嘅系鸡翼！呢个蒜香鸡翼，真系超正，劲多炸蒜粒，啱晒我呢啲蒜怪！最估唔到竟然系配泰式辣酱，仲惹味！真系整多一打都仲得！
.
Burger Joys 
中环士丹利街82号地舖

今个周末想放肆一下，嚟到中环，就试吓传说中香港最好食嘅汉堡包（burger joys )

餐厅环境空间感唔系好大，但胜在几有格调，大家可以试吓去窗口位打卡架！

首先推介佢嘅双层芝士牛肉汉堡，块汉堡选用USDA安格斯牛肉制作，好有牛味之余仲好Juicy，芝士半溶化状态，食起上嚟更有口感！另外想赞一赞个包皮，平时嘴刁嘅我如果太饱系唔会食架，但呢一个烘得非常香口而且松软，满口牛油香！

我哋升级左黑松露薯条，薯条系幼身，新鲜炸起的。一路食唔停口！黑松露味道好浓，再配上餐厅附送嘅芝士酱，食落虽然邪恶，但系超有幸福感。

本身好想试吓大家推介嘅奶昔，不过去到已经冇货，唯有配上一罐可口可乐gur下佢。

另外仲叫咗一个水牛城鸡翼，味道偏酸，不过微辣都几惹味！

诚意推介大家经过可以试一试～