一直都想试Nuttea，知道九龙湾开左分店真系好兴奋！有别于平常的芝士奶盖，Nuttea采用5款坚果制成坚果奶盖，包括榛果、杏仁、核桃、夏威夷果仁及腰果，店铺亦摆放左5款坚果做摆设。

除左大热坚果奶盖茶，仲有坚果奶、水果茶、冷萃茶等等。

伯爵朱古力坚果奶盖茶 $46
虽然价钱贵左d，但季节限定，每日只有100杯，点都想试返次~奶盖打得好厚、好挺身，额外附送一个迷你铲仔比你笔黎食。味道真系好似金莎朱古力/缤纷乐，口感香滑，同时食到坚果碎粒。搅匀后再饮一啖，结合左香浓的朱古力奶盖和清新的伯爵茶，配搭非常夹，只系整体腻左少少。

宇治抹茶坚果奶盖茶 $38
望到咁浓郁既抹茶就知正啦~叫左少甜，值得一赞抹茶甘香不涩口，微苦带甜，唔会饮到溶唔晒既抹茶粉。奶盖质感软滑，入口啖啖咸香，比另一杯更为突出。搅匀后同时饮到重咸香的坚果奶盖同浓郁的抹茶，两者味道平衡得好好。

一直好想试呢间，因为佢系以坚果打成，我好钟食坚果，因为好香。

今次试榛果力力坚果奶，热，微糖！

一饮，好香坚果味，亦有啲一粒粒细既坚果，奶味唔算重，但我后侮拣左微糖，太淡，吊唔起个啲坚果味，应该都系至少半糖会好饮啲！

但我都想再试下其他，今次系我自己拣错糖量姐！但坚果无得输。

呢间人气嘅茶饮店NUTTEA位于鲗鱼涌呢个港岛东商业区，颇受OL欢迎，原因系呢度嘅奶盖唔系好似出边一般嘅茶饮店用奶精或用鲜奶制，而系用上5种不同嘅果仁所制成嘅坚果奶，坚果奶用上嘅果仁包括左杏仁，核桃，榛果，夏威夷果仁同埋腰果。而我哋呢次叫左两杯分别系缤纷火龙果坚果奶盖茶同埋草莓坚果奶盖茶，店员落单时会细心询问不同嘅甜度同冰度，而有啲则固定甜度和冰度系因为想做到令客人满意嘅口感和味道。
呢度每杯鲜果嘅茶饮都系用上新鲜嘅生果打磨出嚟，有着天然嘅味道，而呢度嘅糖都系自家熬制而成，无任何加工，突显出茶饮嘅完美口感和味道。

来自台湾嘅Nuttea，标榜天天新鲜研磨，以杏仁丶合桃丶夏威夷果仁丶榛果丶腰果五种坚果制成的纯素坚果奶，配新鲜水果，真正全素嘅茶饮！

伯爵朱古力坚果奶盖茶
每日限定100杯，见佢系店方推荐饮品，谂都唔谂就决定要试吓！根据建议饮法，首先要用特制铲仔试吓奶盖，质地厚实，似忌廉咁滑，朱古力味浓，仲有微微咸香；再大啖饮啖Earl Grey，独特嘅茶香，好清新；最后将奶盖同茶搅均，饮落有啲啲似港式奶茶，果然系皇牌之选

草莓坚果奶
招牌饮品之一，用新鲜士多啤梨制，，打开盖会见到士多啤梨果蓉，饮到少少坚果微粒，好香，好好味！饮完心情都靓啲！

茶饮店愈开愈多，不过最近就尝了一间印象颇深刻的店。
NUTTEA 坚果奶茶 - 这间卖的奶盖茶饮是素食版本的！
选用以五种坚果制成的纯素坚果奶，
有别于传统由牛奶与芝士制成的奶盖。
当中的坚果分别是杏仁、腰果、核桃、榛果和夏威夷果仁

我点了 - 伯爵朱古力坚果奶盖茶 ($46)
可以自选糖和冰，于是我这杯是少冰+微糖！
首先用附送的铲子铲起厚厚的奶盖来尝一口～
虽没有了芝士的咸香，但每啖都是满满坚果的香气！
而且质感像忌廉那样子~香浓的程度不亚于牛奶的喔

接着可以试试将杯子倾斜45度角来喝 ...
同时喝到奶盖和清爽得来有少许涩的伯爵茶，很有层次感。
最后将两者均匀搅拌后再品尝，会发觉两者完全没有遗和感！
话说整杯喝完后，有十足的饱肚感呢

若果不喜欢朱古力的话，坚果奶盖茶还有水果的选择喔
此外还有水果茶、冷萃茗茶、坚果奶茶之类的，不是只有"奶盖"啲