2021年4月10日(六) 12:00-14:00
我俩来瑰丽酒店
细味英式下午茶
The Butterfly Room@Rosewood Hotel

之前好多人都嚟过The Butterfly Room享受过Afternoon tea，佢哋都写得好详细及清楚，我今次都简简单单讲下。
每月1号，朝头早9:00网上订位，基本上5分钟内，成个月都full晒，所以一定要眼明手快。
我系2月1日订 4月份嘅，我当时系唔需要比订金，而家唔知需唔需要呢，我觉得有需要囉。
今日去到现场，地方不大，大约有14张枱，有两张吉枱，如果大家想试吓，都可以Walk-in碰一碰运气。
本身约定左的朋友临时甩底，真系唔开心兼失望，谂过一个人来，唔知道餐厅又会唔会接受一个人光顾呢。
咁难订位都唔想咁易放弃，好彩最后凤姐陪我一齐去，庆幸今日有去，结论系Good Food、Good Service 、Good Ambience
由入酒店大堂开始已经体会到佢嘅Good Service
有部份食物可以Refill ，食几多攞几多，冇得打包㗎。
第一）每人选左一款茶，我哋选了白茶及The Butterfly Room精选，两种都好饮。
职员不断会帮我地加热水，加左3次水，壶茶都仲好够味，啲茶叶都几靓。
第二）咸点一份，冇得refill ，记得要由青瓜卷开始顺着食，最后食青豆批，由淡食到浓味，否则好似我咁，食错方向，冇咁滋味，如果唔钟意黑松露味嘅话，呢啲咸点就唔啱你啦！
第三）两件英式松饼，可以Refill，一件原味一件提子味，三款酱自家制酱，士多啤梨、柚子、Clotted Cream，我哋都非常欣赏佢嘅果酱。
第四）糕点车，可以Refill，全部都好味道㖞，我哋全部都钟意食
第五）朱古力车，可以Refill，除咗最左手边嘅蛋糕好干唔啱我哋口味之外，又系好味道，都好钟意食。
胃部有限，每款一件，食得晒呢啲嘢都已经好饱，Refill唔到囉！
埋单$798 +10% = $877 / 二位用

Book咗三个月先有得食，本来满怀期待，点知失望收场。

首先酒店嘅大堂系新同埋靓嘅，但餐厅里面环境比较阴暗，虽然有大落地玻璃窗，但系外面其实系停车场，有大嘅簷篷，更加见到一架架车停泊，酒店知呢个缺陷，特登种咗啲草系中间，但系都修饰得唔系太好，感觉系Basement里面食嘢咁，比较侷促。

咸点上枱嘅时候已经冻哂，而且完全不特别，有八成用面包cut 成不同型状垫底，然后上面放不同材料，一系就系现成挞皮，上边放啲罐头吞拿鱼，仲有就系气炸锅薯波，十足十妈妈和三岁的小朋友玩stayhome亲子煮嘢食活动，个hightea 架用嚟打卡亦都唔靓，个架超级细，显得面很大。

甜点差不多全部都是mousse, 有大件嘅mousse, 细件嘅Mousse，朱古力咁大粒嘅mousse, 然后全部都用朱古力或者白朱古力饰面，然后一系就好甜，一系就好酸，我对mouses有偏见，觉得佢系最易整嘅甜品，呢度仲要整得唔好食，真系好失望。

全餐唯一最尽显功价嘅系佢嘅拿破仑，松化到你可以用只叉分开佢，但系又唔会碎到一碟都系。

总括来讲，环境出色，食物嘅种类少，而且停留喺亲子活动嘅层次，唔值得去。