我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“出前一丁期间限定菜式”
Ricky's Kitchen的点评

Ricky's Kitchen
香港排名第1,993 (共15,673家美食)
周围地区: 尖沙咀
餐厅详细资料
周围地区: 尖沙咀
2021年1月28日点评 通过移动设备发表

有睇过ViuTV嘅烹饪或饮食节目都唔会对名厨张锦祥陌生,呢间餐厅就系由呢位名厨主理最近餐厅推出咗港人至爱嘅出前一丁期间限定菜式,仲有一系列与出前一丁联乘嘅粉丝专属活动,自小钟情出前一丁嘅我就梗系不可错过啦

祥仔猪扒脆煎一丁($108)
出前一丁不外乎放汤或炒两种煮法,但煎一丁真系第一次食一丁煎得劲香脆,除咗有沙律菜外,底部仲有劲浓郁嘅蕃茄汁,味道酸酸地之余又香口惹味,有啲似中菜菜式「两面黄」,呢个煮法令我对出前一丁有新嘅认识而厚切猪扒经过慢煮后再沾上日本面包糠即叫即炸,食落啖啖肉,口感外脆内软,真系好出色推荐

经典芝士烟肉长通粉伴温泉蛋($128)
长通粉烟靭有咬口,可能混入咗芝士忌廉汁,所以味道与carbonara相似另加入烟肉及温泉蛋,食落有咸香味之余仲更加creamy最钟意芝士脆片芝味浓又够香脆,令味道及口感更丰富不错

海龙皇汤(跟餐+$48)
呢个系「两日两夜罗宋汤」嘅升级版,罗宋汤经过两日时间烹调,再以胶袋封好,所以味道真系劲!浓!郁!而升级版系加入埋足料海鲜如带子及鲜鱿等,所以多咗一份鲜味值得一提嘅系带子特别鲜嫩,食落仲呈半熟口感,味道真系唔错,不愧为招牌菜

麦精十胜红豆冰(跟餐+$25)
红豆冰不但以麦精代替淡奶或牛奶,仲将麦精打成沙冰,饮落唔会好甜,但麦精味重红豆煮至腍身并起沙,加埋自家制红豆雪糕,真系红豆味十足,呢杯红豆冰确系几特别,必试之选

热柠蜜(跟餐+$0)
味道无乜特别,唔会好甜,属茶餐厅正常水准,但唯独唔够热

酥皮苹果挞($58)
苹果挞本身卖相唔错,仲要新鲜焗起就更加吸引,酥皮食落劲酥脆,酸甜嘅苹果粒配埋custard一齐食,真系滋味十足,好食到要同朋友争食

餐厅有名厨主理确系唔同啲菜式不但新颖多变,而且仲加入咗fusion元素,令食客更有惊喜❤️大推

感谢 dyiongw
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (28)
旅行者评分
旅行者类型
时节
语言

1 - 5 条点评,共 28 条

2021年1月28日点评

相信大家经过k11都可能见过「祥仔」,佢系一间高级版嘅港式西餐,会以唔同嘅烹调方法重新演绎茶餐厅嘅食物。至于「祥仔」,就系指‍Ricky师傅,大家可能系viu/三色台见过佢。

祥仔脆脆猪扒饭 $128
呢个系祥仔嘅招牌菜。平时系茶餐厅食开焗猪,今次嘅猪扒饭就将猪扒同以新鲜蕃茄制蕃茄汁饭分开上。炸猪扒好正,以日本新鲜面包糠作炸粉,整得好薄,脆卜卜。猪扒肉质就几松化又厚身,唔会硬身,啱晒唔钟意咬嘅我,炸完仲保留到肉汁。

芝士烟肉一丁伴温泉蛋 $98
呢个系新产品,同出前一丁合作,搞搞新意思。佢并非一般嘅炒一丁,而系一个模仿Carbonara嘅一丁。出前一丁口感依然弹牙,加上大量芝士忌廉,感觉几creamy,唔使用意粉都好有意式风情。一丁上面仲加上三片靓靓芝士片,好香口。

升级·海龙王两日两夜罗宋汤 $78
呢款「红汤」造型以胶袋装住,,我觉得几特别,几似shake shake海鲜袋。罗宋汤味浓郁,入面除咗有基本嘅杂菜,仲有唔少海鲜,例如有鱿鱼圈、带子、鱼肉同虾仁,同罗宋汤味道相配,提升咗层次。

麦精红豆冰 +$25 (跟餐)
红豆冰绝对系茶餐嘅经典,餐厅以麦精代替鲜奶,更将麦精打成沙冰,特别又感觉无咁腻。而且,红豆冰上有一球红豆雪糕球,雪糕球好足料,有唔少红豆蓉。加上底下大大粒嘅十胜红豆,连唔太钟意食红豆嘅我都食晒。

西多士 $58
西多士就唔系一般话捞炼奶或者糖浆个款,佢定为系一个甜品菜式。餐厅为西多士加上雪糕球,感觉有啲似窝夫甜品。雪糕球系朱古力同云尼拿味,但绝对唔系一般嘅雀巢雪糕,朱古力雪糕味道几浓郁。西多士新鲜炸起,口感就同平时嘅差唔多,但加上雪糕球就有一种冷热嘅感觉。

小总结,「祥仔」作为一间名人店,再加上餐厅位置K11,价钱系比一般茶餐厅贵。不过,见到餐厅有特意再设计或者加插唔同嘅新元素系茶餐食物,味道又唔错,值得一试。

1  感谢 jas4food
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年6月4日点评 通过移动设备发表

星期四不样的晚上,要好好地享受一下宁静的港式西餐。
来刑尖沙咀K11 [祥仔]

指定动作, 先量体温,方可进入餐厅。
餐厅装潢十分 MODERN,用上不同的白灯和折射技巧,令餐厅相当光猛。

今次吸引我来晚饭的原因是一位私欣赏的张大厨,多年前他在柴湾经营的法国菜令我念念不忘。
[祥仔] 以亲民价让庶民们可以吃其独特厨艺,他将专贵的法国菜融入本土食材,令我孚期待。

餐牌印刷得和高级餐厅无异,可惜选择真心小, 基本上都无须一星期已经可以试尽餐牌上的晚餐。
反而下午餐选择比晚餐更多, 晚餐主要有碟头饭牯扒餐, 但现埸所见, 九成人都是食碟头饭。
饭要升级套餐只加 $28 ,就有齐 [两日两夜罗宋汤] 和饮品。


[两日两夜罗宋汤] 上枱时热辣辣,汤色泽比一般罗宋汤更深色, 蔬菜超多,
重点是加入了香茅,令罗宋汤更富层次,味道香浓不油腻,茄膏的酸;加蔬菜的甜、绝对令人有增进食欲之效用。

祥仔脆脆猪扒饭 $118
猪扒用上厚切黑豚肉,炸成吉列猪扒。 厚度比一般的猪扒厚一倍,不用太用力已可以切下,看到白色猪扒上的纹理夹住小许脂肪层, 口感弹形有嚼劲, 微微肉汁渗出, 肉味更浓。
唯一要改善的地方是炸猪扒非昂点即炸的, 上枱时连余温也欠奉。
这碟饭令我十分期待, 因为我很喜欢以茄汁捞饭。
材料全蔬菜有车厘茄、蘑菇、洋葱粒等蔬菜煮成茄酱,茄酱酸甜有致,亦不会杰挞挞,令我秒快速将整碟饭送入胃里 。

另一选择是高级版的栗米肉粒饭 [黑豚肉粒饭。鲜粟米汁] $108
黑豚肉切成超大粒,同样无须要过份调味,就吃固那最原本的肉香;虽然切到咁厚, 但口感仍然非常松化;鲜粟米汁是自家制, 带小许忌廉香味, 并非玻璃献。

小食 [芝士焗蟹盖] $78 反而最有惊喜,即点即焗。 摆碟十分吸睛,以不同颜色水果垫碟,
很有功架。 材料简单将芝士、蘑菇和蟹肉捞好再放入蟹盖内,以面包糠放面焗香,面包糠令口感收更香脆, 层次丰富,鲜味突出, 个人推介。

感谢 Fiona L
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年6月5日点评 通过移动设备发表

好少茶餐厅会开系商场,今日经过K11见呢间茶餐厅门面几靓,仲好特别有个两日两夜罗宋汤,就同老公入去试下!
两日两夜罗宋汤
跟餐+28有两日两夜罗宋汤同野饮,都几抵,落左order之后罗宋汤即刻送到,非常足料,酸酸咸咸好开胃,蔬菜系汤入面浸到入哂味,非常可口既一个汤品!
祥仔脆脆猪扒饭
有”祥仔”呢两个字一睇就知系招牌菜,上openrice都见好多人点呢个,猪扒同饭系分开上,非常细心,可以令猪扒保持松脆,唔会被汁整林。猪扒厚身,食落外脆内juicy,d肉汁爆哂出黎~非常推荐!而饭既汁系蕃茄汁,同上左彩虹车厘茄,甜度足,仲有d蘑菇增加香气同口感,蕃茄汁多到成个十都系,钟意用汁送饭既朋友一定钟意!
铁板爵肉牛柳
铁板上台店员会帮你淋上酱汁,铁板即时咋咋声,非常治愈! 牛柳一食落口估唔到咁淋,易入口又易咬,牛柳系薄身,但份量都足够,唔会只有两三片。配菜既栗米都非常之赞!好似bbq既感觉,又香又甜又爆汁~正!
呢度既服务都好好,上菜速度超快,落完单好快就上齐菜,赶时间既朋友黎食就岩哂。

感谢 catcatbobo
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2020年5月16日点评 通过移动设备发表

难得这段时间朋友可以一聚一下,知道Ricky系K11有新店那就决定来这店,我们平日晚上客人不算太多,这段时间也不想餐厅太挤迫,感觉好一点!
我们决定叫这店出名的祥仔脆脆猪扒餐果然一试难忘!猪扒厚身而且很juicy又很脆脆
蒜香特纯橄榄油辣椒意粉,意粉口感刚刚好有弹性,不过朋友怕辣话比较辣,我还可以很惹味,另外各自加了$28转套餐,包括了两日两夜罗宋汤及热饮☕️变了套餐好实惠!

感谢 jacklin121
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文

查看过Ricky's Kitchen的旅行者还看了

 
中国香港
 

去过Ricky's Kitchen吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。