好耐冇见喇my friend, 出黎食个饭囉～～
A5和牛三文治
又鱼子又金箔on top睇落好靓，和牛系好肥滋滋，但我食旧有少少筋，同埋唔知点解牛味唔系好出。$398呢个定价真心太贵。
A4和牛烧肉 lunch set
睇个menu计落条数$298有6块牛肉，肉食者贵多差唔多成倍先得8块，咁梗系叫lunch set 啦 仲要lunch set 又有前菜有白饭有味噌汤有茶碗蒸。可能因为成间餐厅个得一个楼面嘅关系，冇人同我介绍乜野肉打乜野肉，佢冇漏单或者隔好耐先上菜已经偷笑。
讲返d牛肉先，每一块油花分布好平均，食落唔腻，有油脂香得黎肉味好出，share食每人两三块，小吃劲滋味。
鹅肝和牛丼
呢个就争d喇，鹅肝比较薄身，煮得太熟所以起沙，d和牛系薄切，虽然冇lunch setd咁靓，但味道唔错又冇过熟。
蕃薯雪葩
呢个好食，雪葩个味好raw，甜度啱啱好，食晒d雪葩仲可以挖d蕃薯肉食吓。但佢拎出黎阵太硬，等左15分钟左右先食到。
整体黎讲，食物质素唔错，但散叫定价太贵。个A4和牛lunch set 喺呢间野黎讲算cp值好高，可以一试。同埋而家可以做返晚市，希望人手分配上会有改善，我见个楼面一个人serve 4枱客都冇甩漏又好招呼，真心佩服佢。
拥有或管理这家酒店？ 免费获取您的详情页以便回复点评、更新资料或者进行其他操作。