元朗国有好多好嘢食大家都知，今日就嚟到呢间戚风蛋糕店。我每一次嚟到呢间蛋糕店，我所想买嘅味都卖晒。
今日就趁Lunch time过嚟，终于买到我想买嘅味。佢全部一共有九款口味: 原味、柚子、芝麻、咖啡、伯爵茶、焙茶、抺茶、朱古力同香蕉。
咁我今次就买咗伯爵茶、焙茶同埋咖啡。
我食𠮶阵时仲特登冲杯咖啡嚟配佢哋。
我第一件食嘅就系咖啡味，但唔知系咪我本身冲嘅𠮶杯咖啡个味太重，识落呢件咖啡味嘅戚风蛋糕，觉得个味反而唔系太出。
但到我食伯爵茶同埋焙茶嘅时候，一打开个包装纸，个茶味已经非常出，食落去嘅时候真系好好食，尤其系伯爵茶。
所有件装蛋糕都系$14/件，原个就$70/个。
我决定咗下次再嚟嘅时候，一定要买个原个嘅伯爵茶，同埋再试埋其他嘅口味。

呢间小店主打戚风蛋糕又多款唔同味道分别有朱古力、芝麻、伯爵茶、柚子、香蕉、原味、抹茶等等。而且仲有其他饮品卖。

嚟到呢度梗系要买返几件，我就买咗原味香蕉味。原味一食就知道有冇蛋香，呢个原味蛋糕味都几香蛋味，而且蛋糕够松软，真系好软熟，好好食！你将蛋糕按一下，会自动弹返起身，超松软！

另外试咗香蕉味，一向都几钟意食香蕉蛋糕，但系就未试过香蕉戚风。香蕉味淡淡地香，食开香蕉蛋糕嘅人就会明。钟意呢浸香蕉味清清地唔会太浓，而且蛋糕嘅质感真系好松软。

钟意佢每件蛋糕都包起，然后有个老陈贴纸。而且个纸袋都几得意！今次食咗两只味，下次试吓其他味先！

这间戚风蛋糕专门店，只有企位，有件装亦有个装。共有五种口味，芝麻、抹茶、朱古力、伯爵茶及香蕉味！松软！